Kulaje 16:9 - Dɔnɔn kə̂ Siki: Tar kə̂ aw arə təbbə

⁹ Pɔl oo marə nɛ̂n tokə lə ninjeenn til tə̂. Noo marə dəw kə̂ Maseduwann kə̂ ar taar aw duje nan: «Ə-ddee Maseduwann umanje!»

Maketuru le Lubba ke tar kabba

⁹ Pɔl oo mare ne toke le nijeenn mare til te. Noo mare dew ke Masedowann ke ar taar aw duje na: «E-ddee nange te ke Masedowann umaje!»

Kulaje 16:9 Iomraidhean Croise

Kulaje 10:3

Marə ndɔ kə gɔl kar mota, noo marə anjə lə Lubba tokə nɛ̂n kə̂ naw ninjeenn. Anjə le andə kəy laa ngaâ bbarɛ̂ nan: «Kɔrnɛy!»

Kulaje 10:30

Kɔrnɛy pa arɛ̂ nan: «Dda ndɔ mota bbokənɛn ngaa, mee mə kəy tə̂ ləm maw duju Lubba gɔl kar mota tə̂. A â ta koo a, marə dəw kə̂ ula kubbu kə ndɔnrɛn ar nɔnʼm tə̂

Kulaje 16:10

Go nɛ̂n tə̂ kə̂ Pɔl oo le a, kar tə̂ənn njaa n-sangə ddəw ta kaw Maseduwann le, mba n̂-gərə to Lubba bbarje karə jaw pa Tar kə̂ Maji Maseduwann le.

Kulaje 16:12

Jin tə̂ənn n̂-tee Pilipi kə̂ to tɔkə bbe kə̂ Maseduwann kə̂ dəwje kə̂ Rɔm â ɔnje dɔɛ̂. N-dda ndɔ ngaji Pilipi le.

Kulaje 18:5

Silas de kə Timɔte dinje Maseduwann n̂-teeje a, Pɔl unn rɔɛ̂ tɔyn mba tɔju tar lə Lubba. N̂-pa narə Jiipije nan Jeju le njaa to Mesi.

Kulaje 19:21

Go nɛ̂nje tə̂ənn, Pɔl unn ndu ddəw tə̂ lə Ndil-mə-nda ta kaw Jerujalɛm kə ddəw kə̂ Maseduwann kə Akay. N̂-pa nan: «Bbo m-tee nunn a, maji karə m-tee Rɔm tɔ.»

Kulaje 19:22

Yeenn bba, nula marə njê kə̂ aw umɛ̂nje kula tə̂ joo Maseduwann, Timɔte kə Erastə, a ne n̂-nayn nangə tə̂ kə̂ Aji ndɔ ngaji bbay.

Kulaje 19:29

Tar le taa mə bbe le tɔyn ngaâ dɔtuje kə ngɔru dawje natâ daw duwaje njê-buwa-njaje lə Pɔl, Gayus de kə Aristarkə kə̂ toje to dəwje kə̂ Maseduwann le dawje kə de.

Kulaje 20:1

Tar le gayn a, Pɔl bbar njê-mə-kunnje ndəjəde karə dinga singa, n̂-ddade lapiya ngaâ nunn ddəw kə̂ Maseduwann.

Kulaje 20:3

N̂-dda nɛyn mota lo tə̂ənn. Kar tə̂ kə̂ nâ ta kunn tɔkə to ta kaw Siri a, noo nan Jiipije unguje tar mə naan tə̂ ta ddɛɛ̂ maji ang. Yeenn bba, noo maji ta təl kə ddəw kə̂ Maseduwann.

Kulaje 27:2

Junn tɔkə to kə̂ Adramitə kə̂ a ta kaw bbeje tə̂ kə̂ Aji kə̂ to kar maann tə̂ ngaâ jaw. Aristarkə kə̂ to dəw kə̂ Tesalonikə, nangə tə̂ kə̂ Maseduwann aw kə je.

Kulaje 9:38

Njê-njaje go Jeju tə̂ kə̂ eeje bbe tə̂ kə̂ Jope ooje nan Piyɛr ee bbe tə̂ kə̂ Lida kə̂ əw kə Jope ang. Yeenn bba, dulaje dəwje joo darə Piyɛr le nan: «N-wali nya, ə-ddee njangə rɔje tə̂ bba.»

Rɔmɛnje 15:26

Mba njê-mə-kunnje kə̂ Maseduwann ddəm njê kə̂ Akay ddəm ndikije ta mbɔn nɛ̂n kuman nɛ̂n njê-mə-kunnje kə̂ Jerujalɛm kə̂ toje to njê-ndooje.

2 Kɔrɛntinyɛje 11:9

Ngaâ, kar tə̂ kə̂ mee nɛ̂n rɔse tə̂ le, bbo m-ndiki ta kinga marə nɛ̂n a, m-duju nɛ̂n ji dəw tə̂ kâra ang. Mba ngakɔnʼmje kə̂ inje Maseduwann ddeeje kə nɛ̂nje kə̂ dum arəmje. M-dda bba karə m-ddee to nɛ̂n-koto dɔse tə̂ ang. Mâ nayn nɛ̂n baann nyɔm.

2 Kɔrɛntinyɛje 12:7

Nɛ̂nje kə̂ Lubba tɔju kə̂ ddaka arə moo le to nɛ̂nje kə̂ maji kə̂ dum dɔ dəw. Mba yeenn bba, karə moo rɔm bo nya ang a, dula marə nɛ̂n rɔm tə̂, Satan ula marə dəw laa karə undam, bba karə moo rɔm bo nya ang.

2 Kɔrɛntinyɛje 7:5

Mba kar kə̂ n-tee Maseduwann be njaa nɛ̂n kəm-to-ndooje dang dang tɔyn ingajeje. Juwa rɔje ang. Dəwje uruje dɔje tə̂ kə kɔl ngaâ jisi kə bbəəl məje tə̂.

2 Kɔrɛntinyɛje 8:1

Ngakɔnje, n-ndiki ta dda karə ə-gərəje mə-maji kə̂ Lubba dda kə Egilisije kə̂ Maseduwann.

2 Kɔrɛntinyɛje 9:2

M-gərə kəjə kə̂ maji kə̂ to məse tə̂ arə maw munda nɛ̂n gum marə dəwje kə̂ Maseduwann, m-pa nan, kaal baa njaa, Egilisije kə̂ Akay gɔlje rɔde ta karə nɛ̂n. Ngaâ bbo karə nɛ̂n kə̂ to məse tə̂ le dda arə nya lə Egilisije ddaje bbo ta karə nɛ̂n tɔ.

1 Tesalonisinyɛje 4:10

Aw ə-ndikije ngakɔnje kə̂ Maseduwann tə̂ tɔyn tokə baann mban. A n-ndəjəse karə ə-ddaje arə uta yeenn bbay.