Kulaje 17:4 - Dɔnɔn kə̂ Siki: Tar kə̂ aw arə təbbə

⁴ Marə Jiipije le ndikije tar tə̂ le ngaâ unnje go Pɔl de kə Silas. Gɛrɛkəje nya kə̂ aw poloje Lubba kə marə dɛnɛ̂nje kə̂ toje to dəwje kə̂ bo ddaje tokə baann tɔ.

Maketuru le Lubba ke tar kabba

⁴ Mare Jiipije le ndikije tar te le ngaa unnje go Pɔl de ke Silase. Gerekeje nya ke aw poloje Lubba, ke mare deneje ke isije lo te ke bo ddaje toke baann tɔ.

Kulaje 17:4 Iomraidhean Croise

Tar kə̂ Maji kə̂ Jan dda makəturu tə̂ 7:35

Yeenn ngaâ Jiipije dujuje naan nan: «Nâ kaw dda bba ja kasə ta kingɛ̂ ang wa? Nâ kaw rɔ Jiipije tə̂ kə̂ sanrɛje naan horo Gɛrɛkəje tə̂, ta tɔju nɛ̂n Gɛrɛkəje wa?

Kulaje 13:43

Dəwje kə̂ mbɔnje naan le sanrɛje naan a, marə Jiipije nya kə dəwje kə̂ toje to Jiipije ang kə̂ aw poloje Lubba unnje go Pɔl de kə Barnabas. Pɔl de kə Barnabas le n̂-paje tar darəde ngaâ n̂-ndəjəjede karə n̂-naynje kə ndɔ tɔyn ddəw mə-maji tə̂ kə̂ Lubba dda kə de.

Kulaje 13:50

A Jiipije ɔsuje kutu dɛnɛ̂nje kə̂ isije lo kula tə̂ kə̂ bo kə̂ aw poloje Lubba ddəm ɔsuje kutu njê-kɔn-bbeje ddəm arə dinje n̂-ddaje Pɔl de kə Barnabas maji ang ngaâ n̂-tubbade dɔ nangə tə̂ ləde le.

Kulaje 14:1

Pɔl de kə Barnabas n̂-ddee n̂-teeje mə bbe tə̂ kə̂ Ikoniyɔm a, dandəje kəy mbɔn-naan tə̂ lə Jiipije. N̂-tɔjuje tar lə Lubba darə Jiipije kə Gɛrɛkəje nya ooje məde tə̂.

Kulaje 14:4

Dəwje kə̂ bbe tə̂ le horode tin joo: Marɛ̂je unnje go Jiipije, a marɛ̂je unnje go njê-kaw-kulaje le.

Kulaje 15:22

Njê-kaw-kulaje, dəwje kə̂ dɔ Egilisi tə̂ kə Egilisi le dooje maji ta mbərə marə dəwje horode tə̂ karə dawje kə Pɔl de kə Barnabas Antiyos. Dəwje kə̂ n̂-mbərəde le to Judə kə̂ daw bbarɛ̂ nan Barsabas kə Silas. Ngakɔnje kə̂ joo nəənn le njê-mə-kunnje oojede to dəwje kə̂ asəje njaa.

Kulaje 15:27

Yeenn bba, jula Judə de kə Silas jarəse karə n̂-paje tar kə̂ makəturu tə̂ le kə tade darəse.

Kulaje 15:32

Judə de kə Silas kə̂ n̂-toje to njê-kilaje mbər tar lə Lubba le ndəjəde nya karə dingaje nɛ̂n singa.

Kulaje 15:40

A Pɔl unn Silas ilɛ̂ goe tə̂. Goe tə̂ a, njê-mə-kunnje ilaje Pɔl ji Əbbə-dəwje tə̂ karə dda saa mə-maji ngaâ nɔtu.

Kulaje 16:3

Pɔl ndiki ta kaw saa. Yeenn bba, nujɛ̂ ganja ɔju dɔ Jiipije kə̂ isije loje tə̂ənn le, mba n̂-gərəje tɔyn to bɔ Timɔteje to Gɛrɛkə.

Kulaje 17:10

Lo ndul a, njê-mə-kunnje arə Pɔl de kə Silas dawje bbe tə̂ kə̂ Bere. N̂-teeje a, dawje kəy mbɔn-naan tə̂ lə Jiipije.

Kulaje 17:12

Dəwje nya horode tə̂ ooje məde tə̂. Dɛnɛ̂n Gɛrɛkəje kə̂ toje to dəwje kə̂ isije lo kula tə̂ bo kə marə dingawje nya ooje məde tə̂ tɔ.

Kulaje 17:14

Njangə baa a, njê-mə-kunnje arəje Pɔl unn ddəw ər kə ta tɔkə ba tə̂, a Silas de kə Timɔte n̂-naynje tə̂ənn.

Kulaje 17:17

Naw pa tar kə Jiipije kə dəwje kə̂ aw poloje Lubba mə kəy mbɔn-naan tə̂ lə Jiipije. A kəsə ndɔje, naw pa tar natâ kə kəsə dəwje kə̂ naw ningade kə̂ ndɔ tɔyn.

Kulaje 17:34

Dɔɛ tə̂ənn njaa kara, marɛ̂je naynje saa ngaâ ooje məde tə̂. Denis kə̂ to dəw kə̂ Ayeropajə, marə dɛnɛ̂n kə̂ ria nan Damaris kə marə dəwje bbay.

Kulaje 18:4

Ndɔ-kuwa-rɔ tə̂ kâra kâra tɔyn Pɔl aw pa tar nya kəy mbɔn-naan tə̂ le kə dəwje kə̂ toje to Jiipije ddəm Gɛrɛkəje ddəm karə n̂-ndikije tar tə̂ laa.

Kulaje 19:10

Nɛ̂ɛnn le to tokə baann ndərəng bbal joo arə dəwje kə̂ Aji, Jiipije kə Gɛrɛkəje ooje tar lə Əbbə-dəwje.

Kulaje 2:44

Njê-mə-kunnje, məde to kâra baa ngaâ nɛ̂nje ləde to kâra baa.

Kulaje 21:28

N̂-paje kə taar nan: «Ngann Ijarayɛlje, ə-ddeeje bbo! Ne le â nar nəənn! Dəw kə̂ aw tɔju nɛ̂n dəwje tɔyn loje tə̂ tɔyn mbətə nɛ̂n dəwje ləje ddəm Ndu lə Mɔyijə ddəm kəy-polo Lubba ddəm le. Gɛrɛkəje kara n̂-ddee kə de kəy-polo Lubba tə̂ nəənn narə lo nəənn kə̂ maji tɔyn le ddee to lo kə̂ maji ang.»

Kulaje 28:24

Marɛ̂je ndikije tə̂ kə tar kə̂ naw pa le, a marɛ̂je mbətəje.

Kulaje 4:23

Go kinya tə̂ kə̂ dinyade le a, Piyɛr de kə Jan le daw dingaje njê-buwa-njaje ləde ngaâ dɔruje gəl nɛ̂nje kə̂ mbayje lə njê-poloje Lubba kə tɔkəje paje arəjede le.

2 Kɔrɛntinyɛje 8:5

N̂-ddaje nɛ̂n kə̂ uta dɔ ye kə̂ junda məje karə n̂-ddaje: Dunnje rɔde darə Əbbə-dəwje ngaâ dunnje rɔde darəjeje tɔ ddəw mə-ndiki tə̂ lə Lubba.