Kulaje 14:2 - Dɔnɔn kə̂ Siki: Tar kə̂ aw arə təbbə

² A Jiipije kə̂ mbətəje ta koo məde tə̂ le aw tulaje dəwje kə̂ toje to Jiipije ang karə dəjəje kəjə kə̂ maji ang dɔ Pɔl de kə Barnabas tə̂.

Maketuru le Lubba ke tar kabba

² A Jiipije ke mbeteje ta koo mede te le aw tulaje dewje ke toje to Jiipije ang kare dejeje keje ke maji ang dɔ Pɔl de ke Barnabase te.

Kulaje 14:2 Iomraidhean Croise

Tar kə̂ Maji kə̂ Jan dda makəturu tə̂ 3:36

Dəw kə̂ oo məɛ̂ tə̂ kə Ngonn ee kə təbbə kə̂ to kə ndɔ kə ndɔ. A dəw kə̂ mbətə ta koo məɛ̂ tə̂ kə Ngonn a kinga təbbə le ang. Wungu lə Lubba nayn dɔɛ̂ tə̂.»

Kulaje 1:15

Dɔ ndɔɛ̂je tə̂ənn, Piyɛr in taar horo njê-mə-kunnje tə̂ kə̂ kɔrde asə kɔr kâra kə dɔjoo ngaâ pa nan:

Kulaje 13:45

Jiipije ooje dəwje kə̂ banya le a, mə ddade. N̂-paje tar kə̂ aw tila kəm tar lə Pɔl ngaâ n̂-tajɛ̂je.

Kulaje 13:50

A Jiipije ɔsuje kutu dɛnɛ̂nje kə̂ isije lo kula tə̂ kə̂ bo kə̂ aw poloje Lubba ddəm ɔsuje kutu njê-kɔn-bbeje ddəm arə dinje n̂-ddaje Pɔl de kə Barnabas maji ang ngaâ n̂-tubbade dɔ nangə tə̂ ləde le.

Kulaje 14:19

Jiipije kə̂ inje Antiyos kə Ikoniyɔm ddaje arə dəwje kə̂ banya le unnje gode. N̂-tilaje Pɔl kə ər ta tɔlɛ̂ ngaâ n̂-ndɔrɛ̂je n̂-teeje saa mə bbe tə̂ kə ddang, mba dɔjuje to noy mban.

Kulaje 14:4

Dəwje kə̂ bbe tə̂ le horode tin joo: Marɛ̂je unnje go Jiipije, a marɛ̂je unnje go njê-kaw-kulaje le.

Kulaje 14:5

Jiipije kə mbayje ləde ddəm dəwje kə̂ toje to Jiipije ang ddəm n̂-ndikije ta dda Pɔl de kə Barnabas maji ang, ta tilade kə ər tɔlde.

Kulaje 17:13

Jiipije kə̂ Tesalonikə ooje nan Pɔl aw tɔju tar lə Lubba Bere tɔ a, n̂-ddeeje ta yəkə lo ngaâ ta kɔsu kutu dəwje kə̂ banya le.

Kulaje 17:5

A Jiipije kə̂ mə ddade mbɔnje dəwje kə̂ toje to njê-dɔ-gotoje kə̂ aw njaje go ddəw tə̂ baa, dɔsuje kutu dəwje kə̂ banya ngaâ n̂-yəkəje lo darə ddekeke goto mə bbe tə̂ le.

Kulaje 18:12

Bbal tə̂ kə̂ Galiyɔn to ngonn mbay kə̂ Akay, Jiipije ooje ta naan ngaâ mbətəje Pɔl. Dawje saa lo gangə sariya tə̂.

1 Tesalonisinyɛje 2:14

Ngakɔnje kə̂ Tesalonikə, ə-ndajije nɛ̂n-dda lə dəwje kə̂ Egilisi tə̂ kə̂ nangə tə̂ kə̂ Jude mban, dede kə̂ dooje məde tə̂ kə Jeju-Kristə le. Dede le dooje ndoo ji Jiipije tə̂, a bbasinɛn sese kara njê kə̂ ləse njaa aw ula kəmse ndoo tə̂ tokə baann tɔ.