Kulaje 15:5 - Dɔnɔn kə̂ Siki: Tar kə̂ aw arə təbbə

⁵ Marə Parijinyɛje kə̂ ooje məde tə̂ paje nan: «Maji karə dəwje kə̂ toje to Jiipije ang arə dujade ganja ta n̂-njaje kə turu Ndu lə Mɔyijə.»

Maketuru le Lubba ke tar kabba

⁵ Mare parijiyenje ke ooje mede te paje na: «Maji kare dewje ke toje to Jiipije ang are duja mɔtude ta n̂-njaje ke turu ndu le Moyije.»

Kulaje 15:5 Iomraidhean Croise

Matiye 3:7

Jan oo Parijinyɛje kə Sadusinyɛje nya nya kə̂ aw ddeeje karə n̂-ddade batɛm le a, n̂-pa narəde nan: «See əmbakaraje, nân bba tɔjuse karə aynje sariya lə Lubba kə̂ aw ddee wa?

Kulaje 15:1

Marə dəwje inje Jude ddeeje Antiyos nangə tə̂ kə̂ Siri. N̂-tɔjuje nɛ̂n njê-mə-kunnje kə̂ Antiyos le nan: «Bbo ujaje ganja tokə Ndu lə Mɔyijə pa ang a, â kasəje ta kinga kaji ang.»

Kulaje 15:24

Joo nan marə dəwje ləje kə̂ inje horoje tə̂ kə̂ jarəde ndu ang ddəm aw tujuje kəjə ləse arə aw jɔkuse.

Kulaje 21:20

Dəwje kə̂ ooje tar lə Pɔl ɔsuje gaji Lubba ngaâ paje arɛ̂ nan: «Oo, ngokɔnje, Jiipije nya nya ooje məde tə̂ ngaâ daw ngəmje Ndu lə Mɔyijə kə majɛ̂ njaa.

Kulaje 24:14

Nɛ̂n kə̂ m-gərə goe â nəənn: Maw polo Lubba lə kajeje kə ‹ddəw› kə̂ siki. Əman le m-ndiki tə̂ kə nɛ̂n tɔyn kə̂ n̂-dda Makəturu-Ndu tə̂ kə nɛ̂n tɔyn kə̂ njê-kilaje mbər tar lə Lubba paje njaa. A dede n̂-paje nan to ‹ddəw› kə̂ to kə dɔgɔlɛ̂ ang.

Kulaje 24:5

Joo a, dingaw nəənn to dəw kə̂ maji ang nya. N̂-dda narə lo yəkə horo Jiipije tə̂ tɔyn kə̂ dɔ nangə tə̂. Ngaâ n̂-to marə mbay dɔ mbɔn-naan tə̂ lə dəwje kə̂ Najarɛtə kə̂ to mbɔn-naan kə̂ maji ang.

Kulaje 28:22

A jaw duji karə əi njaa ɔru gəl nɛ̂n kə̂ aw əjə arəje, mba n-gərə to loje tə̂ tɔyn, dəwje aw mbətəje kuwa-dɔ-naan kə̂ ee məɛ tə̂ nəənn to mbətə dɔrɔ.»

Kulaje 5:17

Lo tə̂ənn, mə dda tɔkə nje-polo Lubba kə njê kə̂ mbɔrɛ̂ tə̂ kə̂ eeje mə kuwa-dɔ-naan tə̂ lə Sadusinyɛje ngaâ dinje

1 Kɔrɛntinyɛje 7:18

Bbo dəw uja ganja kete bba Lubba bbarɛ̂ a, maji karə n̂-nayn baann. Bbo Lubba bbar dəw kə̂ uja ganja ang a, maji karə narə dujɛ̂ ganja ang.

Galatəje 2:11

A kar kə̂ Piyɛr ddee Antiyos a, min saa kəm dəwje tə̂ tɔyn, mba n̂-dda nɛ̂n kə dɔgɔlɛ̂ ang.

Galatəje 2:14

Moo a, daw njaje ddəw tar tə̂ kə̂ tɔkɔrɔ kə̂ Tar kə̂ Maji pa le ang. Mba yeenn bba, m-pa marə Piyɛr kəm dəwje tə̂ tɔyn m-pa nan: «Bbo əi kə̂ ə-to Jiipi, kisi ləi to tokə dəwje kə̂ toje to Jiipije ang a, â kuwa dəwje kə̂ toje to Jiipije ang le kə singa karə n̂-ddaje nɛ̂n tokə lə Jiipije tokə baânn wa?»