Kulaje 14:7 - Dɔnɔn kə̂ Siki: Tar kə̂ aw arə təbbə

⁷ Loje tə̂ənn, n̂-tɔjuje Tar kə̂ Maji dəwje tɔ.

Maketuru le Lubba ke tar kabba

⁷ Loje teenn, n̂-tɔjuje Tar ke maji dewje tɔ.

Kulaje 14:7 Iomraidhean Croise

Kulaje 11:19

Njê-mə-kunnje kə̂ sanrɛje naan mba nɛ̂n-singa kə̂ ingade go yo tə̂ lə Etiyɛnn le awje ndərəng teeje bbe tə̂ kə̂ Penisi, Sipərə kə Antiyos. A mə bbeje tə̂ənn le Jiipije kə karəde baa â n̂-tɔjude tar lə Lubba.

Kulaje 14:15

«Mba ddi bba ə-ddaje nɛ̂n tokə be wa? Jeje kara n-to dəwje tokə sese tɔ. Jaw pa Tar kə̂ Maji jarəse karə ta ə-mbətəje nɛ̂n kə̂ ture goto, ta aaje lo kə rɔ Lubba tə̂ kə̂ isi kəm baa. Lubba le â dda dara kə nangə, ba-katə kə nɛ̂nje tɔyn kə̂ toje tə̂.

Kulaje 14:21

Pɔl de kə Barnabas n̂-tɔjuje Tar kə̂ Maji bbe tə̂ kə̂ Dɛrbə. Dəwje nya ddeeje to njê-njaje go Əbbə-dəwje tə̂. Goe tə̂ a, n̂-təlje kə ddəw kə̂ Listərə, Ikoniyɔm kə Antiyos.

Kulaje 16:10

Go nɛ̂n tə̂ kə̂ Pɔl oo le a, kar tə̂ənn njaa n-sangə ddəw ta kaw Maseduwann le, mba n̂-gərə to Lubba bbarje karə jaw pa Tar kə̂ Maji Maseduwann le.

Kulaje 17:2

Pɔl aw rɔ Jiipije tə̂ tokə naw dda kə ndɔ tɔyn. N̂-mayn tar kə de dɔ makəturu tə̂ lə Lubba asə ndɔ-kuwa-rɔ mota.

Kulaje 8:4

Dəwje kə̂ sanrɛje naan le aw ilaje mbər tar lə Lubba to Tar kə̂ Maji loje tə̂ kə̂ daw ndayje tə̂.

1 Tesalonisinyɛje 2:2

Ə-gərəje kə majɛ̂ to joo ndoo ngaâ dəwje tajije bbe tə̂ kə̂ Pilipi. A Lubba arə jubba singa mə nɛ̂n-singaje tə̂ nya nya, narə jila mbər Tar kə̂ Maji laa jarəse.

2 Timɔte 4:2

karə ila mbər tar lə Lubba, ə-təl dɔɛ̂ tə̂ kə kar tɔyn kə kar kə̂ maji ddəm maji ang ddəm. Maji karə ə-tɔjude majang ləde, ə-ndangəde, ə-dda arə dubbaje singa. Maji karə ə-tɔ wuri ddəwe tə̂ ta arə bbo nɛ̂n-tɔju ddai.