Kulaje 19:9 - Dɔnɔn kə̂ Siki: Tar kə̂ aw arə təbbə

⁹ A mə marɛ̂je kətərə ngaâ n̂-ndikije tar tə̂ lə Pɔl le ang. Darje kə kəm dəwje tə̂ kə̂ banya le njaa daw paje tar «ddəw lə Əbbə-dəwje» daw kokoje nɛ̂n. Yeenn bba, Pɔl tusude inyade, a mbɔn kəsə njê-njaje go Əbbə-dəwje tə̂ aw kə de kəy nɛ̂n-ndo tə̂ lə Tiranos aw pa tar arəde kə ndɔ kə ndɔ.

Maketuru le Lubba ke tar kabba

⁹ A me mareje ketere ngaa n̂-ndikije tar te le Pɔl le ang. Dar ke kem dewje te ke banya le njaa daw n̂-paje tar wɔju dɔ ddew le Ebbe-dewje daw n̂-kokoje ne. Yeenn a, Pɔl tusude inyade a mbɔn kese nje-njaje go Ebbe-dewje te aw ke de key-ne-ndo te le Tiranoso aw tɔjude tar le Lubba ndɔ ke ndɔ.

Kulaje 19:9 Iomraidhean Croise

Matiye 15:14

Inyajede. N̂-toje to njê-kəm-tɔje kə̂ aw ilaje kakə ji njê-kəm-tɔje marədəje tə̂. Bbo nje-kəm-tɔ ila kakə ji nje-kəm-tɔ marɛ̂ tə̂ a, dede joo kəm dâ kosoje mə buwa tə̂.»

Matiye 16:4

Dəwje kə̂ bbasinɛn kə̂ majije ang ddəm dəwje kə̂ pa-nja ləde to kə dannâ ang ddəm dujuje nɛ̂n-mɔri. A bbay nɛ̂n-mɔri kə̂ dâ koo â to nɛ̂n kə̂ inga Jonas kə̂ to nje-kila mbər tar lə Lubba.» Goe tə̂ a, Jeju inyade a ɔtu.

Matiye 26:55

Goe tə̂ a, Jeju pa arə dəwje kə̂ banya le nan: «Ə-ddeeje kə tɔkə kiyaje kə kakəje bba ta kuwam nɛ̂n tokə nɛ̂n kə̂ m-to dəw kə̂ maji ang wa? Kə ndɔ tɔyn, maw misi kəy-polo Lubba tə̂ maw tɔju nɛ̂n, a uwamje ang.

Tar kə̂ Maji kə̂ Jan dda makəturu tə̂ 12:40

«Lubba dda arə kəmde oo lo ang. N̂-dda narə məde kətərə, bba karə dooje lo ang, karə n̂-gərəje nɛ̂n ang, bba karə n̂-turu ddəw ləde ang, ngaâ, karə Lubba ajide rɔ-to tə̂ ləde ang.»

Kulaje 11:26

Ningɛ̂ a, n̂-ddee saa Antiyos. N̂-ddaje bbal kâra Egilisi tə̂ kə̂ Antiyos ngaâ n̂-tɔjuje nɛ̂n dəwje nya nya. Bbe tə̂ kə̂ Antiyos â dəwje unn kutu bbar ri njê-njaje go Jeju tə̂ to «dəwje lə Kristə.»

Kulaje 14:4

Dəwje kə̂ bbe tə̂ le horode tin joo: Marɛ̂je unnje go Jiipije, a marɛ̂je unnje go njê-kaw-kulaje le.

Kulaje 17:4

Marə Jiipije le ndikije tar tə̂ le ngaâ unnje go Pɔl de kə Silas. Gɛrɛkəje nya kə̂ aw poloje Lubba kə marə dɛnɛ̂nje kə̂ toje to dəwje kə̂ bo ddaje tokə baann tɔ.

Kulaje 19:23

Dɔ ndɔɛ̂ tə̂ənn njaa tɔkə tar oso Epɛjə ɔju dɔ tar «ddəw lə Əbbə-dəwje» le.

Kulaje 19:30

Pɔl ndiki ta kaw nɔn dəwje tə̂ kə̂ banya le, a njê-mə-kunnje mbətəje.

Kulaje 20:31

Maji karə undaje kəmse dɔ rɔse tə̂, oleje məse to bbal mota njaa, til tə̂ ddəm karâ ddəm m-ndəjəse kâra kâra tɔyn kə maann-nɔn kəmʼm tə̂.

Kulaje 22:4

M-dda singa kə dəwje kə̂ unnje ‹ddəw lə Əbbə-dəwje› ndərəng marə dingaje yo. Marə duwa dingawje kə dɛnɛ̂nje n̂-tɔde dungude kəy-kula tə̂.

Kulaje 24:21

Kar tə̂ənn le mar horo njê-gangəje sariya tə̂ muru əkii m-pa nan: ‹Daw ta gangə sariya dɔm tə̂ mba tar lə dəwje kə̂ oyje kə̂ munda məm to dâ ndolje le.› Mba tar kə̂ kâra baa nəənn le njaa n̂-ddeeje nɛ̂n səm sariya tə̂ nɔnse tə̂ bbokənɛn nəənn.»

Kulaje 28:22

A jaw duji karə əi njaa ɔru gəl nɛ̂n kə̂ aw əjə arəje, mba n-gərə to loje tə̂ tɔyn, dəwje aw mbətəje kuwa-dɔ-naan kə̂ ee məɛ tə̂ nəənn to mbətə dɔrɔ.»

Kulaje 7:51

«See njê-dɔ-kətərəje, sese kə̂ Lubba bbarse, a arəje məse kətərə ngaâ ooje nɛ̂n-bbar laa ang, a aw mbətəje tar lə Ndil-mə-nda kə ndɔ tɔyn. Ə-toje ddəw kâra baa kə kasəse.

Kulaje 9:2

naw duju makəturuje ta kaw nɛ̂n karə njê kə̂ kəy mbɔn-naanje tə̂ kə̂ Damas. Makəturu le a karɛ̂ ddəw karə bbo ninga marə dɛnɛ̂nje wase dingawje kə̂ aw unnje «ddəw lə Əbbə-dəwje» a, n̂-tɔde n̂-ddee kə de Jerujalɛm.

Rɔmɛnje 11:7

Yeenn pa nan ddi wa? Nɛ̂n kə̂ Ngann Ijarayɛlje aw sangəje le dingaje ang. A dede kə̂ Lubba mbərəde â dingaje nɛ̂n le. Lubba dda arə mə kəseje kətərə.

Rɔmɛnje 9:18

Yeenn a, Lubba aw oo kəm-to-ndoo lə dəw kə̂ n̂-ndiki ta koo kəm-to-ndoo laa, dəw kə̂ n̂-ndiki ta dda karə məɛ̂ kətərə a, n̂-dda narə məɛ̂ kətərə.

1 Kɔrɛntinyɛje 16:9

Mba ddəw ɔru tokə bo arəm karə m-dda kula lo tə̂ənn, a njê-baanje ləm banyaje nya.

1 Timɔte 6:5

mayn tar kə̂ kɔnyɛ̂ goto horo dəwje tə̂ kə̂ kəjə ləde to kə dɔgɔlɛ̂ ddəm tar kə̂ tɔkɔrɔ goto tade tə̂ ddəm. Dooje kunn-mə karə Lubba to ddəw nɛ̂n-kinga ləde.

2 Timɔte 1:15

Ə-gərə maji to dəwje tɔyn kə̂ Aji tusumje Inyamje. Pijɛl de kə Ɛrmojɛnn kara dinyamje tɔ.

2 Timɔte 3:5

Dâ ddaje nɛ̂n tokə nje-mə-kunn, a dâ mbətəje singa-mɔngu mə-kunn le. Maji karə ə-turu girii arə dəwjeenn le tɔ.

2 Timɔte 4:2

karə ila mbər tar lə Lubba, ə-təl dɔɛ̂ tə̂ kə kar tɔyn kə kar kə̂ maji ddəm maji ang ddəm. Maji karə ə-tɔjude majang ləde, ə-ndangəde, ə-dda arə dubbaje singa. Maji karə ə-tɔ wuri ddəwe tə̂ ta arə bbo nɛ̂n-tɔju ddai.

Ebərəje 3:13

Lubba nayn aw bbarse «bbokənɛn» bbay. Maji karə ə-ndəjəje naan kə ndɔ tɔyn. Baann bba karə majang dda arə marə dəw horose tə̂ dda dɔ-kətərə ang.

2 Piyɛr 2:12

A dede le, daw ddaje nɛ̂n tokə lə daje kə̂ kəjə ləde goto. Lubba ddade karə duwade n̂-tɔlde. Daw tajije nɛ̂n kə̂ n̂-gərəje ang. Lubba a tɔlde tokə daw tɔl daje.

2 Piyɛr 2:2

Dəwje nya a kunnje gode ddəw lo-to-majang tə̂ kə̂ daw ddaje ngaâ dâ tajije ddəw tar kə̂ tɔkɔrɔ mbade.

Judə 1:10

Dəwjeenn le, nɛ̂nje kə̂ n̂-gərəje ang kara n̂-tajije. Nɛ̂nje kə̂ n̂-ngərəje kə dɔde baa tokə lə daje kə̂ muû le njaa kara təlje to nɛ̂nje kə̂ aw tujude kə kɔrɔ̂.