Kulaje 14:1 - Dɔnɔn kə̂ Siki: Tar kə̂ aw arə təbbə

¹ Pɔl de kə Barnabas n̂-ddee n̂-teeje mə bbe tə̂ kə̂ Ikoniyɔm a, dandəje kəy mbɔn-naan tə̂ lə Jiipije. N̂-tɔjuje tar lə Lubba darə Jiipije kə Gɛrɛkəje nya ooje məde tə̂.

Maketuru le Lubba ke tar kabba

¹ Pɔl de ke Barnabase n̂-teeje me bbe te ke Ikoniyɔm a, dandeje me key-mbɔn̂-naa te le Jiipije. N̂-tɔjuje tar are Jiipije, ke dewje nya ke toje to Jiipije ang ooje mede te.

Kulaje 14:1 Iomraidhean Croise

Marke 7:26

Dɛnɛ̂n le to Gɛrɛkə, duje Penisi, nangə tə̂ kə̂ Siri. N̂-duju Jeju karə tubba ndil kə̂ maji ang le mə ngonnɛ̂ tə̂ le.

Tar kə̂ Maji kə̂ Jan dda makəturu tə̂ 12:20

Marə Gɛrɛkəje eeje horo dəwje tə̂ kə̂ awje Jerujalɛm ta polo Lubba ndɔ kusu tə̂ le.

Tar kə̂ Maji kə̂ Jan dda makəturu tə̂ 7:35

Yeenn ngaâ Jiipije dujuje naan nan: «Nâ kaw dda bba ja kasə ta kingɛ̂ ang wa? Nâ kaw rɔ Jiipije tə̂ kə̂ sanrɛje naan horo Gɛrɛkəje tə̂, ta tɔju nɛ̂n Gɛrɛkəje wa?

Kulaje 11:21

Singa-mɔngu lə Əbbə-dəwje to dɔde tə̂ arə dəwje nya ooje məde tə̂ kə Əbbə-dəwje ngaâ n̂-turuje ddəw ləde.

Kulaje 13:43

Dəwje kə̂ mbɔnje naan le sanrɛje naan a, marə Jiipije nya kə dəwje kə̂ toje to Jiipije ang kə̂ aw poloje Lubba unnje go Pɔl de kə Barnabas. Pɔl de kə Barnabas le n̂-paje tar darəde ngaâ n̂-ndəjəjede karə n̂-naynje kə ndɔ tɔyn ddəw mə-maji tə̂ kə̂ Lubba dda kə de.

Kulaje 13:46

Pɔl de kə Barnabas n̂-paje tar kə bbəəl ang darəde nan: «Sese â, to ta karə ə-toje to dɔngɔr dəwje kə̂ ja pa tar lə Lubba nəənn karəse. A ə-mbətəje tar le ngaâ sese njaa ə-təlje ooje rɔse to dəwje kə̂ asəje ta kinga təbbə kə̂ to kə ndɔ kə ndɔ ang. Yeenn bba, n-turu kəmje kə rɔ dəwje tə̂ kə̂ toje to Jiipije ang ngaa.

Kulaje 13:5

N̂-teeje bbe tə̂ kə̂ Salaminn a, n̂-paje tar lə Lubba darə dəwje kəy mbɔn-naan tə̂ lə Jiipije. Jan-Markə ee tə̂ənn aw umande.

Kulaje 13:51

Pɔl de kə Barnabas le n̂-tundaje bum nangə kə̂ gɔlde tə̂ ngaâ dawje bbe tə̂ kə̂ Ikoniyɔm.

Kulaje 14:19

Jiipije kə̂ inje Antiyos kə Ikoniyɔm ddaje arə dəwje kə̂ banya le unnje gode. N̂-tilaje Pɔl kə ər ta tɔlɛ̂ ngaâ n̂-ndɔrɛ̂je n̂-teeje saa mə bbe tə̂ kə ddang, mba dɔjuje to noy mban.

Kulaje 14:2

A Jiipije kə̂ mbətəje ta koo məde tə̂ le aw tulaje dəwje kə̂ toje to Jiipije ang karə dəjəje kəjə kə̂ maji ang dɔ Pɔl de kə Barnabas tə̂.

Kulaje 14:21

Pɔl de kə Barnabas n̂-tɔjuje Tar kə̂ Maji bbe tə̂ kə̂ Dɛrbə. Dəwje nya ddeeje to njê-njaje go Əbbə-dəwje tə̂. Goe tə̂ a, n̂-təlje kə ddəw kə̂ Listərə, Ikoniyɔm kə Antiyos.

Kulaje 16:1

Pɔl tee Dɛrbə kə Listərə. Marə nje-nja go Jeju tə̂ kə̂ ria nan Timɔte ee mə bbe tə̂ənn le. Kɔɛ̂nje to Jiipi ngaâ to nje-mə-kunn, a bɔɛ̂je to Gɛrɛkə.

Kulaje 16:2

Njê-mə-kunnje kə̂ Listərə kə Ikoniyɔm paje tar lə Timɔte le maji nya.

Kulaje 17:12

Dəwje nya horode tə̂ ooje məde tə̂. Dɛnɛ̂n Gɛrɛkəje kə̂ toje to dəwje kə̂ isije lo kula tə̂ bo kə marə dingawje nya ooje məde tə̂ tɔ.

Kulaje 17:17

Naw pa tar kə Jiipije kə dəwje kə̂ aw poloje Lubba mə kəy mbɔn-naan tə̂ lə Jiipije. A kəsə ndɔje, naw pa tar natâ kə kəsə dəwje kə̂ naw ningade kə̂ ndɔ tɔyn.

Kulaje 17:4

Marə Jiipije le ndikije tar tə̂ le ngaâ unnje go Pɔl de kə Silas. Gɛrɛkəje nya kə̂ aw poloje Lubba kə marə dɛnɛ̂nje kə̂ toje to dəwje kə̂ bo ddaje tokə baann tɔ.

Kulaje 18:4

Ndɔ-kuwa-rɔ tə̂ kâra kâra tɔyn Pɔl aw pa tar nya kəy mbɔn-naan tə̂ le kə dəwje kə̂ toje to Jiipije ddəm Gɛrɛkəje ddəm karə n̂-ndikije tar tə̂ laa.

Kulaje 18:8

Krispus kə̂ to nje-kɔn dɔ kəy mbɔn-naan lə Jiipije unn məɛ̂ arə Əbbə-dəwje, ne de kə njê kə̂ kə̂y laa tɔyn. Marə dəwje kə̂ Kɔrɛntə nya ooje tar kə̂ Pɔl tɔju le. Dooje məde tə̂ ngaâ dingaje batɛm.

Kulaje 19:10

Nɛ̂ɛnn le to tokə baann ndərəng bbal joo arə dəwje kə̂ Aji, Jiipije kə Gɛrɛkəje ooje tar lə Əbbə-dəwje.

Kulaje 19:17

Njê-bbeje tɔyn kə̂ Epɛjə kə Jiipije kə Gɛrɛkəje, dooje tar nəənn le. Bbəəl uta dɔde tɔyn arə dɔsuje gaji ri Əbbə-dəwje Jeju kə̂ to ri kə̂ bo.

Kulaje 19:8

Nɛyn mota njaa Pɔl aw aw kəy mbɔn-naan tə̂ lə Jiipije kə ndɔ tɔyn aw pa tar Bbe-kɔn lə Lubba kə bbəəl ang. N̂-dda gan njaa karə n̂-ndikije tə̂ saa.

Kulaje 2:47

N̂-pitije Lubba ngaâ dəwje tɔyn oojede maji kəmde tə̂. Kə ndɔ kâra kâra tɔyn, Əbbə-dəwje aw ungu dəwje kə̂ naw najide dɔ marɛ̂ tə̂.

Kulaje 20:21

Mila mbər marə Jiipije kə Gɛrɛkəje karə n̂-turuje məde nyɔm ta n̂-təlje rɔ Lubba tə̂ ngaâ ta karə dundaje məde kə dɔ Əbbə-dəwje Jeju tə̂.

Kulaje 21:28

N̂-paje kə taar nan: «Ngann Ijarayɛlje, ə-ddeeje bbo! Ne le â nar nəənn! Dəw kə̂ aw tɔju nɛ̂n dəwje tɔyn loje tə̂ tɔyn mbətə nɛ̂n dəwje ləje ddəm Ndu lə Mɔyijə ddəm kəy-polo Lubba ddəm le. Gɛrɛkəje kara n̂-ddee kə de kəy-polo Lubba tə̂ nəənn narə lo nəənn kə̂ maji tɔyn le ddee to lo kə̂ maji ang.»

Kulaje 9:20

ngaâ njangə baa a, Sɔl aw ila mbər kəy mbɔn-naanje tə̂ lə Jiipije pa nan Jeju to Ngonn lə Lubba.

Rɔmɛnje 1:16

Rɔ-kul kila mbər Tar kə̂ Maji le ddam ang. Mba to singa-mɔngu lə Lubba kə̂ aw aji nɛ̂n dəwje tɔyn kə̂ ooje məde tə̂, Jiipije dɔngɔr, goe tə̂ a, Gɛrɛkəje.

Rɔmɛnje 10:12

Yeenn a, Jiipije kə Gɛrɛkəje toje to dəwje kə̂ kâra baa. Əbbədede kâra baa, naw narə nɛ̂nje kə̂ maji dəwje tɔyn kə̂ aw bbarɛ̂je.

Galatəje 2:3

Titə kə̂ to Gɛrɛkə kə̂ aw səm le, dəw kâra duje karə nuja ganja bba ang.

Galatəje 3:28

Jiipi wase Gɛrɛkə goto ngaa, bbərə wase dəw kə̂ to bbərə ang goto ngaa, dingaw wase dɛnɛ̂n goto ngaa. Mba sese tɔyn ə-ddeeje to dəwje kə̂ kâra baa ddəw mə-kâra tə̂ kə̂ ə-ddaje kə Jeju-Kristə.

Kolosinyɛje 3:11

Bbasinɛn, Gɛrɛkə wase Jiipi goto ngaa. Dəw kə̂ uja ganja wase uja ganja ang goto. Dəw kə̂ gəle to dang wase dəw kə̂ kəmɛ̂ ɔru ang goto. Dəw kə̂ to bbərə wase to bbərə ang goto ngaa. A Kristə â to nɛ̂n tɔyn, ne â nee mə dəwje tə̂ tɔyn.

2 Timɔte 3:11

Ə-gərə dda kə̂ dəwje ddamje, ndoo kə̂ moo Antiyos, Ikoniyɔm kə Listərə. Dda kə̂ dəwje oso ddamje! A Əbbə-dəwje ɔrum mə nɛ̂nje tə̂ənn tɔyn.