Kulaje 18:5 - Dɔnɔn kə̂ Siki: Tar kə̂ aw arə təbbə

⁵ Silas de kə Timɔte dinje Maseduwann n̂-teeje a, Pɔl unn rɔɛ̂ tɔyn mba tɔju tar lə Lubba. N̂-pa narə Jiipije nan Jeju le njaa to Mesi.

Maketuru le Lubba ke tar kabba

⁵ Toke Silase de ke Timote dinje bbe te ke Masedowann n̂-teeje a, Pɔl unn rɔe tɔyn mba tɔju tar le Lubba. N̂-tɔju Jiipije to Jeju le njaa to Mesi.

Kulaje 18:5 Iomraidhean Croise

Luku 12:50

Marə batɛm kə̂ dâ ddam to. Məm a kar taar ndərəng ndɔ kə̂ dâ ddam nɛ̂n batɛm le a kasə.

Luku 16:28

mba ngakɔnʼmje kə̂ dingaw min eeje nunn. Maji karə naw ndəjəde narə n̂-ddeeje lo kəm-to-ndoo tə̂ nəənn tɔ ang.›

Tar kə̂ Maji kə̂ Jan dda makəturu tə̂ 1:41

Dəw kə̂ dɔngɔr kə̂ Andere le ingɛ̂ to ngokɔɛ̂n Simɔn ngaâ n̂-pa narɛ̂ nan: «Jinga Mesi.» Kandə ri le nan: «Kristə.»

Tar kə̂ Maji kə̂ Jan dda makəturu tə̂ 10:24

Jiipije gukeje ngaâ dujeje nan: «Â karə wurje ar taar baann ndərəng ndɔ tə̂ kə̂ dda wa? Bbo ə-to Mesi le a, ə-pa kə ddaka arəje joo.»

Tar kə̂ Maji kə̂ Jan dda makəturu tə̂ 15:27

Ngaâ sese kara, â kɔruje naji ləm, mba eeje səm ləw baa kunn-kute tə̂.»

Tar kə̂ Maji kə̂ Jan dda makəturu tə̂ 3:28

M-pa marəse mban to, m-to Mesi le ang arə sese kara ə-toje to njê-tar-najije, mba m-pa nan: ‹M-to dəw kə̂ Lubba ulam kete nɔɛ̂n tə̂.›

Kulaje 10:42

Nunn ndu narəje karə jila mbər Tar kə̂ Maji jarə dəwje, ta n-pa jarəde to Lubba undɛ̂ to nje-gangə sariya dɔ dəwje tə̂ kə̂ isije kəm baa ddəm dɔ dəwje kə̂ oyje ddəm.

Kulaje 15:22

Njê-kaw-kulaje, dəwje kə̂ dɔ Egilisi tə̂ kə Egilisi le dooje maji ta mbərə marə dəwje horode tə̂ karə dawje kə Pɔl de kə Barnabas Antiyos. Dəwje kə̂ n̂-mbərəde le to Judə kə̂ daw bbarɛ̂ nan Barsabas kə Silas. Ngakɔnje kə̂ joo nəənn le njê-mə-kunnje oojede to dəwje kə̂ asəje njaa.

Kulaje 16:1

Pɔl tee Dɛrbə kə Listərə. Marə nje-nja go Jeju tə̂ kə̂ ria nan Timɔte ee mə bbe tə̂ənn le. Kɔɛ̂nje to Jiipi ngaâ to nje-mə-kunn, a bɔɛ̂je to Gɛrɛkə.

Kulaje 16:12

Jin tə̂ənn n̂-tee Pilipi kə̂ to tɔkə bbe kə̂ Maseduwann kə̂ dəwje kə̂ Rɔm â ɔnje dɔɛ̂. N-dda ndɔ ngaji Pilipi le.

Kulaje 16:9

Pɔl oo marə nɛ̂n tokə lə ninjeenn til tə̂. Noo marə dəw kə̂ Maseduwann kə̂ ar taar aw duje nan: «Ə-ddee Maseduwann umanje!»

Kulaje 17:3

Nɔru gəl makəturu le narəde ngaâ n̂-pa nan makəturu lə Lubba pa nan Mesi a koo ndoo ngaâ noy a, nâ ndol. N̂-pa nan: «Jeju kə̂ maw pa tar laa marəse nəənn le to Mesi le.»

Kulaje 18:28

mba tar kə̂ tɛɛ̂ tə̂ ngəng arə Jiipije ooje tar ta kila tə̂ ang. N̂-tɔju ddəw makəturu tə̂ lə Lubba kə ddaka narəde to Jeju njaa to Mesi.

Kulaje 2:36

«Maji karə dəwje tɔyn kə̂ Ijarayɛl gərəje kə majɛ̂: Jeju kə̂ ə-tɔlɛ̂je kakə-dəsə tə̂ le, Lubba arə n̂-to Kristə ddəm Əbbə-dəwje ddəm.»

Kulaje 20:21

Mila mbər marə Jiipije kə Gɛrɛkəje karə n̂-turuje məde nyɔm ta n̂-təlje rɔ Lubba tə̂ ngaâ ta karə dundaje məde kə dɔ Əbbə-dəwje Jeju tə̂.

Kulaje 20:23

Uta tɔyn, mə bbe tə̂ kâra kâra tɔyn kə̂ m-tee tə̂, Ndil-mə-nda pa arəm nan kəy-kula, kula njamji kə nɛ̂n kəm-to-ndoo aw nginanʼmje.

Kulaje 20:24

Moo təbbə ləm to nɛ̂n kəmʼm tə̂ ang. Nɛ̂n kə̂ m-ndiki njaa to ənga dda kula kə̂ Əbbə-dəwje Jeju inya jim tə̂ ndərəng kɔsu kɔnyɛ̂. Kula le to kula kila mbər Tar kə̂ Maji kə̂ to mə-maji lə Lubba.

Kulaje 4:20

Ddəw kə̂ jeje nəənn ja kutu nɛ̂n taje dɔ nɛ̂n tə̂ kə̂ joo kə kəmje ddəm kə mbije ddəm goto.»

Kulaje 9:22

A Sɔl le aw ubba singa kə kete kete ddəw tarje tə̂ kə̂ naw tɔju ngaâ Jiipije kə̂ Damas ooje tar kâra ta pa ang, kar tə̂ kə̂ naw pa kə ddaka nan Jeju to Kristə njaa le.

2 Kɔrɛntinyɛje 1:19

Mba Jeju-Kristə Ngonn lə Lubba, kə̂ əman kə Silas kə Timɔte, jila mbər tar laa bbe ləse le, n̂-ddee ta pa nan «An än» ddəm «Ân an» ddəm ang. Tar laa tɔyn njaa to «An än» dɔrɔ.

2 Kɔrɛntinyɛje 11:9

Ngaâ, kar tə̂ kə̂ mee nɛ̂n rɔse tə̂ le, bbo m-ndiki ta kinga marə nɛ̂n a, m-duju nɛ̂n ji dəw tə̂ kâra ang. Mba ngakɔnʼmje kə̂ inje Maseduwann ddeeje kə nɛ̂nje kə̂ dum arəmje. M-dda bba karə m-ddee to nɛ̂n-koto dɔse tə̂ ang. Mâ nayn nɛ̂n baann nyɔm.

2 Kɔrɛntinyɛje 5:14

Mba n-gərə to Kristə ndikije nya, jeje kə̂ n-gərə to dəw kâra baa kə̂ to Kristə le oy mba dəwje tɔyn, yeenn a, dəwje tɔyn oyje tɔ.

Pilipinyɛje 1:23

Kəjə ləm ee joo joo: M-ndiki ta kinya nangə nəənn ta kaw kisi kə Kristə. Yeenn bba a maji nya.

1 Tesalonisinyɛje 3:2

Ngaâ jula ngokɔnje Timɔte jarəse. Ne le naw numanje kula tə̂ lə Lubba mba kila mbər Tar kə̂ Maji lə Kristə. Julɛ̂ bba karə n̂-dda narə ingaje singa ddəm karə uwaje arəje ngəng ddəw mə-kunn tə̂ ləse ddəm.

1 Tesalonisinyɛje 3:6

A bbasinɛn Timɔte le in rɔse tə̂ təl ngaa. N̂-pa tar kə̂ maji dɔ mə-kunn tə̂ ləse kə dɔ ndiki tə̂ kə̂ to məse tə̂ narəje. N̂-pa narəje nan aw əjəjeje dɔje tə̂ kə ndɔ tɔyn ngaâ maal kooje aw ddase tokə jeje kara maal təl koose aw ddaje le tɔ.

1 Piyɛr 5:12

Silas kə̂ mooe to ngokɔnje kə̂ asə karə munda məm dɔɛ̂ tə̂ â marə dda marə tarje nəənn makəturu tə̂ karə mula nɛ̂n marəse, mba ndəjə nɛ̂n se ddəm mba pa nɛ̂n karəse to mə-maji lə Lubba kə̂ tɔkɔrɔ njaa â ə-naynje ddəwe tə̂ənn ddəm.