Kulaje 2:17 - Dɔnɔn kə̂ Siki: Tar kə̂ aw arə təbbə

¹⁷ ‹Lubba pa nan: ddutu ndɔ a, mâ sanrɛ Ndil ləm dɔ dəwje tə̂ tɔyn, ngannse kə̂ dingaw kə ngannse kə̂ dɛnɛ̂n a təlje to njê-kilaje mbər tar ləm, ngann basanje ləse a kooje nɛ̂n tokə lə nin, bbukaje ləse a ninje.

Maketuru le Lubba ke tar kabba

¹⁷ ‹Lubba pa na: ddutu ndɔ a, ma kare Ndil lem isi me dewje te tɔyn, ngannse ke dingaw, ke ngannse ke dene a telje to nje-kilaje mber-tar lem, ngann basanje lese a kooje ne toke mare le nijeenn, bbukaje lese a nije.

Kulaje 2:17 Iomraidhean Croise

Luku 3:6

Baann bba dəwje tɔyn a kooje kaji kə̂ Lubba a ta kaji dəwje.»

Tar kə̂ Maji kə̂ Jan dda makəturu tə̂ 17:2

Mba arə Ngonni singa dɔ dəwje tə̂ tɔyn, karə dəwje kə̂ ungude mə jia tə̂ le, narəde təbbə kə̂ to kə ndɔ kə ndɔ.

Tar kə̂ Maji kə̂ Jan dda makəturu tə̂ 7:39

Jeju pa tar nəənn ɔju dɔ Ndil kə̂ dəwje kə̂ ooje məde tə̂ saa a kingaje le. Kar tə̂ənn, Ndil-mə-nda ddee ang bbay, mba Jeju nayn inga piti lə Lubba ang bbay.

Kulaje 10:45

Njê-mə-kunnje kə̂ toje to Jiipije kə̂ dannje Piyɛr le dɔde ayn, mba dooje a, Lubba arə Ndil-mə-nda dəwje kə̂ toje to Jiipije ang tɔ.

Kulaje 11:27

Dɔ ndɔɛ̂ tə̂ənn, marə njê-kilaje mbər tar lə Lubba inje Jerujalɛm awje bbe tə̂ kə̂ Antiyos.

Kulaje 11:28

Ndil unda tar ta marɛ̂ tə̂ kâra kə̂ ria nan Agabus. Nin taar ngaâ n̂-pa nan: «Marə ndɔ a, tɔkə bbo a koso dɔ nangə tə̂ tɔyn.» A tɔkɔrɔ njaa bbo le oso dɔ ndɔ tə̂ kə̂ Kolodə to nɛ̂n to tɔkə mbay.

Kulaje 2:16

A nɛ̂n kə̂ aw ooje nəənn to tar kə̂ Jowɛl kə̂ to nje-kila mbər tar lə Lubba pa â ddee to nɛ̂n kə̂ tɔkɔrɔ. N̂-pa nan:

Kulaje 2:18

Tɔkɔrɔ, dɔ ndɔɛ̂je tə̂ənn le, mâ karə Ndil ləm njê-kulaje ləm kə̂ dingaw kə njê kə̂ dɛnɛ̂n ngaâ dâ kilaje mbər tar ləm.

Kulaje 2:33

Lubba unnɛ̂ undɛ̂ dɔ ji-kɔlɛ̂ tə̂ darâ. Ninga Ndil-mə-nda kə̂ Bɔ unn ndue ta karə le ngaâ n̂-sanrɛ Ndil le dɔje tə̂ ddəw kâra baa tokə aw ooje kə kəmse ddəm kə mbise ddəm nəənn.

Kulaje 21:9

Ngannɛ̂ kə̂ dɛnɛ̂n eeje sɔ kə̂ gərəje ngaw ang bbay ngaâ aw ilaje mbər tar lə Lubba.

Rɔmɛnje 5:5

Məje kə̂ jundaje dɔ Lubba tə̂ le a dda karə rɔje wul ang, mba Lubba arə Ndil-mə-nda kə̂ narəje le ula ndiki laa məje tə̂ tokə bo.

1 Kɔrɛntinyɛje 12:10

Ndil le arə marə dəw singa dda nɛ̂n-mɔri, narə marə dəw dang gusu kila mbər tar, narə marə dəw gusu gərə Ndil kə̂ maji kə ndil kə̂ maji ang. Narə marə dəw dang bbay gusu pa tar kə ndɔn-tar kə̂ dəw gərə ang ngaâ narə marə dəw gusu ndaji kandə tarjeenn le.

1 Kɔrɛntinyɛje 12:28

Mba yeenn bba, mə Egilisi tə̂, Lubba unda Njê-kaw-kulaje to dəwje kə̂ dɔngɔr. Njê-kilaje mbər tar lə Lubba toje to joo ləde. Njê-nɛ̂n-tɔjuje toje to mota ləde. A goe tə̂ to njê-ddaje nɛ̂n-mɔri, goe tə̂ a narə gusu kaji njê-rɔ-toje, gusu kuman dəwje, gusu kɔn dɔ dəwje kə gusu pa ndɔn-tarje dang dang.

Ebərəje 1:2

A bbasinɛn, ddutu ndɔje tə̂ nəənn, Lubba pa kə je tar ddəw tə̂ lə Ngonnɛ̂. Ddəw tə̂ lə Ngonnɛ̂ le â n̂-dda nɛ̂nje tɔyn ngaâ nunn ngonnɛ̂ le karə ddee to nje-nɛ̂nje tɔyn.

Jakə 5:3

Andə ləse kə narɛ ləse uwaje mbɔrkasɛ mban. Ngaâ mbɔrkasɛ le â to nɛ̂n kə̂ a kunda tar dɔse tə̂. Ngaâ mbɔrkasɛ le a kusase tokə marɛ̂ lə puru kə̂ ɔn nɛ̂n. Ddutu ndɔ mban bba ə-mbɔnje nɛ̂n-kingaje kə dɔ naan tə̂ dɔ naan tə̂.

2 Piyɛr 3:3

Dɔngɔr nɛ̂n, maji karə ə-gərəje to ddutu ndɔje tə̂ a, dəwje kə̂ aw njaje ddəw bbo tə̂ kə̂ da-rɔde tə̂ a kundaje lo teeje. Dâ kɔjujese koko nɛ̂n.