Kulaje 15:8 - Dɔnɔn kə̂ Siki: Tar kə̂ aw arə təbbə

⁸ Lubba kə̂ gərə mə dəwje tɔju to n̂-taa dəwje kə̂ toje to Jiipije ang kə rɔɛ̂ tə̂. Yeenn bba narəde Ndil-mə-nda tokə narəje le tɔ.

Maketuru le Lubba ke tar kabba

⁸ Lubba ke gere me dewje tɔju to n̂-taa dewje ke toje to Jiipije ang ke rɔe te. Yeenn a, narede Ndil-me-nda ddew kara baa toke nareje tɔ.

Kulaje 15:8 Iomraidhean Croise

Tar kə̂ Maji kə̂ Jan dda makəturu tə̂ 21:17

Goe tə̂ a, n̂-duje kə̂ gɔl mota laa nan: «Simɔn ngonn lə Jan, ə-ndikim wa?» Yeenn ngaâ rɔ Piyɛr le nəəle ang mba tar kə̂ n̂-duje to gɔl mota laa nan: «Ə-ndikim wa?» le. Ngaâ nilɛ̂ tə̂ nan: «Əbbə-dəwje, ə-gərə nɛ̂n tɔyn. Ə-gərə to m-ndikii.» Jeju pa arɛ̂ nan: «Ə-ngəm batəje ləm.

Tar kə̂ Maji kə̂ Jan dda makəturu tə̂ 5:37

Ngaâ, Bɔ kə̂ ulam le njaa pa tar-naji ləm. A ooje ndue ndɔ kâra ang ddəm ooje kəmɛ̂ ndɔ kâra ang ddəm.

Kulaje 1:24

Goe tə̂ a n̂-dujuje Lubba nan: «Əi Əbbəjeje kə̂ ə-gərə nɛ̂n kə̂ to mə dəwje tə̂ tɔyn, horo dəwje tə̂ kə̂ joo nəənn ɔru dəw kə̂ məi ndiki

Kulaje 10:47

«Dəwje le ingaje Ndil-mə-nda tokə jeje tɔ, a marə dəw a kasə kɔku ddəw karə dingaje batɛm maann wa?»

Kulaje 14:3

Dɔ nɛ̂nje tə̂ənn tɔyn, Pɔl de kə Barnabas n̂-naynje bbe tə̂ kə̂ Ikoniyɔm le gode əw. Daw paje tar lə Əbbə-dəwje kə bbəəl ang. Əbbə-dəwje le tɔju to tar mə-maji laa le to nɛ̂n kə̂ tɔkɔrɔ ddəw nɛ̂n-mɔrije tə̂ kə nɛ̂nje kə̂ dum dɔ koo kə̂ narə singa ansinyɛje narə ddaje.

Kulaje 15:28

Ndil-mə-nda ddəm jeje ddəm n-ndiki ta kunda marə nɛ̂n-koto dang dɔ nɛ̂n tə̂ kə̂ to ta karə ə-ddaje le ang ngaa. Nɛ̂n kə̂ ta dda â nəənn:

Kulaje 2:4

Ndil-mə-nda ddusude tɔyn ngaâ dunnje kutu pa tar kə ndɔn-tarje dang dang kə̂ Ndil le unda tade tə̂.

Kulaje 4:31

N̂-dujuje Lubba n̂-tungaje a, nangə yəkə lo tə̂ kə̂ n̂-mbɔnje naan tə̂ le. Ndil-mə-nda ddusude ngaâ dunnje kutu pa tar lə Lubba kə bbəəl ang.

Ebərəje 2:4

Lubba njaa kara tɔju to tarje ləde le to tarje kə̂ tɔkɔrɔ, ddəw nɛ̂n-mɔrije tə̂ dang dang ddəm ddəw gusuje tə̂ lə Ndil-mə-nda kə̂ aw kayn dəwje tokə məɛ̂ ndiki ddəm.

Ebərəje 4:13

Nɛ̂n kâra kə̂ iya rɔɛ̂ nɔn Lubba tə̂ goto. Nɛ̂n tɔyn kə̂ Lubba dda to ddaka baa kəmɛ̂ tə̂. A ne Lubba le tɔ â, ja kɔru gəl nɛ̂nje tɔyn kə̂ n-ddaje karɛ̂je.

Apokalisi 2:23

Mâ tɔl ngannɛ̂. Yeenn bba Egilisije tɔyn a gərəje to m-to dəw kə̂ aw gərə kəjəje lə dəwje ddəm bbo nɛ̂nje kə̂ to mə dəwje tə̂ ddəm. Mâ dda nɛ̂n kə se kâra kâra tɔyn asə kəm kula-ddase.