Kulaje 15:11 - Dɔnɔn kə̂ Siki: Tar kə̂ aw arə təbbə

¹¹ A, n-gərə tɔ to ddəw mə-maji tə̂ lə Əbbə-dəwje Jeju â junda məje to Lubba aji nɛ̂n je tokə najide le.»

Maketuru le Lubba ke tar kabba

¹¹ A, n̂-gereje tɔ bbay to ddew me-maji te le Ebbe-dewje Jeju a Lubba aji ne je ddew kara baa toke najide.»

Kulaje 15:11 Iomraidhean Croise

Rɔmɛnje 3:24

Dəwje ukaje marə nɛ̂n ang ddəm a ddəw mə-maji tə̂ lə Lubba, n̂-dda narə n̂-ddeeje gatə gatə ddəw tə̂ lə Jeju-Kristə kə̂ ɔrude mə majang tə̂ kə ddang.

Rɔmɛnje 5:15

A mə-maji kə̂ Lubba dda to nɛ̂n-karə-baa kə̂ to dang kə nɛ̂n kə̂ to kə dɔgɔlɛ̂ ang kə̂ Adam dda. Tɔkɔrɔ, dəwje nya oyje mba majang kə̂ dəw kə̂ kâra baa nəənn dda le. A nɛ̂n kə̂ bo uta nya to mə-maji kə̂ Lubba dda kə dəwje ngaâ arəde nɛ̂n baa ddəw tə̂ lə dəw kâra kə̂ to Jeju-Kristə.

Rɔmɛnje 6:23

Mba kuka kə̂ dəw aw inga go majang tə̂ to yo. A mə-maji lə Lubba kə̂ to nɛ̂n-karə-baa le to təbbə kə̂ to kə ndɔ kə ndɔ ddəw ddee tə̂ kə̂ n-ddeeje kâra baa kə Əbbəjeje Jeju-Kristə.

1 Kɔrɛntinyɛje 16:23

Maji karə mə-maji lə Əbbə-dəwje Jeju nayn kə se.

2 Kɔrɛntinyɛje 8:9

Mba ə-gərəje mə-maji lə Əbbəjeje Jeju-Kristə kə̂ to nje-nɛ̂n-kinga, bba təl dda rɔɛ̂ to nje-ndoo mba tar ləse, bba karə ndoo laa dda arə ə-ddeeje to njê-nɛ̂n-kingaje.

Galatəje 1:6

Nɛ̂n kə̂ ə-ddaje le məjə pin. Lubba kə̂ bbarse ddəw mə-maji tə̂ lə Kristə le â ə-tuseje njangə baa inyɛ̂je a unnje go marə Tar kə̂ Maji kə̂ dang wa?

Galatəje 2:16

N-gərə to dəw ddee gatə gatə kəm Lubba tə̂ ddəw məɛ̂ tə̂ kə̂ nunn narə Jeju-Kristə, bbo ddəw ngəm Ndu tə̂ ang. Mba yeenn bba, jeje njaa kara junn məje jarə Jeju-Kristə ta ddee to dəwje kə̂ gatə gatə kəm Lubba tə̂, ddəw mə-kunn tə̂ bbo ddəw ngəm Ndu tə̂ ang. Mba, dəw a kasə ddee gatə gatə kəm Lubba tə̂ ddəw ngəm Ndu tə̂ ang.

Titə 2:11

Mba Lubba tɔju mə-maji laa kə̂ to ddəw kə̂ dəwje tɔyn asəje ta kinga nɛ̂n kaji.

Apokalisi 5:9

Daw dɔsuje pa kə̂ siki nan: «Asə ta taa makəturu le, ta kɔru nɛ̂n kə̂ n̂-lətə nɛ̂n tɛɛ̂. Mba n̂-tɔli to nɛ̂n-polo. Ə-ndoko dɔ dəwje tɔyn kə məsəi arə Lubba, dəwje kə̂ gəlde to dang dang tɔyn, njê kə̂ ndɔn-tarje ləde to dang dang tɔyn, kə njê kə̂ isije nangəje tə̂ ləde kâra kâra tɔyn.