Kulaje 15:4 - Dɔnɔn kə̂ Siki: Tar kə̂ aw arə təbbə

⁴ N̂-teeje Jerujalɛm a, Egilisi kə njê-kaw-kulaje kə dəwje kə̂ dɔ Egilisi tə̂ taajede kə rɔ-nəəl. Dɔruje gəl nɛ̂nje tɔyn kə̂ Lubba dda ddəw tə̂ ləde darə dəwje kə̂ Jerujalɛm.

Maketuru le Lubba ke tar kabba

⁴ Toke n̂-teeje Jurusalam a, Egilisi, ke nje-kayn-kulaje, ke ansiyenje taajede ke rɔ-neel. Dɔruje gel neje tɔyn ke Lubba dda ddew te lede dare dewje ke Jurusalam.

Kulaje 15:4 Iomraidhean Croise

Matiye 10:40

«Bbo dəw taase kə rɔɛ̂ tə̂ a, əman njaa n̂-taam. A dəw kə̂ taam kə rɔɛ̂ tə̂ a, taa dəw kə̂ ulam tɔ.

Kulaje 11:30

N̂-ddaje tokə baann. Darəje nɛ̂nje le Barnabas de kə Sɔl darə dawje nɛ̂n darə dəwje kə̂ dɔ Egilisi tə̂ kə̂ nangə tə̂ kə̂ Jude.

Kulaje 14:27

Pɔl de kə Barnabas n̂-teeje Antiyos nangə tə̂ kə̂ Siri a, n̂-mbɔnje njê-mə-kunnje. Dɔruje gəl nɛ̂nje tɔyn kə̂ Lubba dda ddəw tə̂ ləde kə gusu kə̂ Lubba ɔru nɛ̂n ddəw arə dəwje kə̂ toje to Jiipije ang ooje məde tə̂ tɔ le.

Kulaje 15:12

Dəwje tɔyn kə̂ mbɔnje naan le isije ddekeke ngaâ tukaje mbide ooje nɛ̂n tar kə̂ Barnabas de kə Pɔl daw paje dɔ nɛ̂n-mɔrije tə̂ kə nɛ̂nje kə̂ dumje dɔ koo tə̂ kə̂ Lubba dda ddəw tə̂ ləde horo dəwje tə̂ kə̂ toje to Jiipije ang le.

Kulaje 15:2

Pɔl de kə Barnabas n̂-mbətəje nɛ̂n-tɔju ləde le ngaâ n̂-maynje kə de tar. Yeenn bba, njê-mə-kunnje unnje ndu karə Pɔl de kə Barnabas kə marə njê-mə-kunnje dawje Jerujalɛm daw dingaje njê-kaw-kulaje kə dəwje kə̂ dɔ Egilisi tə̂ mba tar nəənn le.

Kulaje 15:22

Njê-kaw-kulaje, dəwje kə̂ dɔ Egilisi tə̂ kə Egilisi le dooje maji ta mbərə marə dəwje horode tə̂ karə dawje kə Pɔl de kə Barnabas Antiyos. Dəwje kə̂ n̂-mbərəde le to Judə kə̂ daw bbarɛ̂ nan Barsabas kə Silas. Ngakɔnje kə̂ joo nəənn le njê-mə-kunnje oojede to dəwje kə̂ asəje njaa.

Kulaje 15:3

Egilisi kə̂ Antiyos umande kə marə nɛ̂n nja tə̂ ləde le. N̂-ndayje kə ddəw kə̂ Penisi kə Samari ngaâ n̂-paje tar ddəw kə̂ dəwje kə̂ toje to Jiipije ang ooje nɛ̂n məde tə̂ le darə njê-bbeje le. Tar le arə rɔ-nəəl njê-mə-kunnje tɔyn.

Kulaje 15:6

Njê-kaw-kulaje kə dəwje kə̂ dɔ Egilisi tə̂ mbɔnje naan ta kisa mə tar le.

Kulaje 16:4

Bbeje kə̂ Pɔl de kə Silas n̂-teeje tə̂, n̂-ndajije nduje kə̂ njê-kaw-kulaje kə dəwje kə̂ dɔ Egilisi tə̂ kə̂ Jerujalɛm unnje le darə dəwje. N̂-walde nya karə n̂-ddaje nɛ̂n kə turu nduje le.

Kulaje 18:27

Goe tə̂ a, Apolos le ndiki ta kaw Akay. Njê-mə-kunnje ndikije tə̂ saa ngaâ n̂-ddaje makəturu darə njê-mə-kunnje kə̂ Akay le karə n̂-tɛɛ̂je kə rɔde tə̂ kə majɛ̂. N̂-tee nu a, Lubba dda saa mə-maji arə numan njê-mə-kunnje nya,

Kulaje 21:17

N-tee Jerujalɛm a, njê-mə-kunnje taajeje kə rɔ-nəəl.

Kulaje 21:19

Pɔl ddade lapiya ngaâ ɔru gəl nɛ̂n kə̂ Lubba dda ddəw tə̂ laa horo dəwje tə̂ kə̂ toje to Jiipije ang kâra kâra arəde.

Rɔmɛnje 15:18

Mba mâ tay pa marə tar dang ang, tar nɛ̂n kə̂ Kristə dda ddəw tə̂ ləm â mâ pa. Ddəw tə̂ ləm, n̂-dda narə dəwje kə̂ toje to Jiipije ang ddaje nɛ̂n kə turu ndu Lubba. N̂-dda nɛ̂ɛnn le ddəw tarje tə̂ ddəm, ddəw kulaje tə̂ ddəm,

Rɔmɛnje 15:7

Maji karə ə-taaje naan kə rɔ naan tə̂ mba kɔsu nɛ̂n gaji Lubba tokə Kristə kə̂ taase kə rɔɛ̂ tə̂ le.

1 Kɔrɛntinyɛje 15:10

A ddəw mə-maji tə̂ lə Lubba â m-ddee tokə be nəənn. Mə-maji laa kə̂ n̂-dda səm le to baa njaa baann ang. M-dda kula nya muta kəsə njê-kaw-kulaje tɔyn. Əman njaa m-dda kula le dɔ singam tə̂ ang, mə-maji lə Lubba le â dda kula ddəw tə̂ ləm.

2 Kɔrɛntinyɛje 5:19

Mba Lubba â təl ungu dəwje kə̂ duninya tə̂ naan tə̂ saa ddəw tə̂ lə Kristə. Naa lo kə majang tə̂ ləde ang. Nula tar kungu dəwje naan tə̂ saa məje tə̂.

2 Kɔrɛntinyɛje 6:1

Jaw dda kula kə Lubba le. Mba yeenn bba n-walse nya karə mə-maji kə̂ Lubba dda kə se le to baa ang.

Kolosinyɛje 4:10

Aristarkə kə̂ to nje-kəy-kula marəm kə Markə kə̂ to ngonn-nann Barnabas n̂-ddajese lapiya. Ingaje ndu ɔju dɔ Markə le mban. Yeenn bba bbo n̂-tee horose tə̂ a, ə-tɛɛ̂je kə rɔse tə̂ kə majɛ̂.

2 Jan 1:10

Bbo dəw ddee rɔse tə̂ ngaâ tɔjuse marə nɛ̂n-tɔju kə̂ dang a, ə-ddɛɛ̂je lapiya ang ddəm ə-tɛɛ̂je kə kəy ləse ang ddəm.