Kulaje 2:22 - Dɔnɔn kə̂ Siki: Tar kə̂ aw arə təbbə

²² «Ngann Ijarayɛlje, maji karə ooje tar kə̂ mâ ta pa karəse nəənn. Jeju kə̂ Najarɛtə le to dəw kə̂ Lubba tɔjuse to ne â nulɛ̂ narəse. Yeenn bba Lubba arə n̂-dda nɛ̂n-mɔrije, nɛ̂nje kə̂ dum dɔ koo kə nɛ̂n-kɔbbuje dang dang horose tə̂. Ə-gərəje nɛ̂njeenn kə majɛ̂.

Maketuru le Lubba ke tar kabba

²² «Ngann Ijarayelje, ooje tar ke ma ta pa karese neenn. Jeju ke Najarete le, to dew ke Lubba tɔjuse to ne a nulae narese. Yeenn bba Lubba are n̂-dda ne-mɔrije, neje ke dum dɔ koo, ke ne-tɔju-neje dang dang horose te. E-gereje nejeenn ke maje.

Kulaje 2:22 Iomraidhean Croise

Matiye 12:28

A bbo Ndil lə Lubba â maw tubba nɛ̂n ndilje kə̂ maji ang a, yeenn tɔju to kɔn-mbay lə Lubba ddee ndərəng tee rɔse tə̂ ngaa.

Matiye 2:23

Naw ngaâ n̂-dda bbe kə̂ Najarɛtə. Yeenn bba karə tar kə̂ njê-kilaje mbər tar lə Lubba paje le ddee to tar kə̂ tɔkɔrɔ. Tar le nan: «Dâ bbarɛ̂ to dəw kə̂ Najarɛtə.»

Matiye 9:8

Dəwje kə̂ banya le ooje baann a, bbəəl uta dɔde ngaâ dɔsuje gaji Lubba mba singa kə̂ baann kə̂ narə dəwje le.

Luku 11:20

A bbo Lubba â arəm singa maw tubba nɛ̂n ndilje kə̂ maji ang a, yeenn tɔju to kɔn-mbay lə Lubba ddee ndərəng tee rɔse tə̂ ngaa.

Luku 18:37

N̂-pa darɛ̂ nan Jeju kə̂ Najarɛtə â aw nday.

Luku 24:18

Marɛ̂ kâra horode tə̂ kə̂ ria nan Kelewopas ilɛ̂ tə̂ nan: «Nɛ̂nje kə̂ toje mə ndɔje tə̂ nəənn, əi kə kari baa njaa ə-to dəw kə̂ Jerujalɛm kə̂ gərə tarɛ̂ ang wa?»

Tar kə̂ Maji kə̂ Jan dda makəturu tə̂ 1:45

Goe tə̂ a, Pilipi inga Natanayɛl ngaâ pa arɛ̂ nan: «Jinga marə dəw kə̂ Makəturu-Ndu lə Mɔyijə kə lə njê-kilaje mbər tar lə Lubba paje tar laa le. Dəw le to Jeju kə̂ Najarɛtə, n̂-to ngonn lə Jojɛpə.»

Tar kə̂ Maji kə̂ Jan dda makəturu tə̂ 10:37

Bbo m-dda kulaje lə Bɔmje ang a, maji karə ə-ndikije tə̂ kə tar ləm ang.

Tar kə̂ Maji kə̂ Jan dda makəturu tə̂ 11:47

Yeenn ngaâ mbayje lə njê-poloje Lubba kə Parijinyɛje bbarje kəsə njê-gangəje sariya ləde ngaâ paje nan: «Ddi â ja ddaje wa? Dingaw nəənn dda nɛ̂n-mɔrije nya.

Tar kə̂ Maji kə̂ Jan dda makəturu tə̂ 12:17

Dəwje tɔyn kə̂ arje kə Jeju kar tə̂ kə̂ n̂-bbar Lajar buwa-yo tə̂ narə ndol le aw paje tarɛ̂ arə dəwje.

Tar kə̂ Maji kə̂ Jan dda makəturu tə̂ 15:24

Bbo m-dda nɛ̂nje kə̂ dəw dda ndɔ kâra ang horode tə̂ ang a, tar majang a to dɔde tə̂ ang. A bbasinɛn, dooje nɛ̂nje kə̂ m-dda, a n̂-mbətəmje ddəm n̂-mbətəje Bɔmje ddəm.

Tar kə̂ Maji kə̂ Jan dda makəturu tə̂ 19:19

Pilatə arə n̂-dda makəturu n̂-bbərə dɔ kakə-dəsə tə̂ le taar nan: «Jeju kə̂ Najarɛtə, tɔkə mbay lə Jiipije.»

Tar kə̂ Maji kə̂ Jan dda makəturu tə̂ 3:2

N̂-ddee ninga Jeju til tə̂ ngaâ n̂-pa nan: «Nje-nɛ̂n-tɔju, n-gərə to Lubba ulai ta karə ə-tɔjuje nɛ̂n. Dəw kə̂ Lubba ee saa ang a kasə ta dda nɛ̂n-mɔrije kə̂ aw dda nəənn ang.»

Tar kə̂ Maji kə̂ Jan dda makəturu tə̂ 4:48

Jeju pa arɛ̂ nan: «Bbo m-dda nɛ̂n-mɔrije kə nɛ̂nje kə̂ dum dɔ koo ang a, â kasəje ta koo məse tə̂ ang.»

Tar kə̂ Maji kə̂ Jan dda makəturu tə̂ 5:36

«A tar-naji kə̂ dɔm tə̂, kə̂ ngəng uta ye kə̂ Jan pa to. Mba kula kə̂ Bɔ ulam arə maw dda le njaa aw pa tar-naji ləm ngaâ tɔju to Bɔ â ulam.

Tar kə̂ Maji kə̂ Jan dda makəturu tə̂ 6:14

Dəwje le ooje nɛ̂n-mɔri kə̂ Jeju dda le a, n̂-paje nan: «Ne njaa â n̂-to nje-kila mbər tar lə Lubba kə̂ a ta ddee dɔ nangə tə̂ le.»

Tar kə̂ Maji kə̂ Jan dda makəturu tə̂ 6:27

Maji karə nɛ̂n-kusa kə̂ aw tuju â ə-ddaje kula mbɛɛ̂ ang. Maji karə ə-ddaje kula mba nɛ̂n-kusa kə̂ aw to kə ndɔ kə ndɔ ngaâ aw arə təbbə kə̂ to kə ndɔ kə ndɔ. Nɛ̂n-kusa kə̂ to kə ndɔ kə ndɔ le Ngonn lə dəw â, a karəse. Mba, ne â Lubba kə̂ Bɔ arɛ̂ singa.»

Tar kə̂ Maji kə̂ Jan dda makəturu tə̂ 7:31

A horo dəwje tə̂ kə̂ banya le, dəwje nya ooje məde tə̂ saa. N̂-paje nan: «Ndɔ kə̂ Mesi le ddee a, nâ dda nɛ̂n-mɔrije uta lə dingaw nəənn wa?»

Tar kə̂ Maji kə̂ Jan dda makəturu tə̂ 9:33

Bbo dəw nəənn in rɔ Lubba tə̂ ang a, nâ kasə dda nɛ̂n kâra ang.»

Kulaje 13:16

Pɔl in taar, dda jia arəde ngaâ pa nan: «See ngann Ijarayɛlje kə see dəwje kə̂ aw bbəəlje Lubba, ooje tar nəənn.

Kulaje 14:27

Pɔl de kə Barnabas n̂-teeje Antiyos nangə tə̂ kə̂ Siri a, n̂-mbɔnje njê-mə-kunnje. Dɔruje gəl nɛ̂nje tɔyn kə̂ Lubba dda ddəw tə̂ ləde kə gusu kə̂ Lubba ɔru nɛ̂n ddəw arə dəwje kə̂ toje to Jiipije ang ooje məde tə̂ tɔ le.

Kulaje 2:19

Mâ dda nɛ̂n kə̂ dum dɔ koo taar mə dara tə̂ ddəm mâ dda nɛ̂n-mɔrije bəər dɔ nangə tə̂ ddəm. Məsə, puru kə tɔkə sa-puru.

Kulaje 2:43

Bbəəl uta dɔ dəwje tɔyn, mba Lubba dda nɛ̂nje kə̂ dum dɔ koo kə nɛ̂n-mɔrije nya nya ddəw tə̂ lə njê-kaw-kulaje.

Kulaje 21:28

N̂-paje kə taar nan: «Ngann Ijarayɛlje, ə-ddeeje bbo! Ne le â nar nəənn! Dəw kə̂ aw tɔju nɛ̂n dəwje tɔyn loje tə̂ tɔyn mbətə nɛ̂n dəwje ləje ddəm Ndu lə Mɔyijə ddəm kəy-polo Lubba ddəm le. Gɛrɛkəje kara n̂-ddee kə de kəy-polo Lubba tə̂ nəənn narə lo nəənn kə̂ maji tɔyn le ddee to lo kə̂ maji ang.»

Kulaje 22:8

Milɛ̂ tə̂ m-pa nan: ‹Əbbəmje, əi nân wa?› Ndu le pa nan: ‹Əman Jeju kə̂ Najarɛtə â aw dda səm singa nəənn.›

Kulaje 24:5

Joo a, dingaw nəənn to dəw kə̂ maji ang nya. N̂-dda narə lo yəkə horo Jiipije tə̂ tɔyn kə̂ dɔ nangə tə̂. Ngaâ n̂-to marə mbay dɔ mbɔn-naan tə̂ lə dəwje kə̂ Najarɛtə kə̂ to mbɔn-naan kə̂ maji ang.

Kulaje 26:26

Tɔkə mbay Agiripa oo tarje nəənn kete mban arə mâ kasə pa tar nəənn nɔɛ̂n tə̂ kə bbəəl ang. M-gərə to n̂-gərə nɛ̂njeenn tɔyn, mba nɛ̂njeenn le teeje lo-kiyɛ̂ tə̂ ang.

Kulaje 26:9

«Əman kara məjə m-pa nan to maji karə m-dda singa nya mba koo ri Jeju kə̂ Najarɛtə nəənn kə mbim ang.

Kulaje 3:12

Piyɛr oo nɛ̂n le be a, pa arəde nan: «Dəwje kə̂ Ijarayɛl, mba ddi bba arəje bbəəl ddase mba nɛ̂n kə̂ tee nəənn wa? Mba ddi bba aw aajeje tokə nɛ̂n kə̂ ddəw singaje tə̂ njaa wase mba ngəm kə̂ jaw ngəm Ndu lə Lubba le bba n-ddɛɛ̂ jarə n̂-nja wa?

Kulaje 3:6

A Piyɛr pa arɛ̂ nan: «Andə wase narɛ to rɔm tə̂ ta kari ang. A nɛ̂n kə̂ to rɔm tə̂ â nəənn â mari: Kə ri Jeju-Kristə kə̂ Najarɛtə, in taar ə-nja!»

Kulaje 4:10

Sese tɔyn kə dəwje kə̂ Ijarayɛl, maji karə ə-gərəje to kə ri Jeju-Kristə kə̂ Najarɛtə kə̂ ə-tɔlɛ̂je kakə-dəsə tə̂ bba Lubba ndole le â dəw nəənn ar nɛ̂n nɔnse tə̂ kə rɔ kə̂ maji nəənn.

Kulaje 5:35

Goe tə̂ a, n̂-pa narə njê-gangəje sariya le nan: «Ngann Ijarayɛlje, ooje kə majɛ̂ bba ta ə-ddaje marə nɛ̂n kə dəwje nəənn.

Kulaje 6:14

N̂-pa nan Jeju kə̂ to dəw kə̂ Najarɛtə le a tuju Kəy-polo Lubba nəənn ngaâ nâ turu nɛ̂n-ji-bbeje kə̂ Mɔyijə inya arəje le. Joo tar laa le kə mbije njaa.»

2 Kɔrɛntinyɛje 12:12

M-tɔ wurum mə nɛ̂nje tə̂ tɔyn kə̂ ingamje, m-dda nɛ̂nje kə̂ dum dɔ koo kə nɛ̂n-mɔrije dang dang bbeê ləse. Yeenn tɔju to m-to nje-kaw-kula njaa.

Ebərəje 2:4

Lubba njaa kara tɔju to tarje ləde le to tarje kə̂ tɔkɔrɔ, ddəw nɛ̂n-mɔrije tə̂ dang dang ddəm ddəw gusuje tə̂ lə Ndil-mə-nda kə̂ aw kayn dəwje tokə məɛ̂ ndiki ddəm.