Kulaje 2:1 - Dɔnɔn kə̂ Siki: Tar kə̂ aw arə təbbə

¹ Kar kə̂ ndɔ Pantekotə asə a, njê-mə-kunnje isije dɔ naan tə̂ kâra baa.

Maketuru le Lubba ke tar kabba

¹ Toke ndɔ Pentekote ase a, nje-me-kunn isije dɔ naa te kara baa.

Kulaje 2:1 Iomraidhean Croise

Kulaje 1:5

Jan dda dəwje batɛm maann, a sese, â kingaje batɛm Ndil-mə-nda mə ndɔje tə̂ nəənn.»

Kulaje 1:8

A, â kingaje singa-mɔngu ddəw tə̂ lə Ndil-mə-nda kə̂ a ddee dɔse tə̂. Ngaâ â təlje to njê-tar-najije ləm mə bbe tə̂ kə̂ Jerujalɛm, dɔ nangə Jude tə̂ tɔyn, dɔ nangə Samari tə̂, ndərəng kɔyn nangə tə̂ tɔyn.»

Kulaje 2:46

Dooje ta naan ngaâ kə ndɔ kâra kâra tɔyn daw dawje kəy-polo Lubba tə̂ naan tə̂. Daw dusaje nɛ̂n mə kəy tə̂ lə naan. Daw dusaje nɛ̂n ləde kə rɔ-nəəl kə mə ngonn-kasə.

Kulaje 20:16

Pɔl ndiki ta kar lo kâra Epɛjə ang, mba n̂-ndiki karə gɔl kar laa nday baa nangə tə̂ kə̂ Aji ang. N̂-ndiki ta kaw kə ngɔru ta bbo ddəw to a, tee Jerujalɛm ndɔ kusu Pantekotə tə̂.

Kulaje 4:24

Njê-marədeje le ooje tar ləde le ngaâ dede tɔyn njaa dooje ta naan, n̂-dujuje Lubba n̂-paje nan: «Əbbəjeje, əi njaa ə-dda dara kə nangə kə ba kə nɛ̂nje tɔyn kə̂ toje tə̂.

Kulaje 4:31

N̂-dujuje Lubba n̂-tungaje a, nangə yəkə lo tə̂ kə̂ n̂-mbɔnje naan tə̂ le. Ndil-mə-nda ddusude ngaâ dunnje kutu pa tar lə Lubba kə bbəəl ang.

Kulaje 4:32

Njê-mə-kunnje kə̂ banya le, məde kə kəjə ləde to kâra baa. Dəw kâra horode tə̂ pa nan marə nɛ̂n to lə ne kə karə ne baa ang, mba nɛ̂n-kingaje ləde tɔyn to ləde horo naan tə̂.

Kulaje 5:12

Njê-kaw-kulaje ddaje nɛ̂n-mɔrije kə nɛ̂nje kə̂ dum dɔ koo nya nya horo dəwje tə̂. Dəwje tɔyn kə̂ ooje məde tə̂ mbɔnje naan kɔ baranda tə̂ lə Salomɔn.

Rɔmɛnje 15:6

Yeenn bba, məse a to kâra baa ngaâ â mbɔnje tase mba kɔsu nɛ̂n gaji Lubba kə̂ to Bɔ Əbbəjeje Jeju-Kristə.

1 Kɔrɛntinyɛje 16:8

A mâ nayn Epɛjə ndərəng ndɔ Pantekotə tə̂.

Pilipinyɛje 1:27

A maji karə pa-nja ləse dda mə-kâra kə Tar kə̂ Maji lə Kristə le. Baann bba karə bbo m-ddee ta koose wase mee horose tə̂ ang njaa kara, moo tamse. Maji karə dəwje paje arəm nan aw uwaje arəje ngəng ddəw kəjə tə̂ kə kâra baa. Ngaâ məse to kâra baa bba aw ddaje nɛ̂n ddɔ tokə dəwje kə̂ kâra baa, mba mə-kunn kə̂ ddee ddəw Tar tə̂ kə̂ Maji le.

Pilipinyɛje 2:2

Yeenn a, maji karə ə-ddaje arə minga rɔ-nəəl nya ddəw koo-ta-naan tə̂ ləse. Arəje ndiki ləse to kâra baa, məse to kâra baa ngaâ kəjə ləse to kâra baa.