Kulaje 16:7 - Dɔnɔn kə̂ Siki: Tar kə̂ aw arə təbbə

⁷ N̂-teeje ngɔsi kə nangə kə̂ Misi ngaâ n̂-sangəje ddəw ta tee nangə tə̂ kə̂ Bitini, a Ndil lə Jeju ɔkude ddəw.

Maketuru le Lubba ke tar kabba

⁷ Toke n̂-teeje ngange nange te ke Miji a, n̂-sangeje ddew ta tee nange te ke Bitini, a Ndil le Jeju ɔkude ddew.

Kulaje 16:7 Iomraidhean Croise

Luku 24:49

Əman, mâ kula nɛ̂n kə̂ Bɔy unn ndue ta karəse le dɔse tə̂. Sese, maji karə ə-naynje Jerujalɛm nəənn ndərəng ndɔ kə̂ â kingaje nɛ̂n singa-mɔngu kə̂ in darâ.»

Kulaje 16:8

N̂-ndayje nangə tə̂ kə̂ Misi n̂-teeje Torowas.

Kulaje 8:29

Ndil pa arə Pilipi le nan: «Aw kə ngɔru aw inga sarɛtə toonn.»

Rɔmɛnje 8:9

A sese, aw njaje ddəw bbo tə̂ kə̂ da-rɔse tə̂ ang. Aw njaje ddəw tə̂ lə Ndil-mə-nda, mba Ndil lə Lubba dda bbe məse tə̂. Dəw kə̂ Ndil lə Kristə to məɛ̂ tə̂ ang, to dəw laa ang.

Galatəje 4:6

Lubba ula Ndil lə Ngonnɛ̂ məje tə̂ ta tɔju to n-to ngannɛ̂ njaa. Ndil le aw uru əkii nan: «Aba», kandə tar le nan «Bɔy!»

Pilipinyɛje 1:19

Mba m-gərə to nɛ̂ɛnn a dda karə m-tee ta yo tə̂ ddəw duju Lubba tə̂ kə̂ aw dujuje mbam kə Ndil lə Jeju-Kristə kə̂ aw umanʼm le.

1 Piyɛr 1:1

Əman Piyɛr, nje-kaw-kula lə Jeju-Kristə, m-dda makəturu nəənn mula nɛ̂n marə dəwje kə̂ Lubba mbərəde, kə̂ sarɛnje naan ngaâ isije dang dang to njê-mbaje, nangə tə̂ kə̂ Pɔn, nangə tə̂ kə̂ Galasi, nangə tə̂ kə̂ Kapados, nangə tə̂ kə̂ Aji kə nangə tə̂ kə̂ Bitini.

1 Piyɛr 1:11

Ndil lə Kristə kə̂ to məde tə̂ pa tar ndoo kə̂ Kristə a koo kə tar piti kə̂ a ddee goe tə̂ arəde tokə kete. Mba yeenn bba, dunnje rɔde tɔyn ta gərə se kar kə̂ baânn wase ddi â a to bba nɛ̂nje kə̂ Ndil lə Kristə pa le a ddeeje wa?