Kulaje 18:4 - Dɔnɔn kə̂ Siki: Tar kə̂ aw arə təbbə

⁴ Ndɔ-kuwa-rɔ tə̂ kâra kâra tɔyn Pɔl aw pa tar nya kəy mbɔn-naan tə̂ le kə dəwje kə̂ toje to Jiipije ddəm Gɛrɛkəje ddəm karə n̂-ndikije tar tə̂ laa.

Maketuru le Lubba ke tar kabba

⁴ Ke ndɔ-kuwa-rɔ kara kara tɔyn Pɔl aw pa tar nya key-mbɔn̂-naa te lede ke dewje ke toje to Jiipije ddem nje ke toje to Jiipije ang ddem kare n̂-ndikije tar te laa.

Kulaje 18:4 Iomraidhean Croise

Luku 16:31

Abaraham le pa arɛ̂ nan: ‹Bbo dooje ndu lə Mɔyijə kə tarje lə njê-kilaje mbər tar lə Lubba ang a, le marə dəw kə̂ oy ndol aw pa tar arəde njaa kara dâ kooje tar laa ang tɔ.› »

Luku 4:16

Jeju aw Najarɛtə bbe tə̂ kə̂ n̂-ngəmɛ̂ tə̂. Naw kəy mbɔn-naan tə̂ lə Jiipije ndɔ-kuwa-rɔ tə̂ ləde, tokə naw dda kə ndɔ tɔyn le. Nin taar ta tura Makəturu

Tar kə̂ Maji kə̂ Jan dda makəturu tə̂ 7:35

Yeenn ngaâ Jiipije dujuje naan nan: «Nâ kaw dda bba ja kasə ta kingɛ̂ ang wa? Nâ kaw rɔ Jiipije tə̂ kə̂ sanrɛje naan horo Gɛrɛkəje tə̂, ta tɔju nɛ̂n Gɛrɛkəje wa?

Kulaje 13:14

Pɔl de kə njê-buwa-njaje laa le dinje Pɛrjə le dawje Antiyos nangə tə̂ kə̂ Pisidi. Marə ndɔ-kuwa-rɔ tə̂ lə Jiipije, daw dandəje kəy mbɔn-naan tə̂ lə Jiipije ngaâ disije nangə̂.

Kulaje 14:1

Pɔl de kə Barnabas n̂-ddee n̂-teeje mə bbe tə̂ kə̂ Ikoniyɔm a, dandəje kəy mbɔn-naan tə̂ lə Jiipije. N̂-tɔjuje tar lə Lubba darə Jiipije kə Gɛrɛkəje nya ooje məde tə̂.

Kulaje 17:11

Kəjə lə Jiipije kə̂ Bərə maji uta kəjə lə njê kə̂ Tesalonikə arə n̂-taaje tar le kə ngɔru baa. Ndɔ kâra kâra daw disaje makəturu lə Lubba ta gərə se tar kə̂ Pɔl aw pa le to kə dɔgɔlɛ̂ njaa wa?

Kulaje 17:17

Naw pa tar kə Jiipije kə dəwje kə̂ aw poloje Lubba mə kəy mbɔn-naan tə̂ lə Jiipije. A kəsə ndɔje, naw pa tar natâ kə kəsə dəwje kə̂ naw ningade kə̂ ndɔ tɔyn.

Kulaje 18:13

N̂-paje nan: «Dəw nəənn aw dda karə dəwje poloje Lubba kə ddəw kə̂ ndu mbətə.»

Kulaje 18:19

Daw teeje Epɛjə. Pɔl inya Pirisil de kə Akilas lo tə̂ənn ngaâ ɔtu aw kəy mbɔn-naan tə̂ lə Jiipije aw pa tar kə de.

Kulaje 19:26

A sese njaa ooje kə kəmse ddəm ooje kə mbise ddəm nan Pɔl mbɔn dəwje pa arəde nan kɔrje kə̂ n-dda kə jije to lubbaje ang ngaâ dəwje nya nya ndikije tə̂ saa. Tarje nəənn taa dɔ nangə kə̂ Aji tɔyn bbo Epɛjə kâra baa ang.

Kulaje 19:8

Nɛyn mota njaa Pɔl aw aw kəy mbɔn-naan tə̂ lə Jiipije kə ndɔ tɔyn aw pa tar Bbe-kɔn lə Lubba kə bbəəl ang. N̂-dda gan njaa karə n̂-ndikije tə̂ saa.

Kulaje 26:28

Agiripa pa arə Pɔl nan: «Oo to â dda karə m-ddee to dəw lə Kristə kə ngɔru baa be wa?»

Kulaje 28:23

Dɔjuje ndɔ darə Pɔl ngaâ ndɔ le asə a, n̂-ddeeje tokə banya dingɛ̂je lo-toe tə̂. Pɔl pa tar arəde kə əndɔɔ ndərəng lo-kul. N̂-pa tar kɔn-mbay lə Lubba narəde. Nunn tar Ndu lə Mɔyijə kə tar lə njê-kilaje mbər tar lə Lubba n̂-pa nɛ̂n tar lə Jeju karə n̂-ndikije tə̂.

Kulaje 9:20

ngaâ njangə baa a, Sɔl aw ila mbər kəy mbɔn-naanje tə̂ lə Jiipije pa nan Jeju to Ngonn lə Lubba.

2 Kɔrɛntinyɛje 5:11

N-gərə nɛ̂n kə̂ to bbəəl Əbbə-dəwje kə majɛ̂. Ngaâ, n-sangə ddəw ta dda karə dəwje ndikije tə̂ kə tar ləje. Lubba gərəje kə majɛ̂ ngaâ munda məm to ə-gərəjeje kəjə tə̂ ləse kə majɛ̂ tɔ.