Kulaje 13:43 - Dɔnɔn kə̂ Siki: Tar kə̂ aw arə təbbə

⁴³ Dəwje kə̂ mbɔnje naan le sanrɛje naan a, marə Jiipije nya kə dəwje kə̂ toje to Jiipije ang kə̂ aw poloje Lubba unnje go Pɔl de kə Barnabas. Pɔl de kə Barnabas le n̂-paje tar darəde ngaâ n̂-ndəjəjede karə n̂-naynje kə ndɔ tɔyn ddəw mə-maji tə̂ kə̂ Lubba dda kə de.

Maketuru le Lubba ke tar kabba

⁴³ Toke dewje ke mbɔnje naa le sarenje naa a, mare Jiipije nya, ke dewje ke toje to Jiipije ang ke aw poloje Lubba unnje go Pɔl de ke Barnabase. Pɔl de ke Barnabase n̂-paje tar darede ngaa n̂-ndejede kare n̂-naynje ke ndɔ tɔyn ddew me-maji te ke Lubba dda ke de.

Kulaje 13:43 Iomraidhean Croise

Matiye 23:15

«To ndoo nya arəse, see njê-gərəje-Ndu kə see Parijinyɛje kə̂ ə-toje to njê-ngəmje. Aw ulaje lo dɔ ba-katə tə̂ ddəm dɔ nangə tə̂ ddəm tɔyn mba kinga marə dəw kâra karə unn gose. Bbo dəw le unn gose a, ə-ddɛɛ̂je arə n̂-ddee to dəw kə̂ asə kaw kəm puru tə̂ kə̂ aw ɔn kə ndɔ kə ndɔ utase gɔl joo bbay.

Kulaje 11:23

Barnabas le ddee tee ngaâ oo mə-maji kə̂ Lubba dda kə njê-mə-kunnje le a, inga rɔ-nəəl nya ngaâ ndəjəde karə dundaje məde tɔyn dɔ Əbbə-dəwje tə̂.

Kulaje 13:50

A Jiipije ɔsuje kutu dɛnɛ̂nje kə̂ isije lo kula tə̂ kə̂ bo kə̂ aw poloje Lubba ddəm ɔsuje kutu njê-kɔn-bbeje ddəm arə dinje n̂-ddaje Pɔl de kə Barnabas maji ang ngaâ n̂-tubbade dɔ nangə tə̂ ləde le.

Kulaje 14:22

Mə bbeje tə̂ənn, n̂-ndəjəje njê-mə-kunnje karə duwaje mə-kunn ləde darə ngəng. N̂-paje nan: «Maji karə joo ndoo nya mba kandə nɛ̂n mə Bbe-kɔn tə̂ lə Lubba.»

Kulaje 14:3

Dɔ nɛ̂nje tə̂ənn tɔyn, Pɔl de kə Barnabas n̂-naynje bbe tə̂ kə̂ Ikoniyɔm le gode əw. Daw paje tar lə Əbbə-dəwje kə bbəəl ang. Əbbə-dəwje le tɔju to tar mə-maji laa le to nɛ̂n kə̂ tɔkɔrɔ ddəw nɛ̂n-mɔrije tə̂ kə nɛ̂nje kə̂ dum dɔ koo kə̂ narə singa ansinyɛje narə ddaje.

Kulaje 16:14

Marə dɛnɛ̂n le kâra to dəw kə̂ Tiyatir, ria nan Lidi. N̂-to nje-labbə kubbu kə̂ kasɛ kə̂ narɛ̂ ngəng ngaâ naw polo Lubba. Noo tarje kə̂ jaw pa ngaâ Əbbə-dəwje unda məɛ̂ arə n̂-tuka mbia noo nɛ̂n tarje kə̂ Pɔl aw pa le.

Kulaje 17:17

Naw pa tar kə Jiipije kə dəwje kə̂ aw poloje Lubba mə kəy mbɔn-naan tə̂ lə Jiipije. A kəsə ndɔje, naw pa tar natâ kə kəsə dəwje kə̂ naw ningade kə̂ ndɔ tɔyn.

Kulaje 17:34

Dɔɛ tə̂ənn njaa kara, marɛ̂je naynje saa ngaâ ooje məde tə̂. Denis kə̂ to dəw kə̂ Ayeropajə, marə dɛnɛ̂n kə̂ ria nan Damaris kə marə dəwje bbay.

Kulaje 17:4

Marə Jiipije le ndikije tar tə̂ le ngaâ unnje go Pɔl de kə Silas. Gɛrɛkəje nya kə̂ aw poloje Lubba kə marə dɛnɛ̂nje kə̂ toje to dəwje kə̂ bo ddaje tokə baann tɔ.

Kulaje 18:7

Nɔtu lo tə̂ənn naw rɔ marə dəw tə̂ kə̂ ria nan Titus Justus kə̂ kəy laa to mbɔr kəy mbɔn-naan tə̂ lə Jiipije. N̂-to nje-polo Lubba.

Kulaje 2:10

dəwje kə̂ Piriji, kə̂ Pampili, kə̂ Ejipitə kə Libi kə̂ to ngɔsi kə Sirɛnn, dəwje kə̂ Rɔm kə̂ ddaje bbe Jerujalɛm,

Kulaje 28:23

Dɔjuje ndɔ darə Pɔl ngaâ ndɔ le asə a, n̂-ddeeje tokə banya dingɛ̂je lo-toe tə̂. Pɔl pa tar arəde kə əndɔɔ ndərəng lo-kul. N̂-pa tar kɔn-mbay lə Lubba narəde. Nunn tar Ndu lə Mɔyijə kə tar lə njê-kilaje mbər tar lə Lubba n̂-pa nɛ̂n tar lə Jeju karə n̂-ndikije tə̂.

Kulaje 6:5

Dəwje kə̂ mbɔnje naan le tɔyn ndikije tar tə̂ kə̂ njê-kaw-kulaje paje arəde le. Yeenn bba, dəwje kə̂ n̂-mbərəde to Etiyɛnn kə̂ mə-kunn ddəm Ndil-mə-nda ddəm dduse, Pilipi, Porokɔr, Nikanɔr, Timɔn, Parmenas kə Nikola kə̂ to dəw kə̂ Antiyos kə̂ aw bbəəl Lubba lə Mɔyijə.

Rɔmɛnje 11:6

Lubba mbərəde ddəw mə-maji tə̂ laa bbo n̂-mbərəde mba marə kula kə̂ n̂-ddaje ang. Bbo baann ang a, mə-maji le a to mə-maji ang ngaa.

Rɔmɛnje 3:24

Dəwje ukaje marə nɛ̂n ang ddəm a ddəw mə-maji tə̂ lə Lubba, n̂-dda narə n̂-ddeeje gatə gatə ddəw tə̂ lə Jeju-Kristə kə̂ ɔrude mə majang tə̂ kə ddang.

Rɔmɛnje 5:2

Ddəw tə̂ lə Jeju kə̂ junnje məje jarɛ̂ le â Lubba dda nɛ̂n kə je mə-maji ngaâ n-naynje ddəwe tə̂. Yeenn bba, jaw ddaje rɔ-nəəl, mba jundaje məje to jeje kara ja kingaje piti lə Lubba.

Rɔmɛnje 5:21

Ddəw kâra baa tokə majang ee kə singa ta kaw kə dəwje karə ingaje yo le, mə-maji lə Lubba ee kə singa mba dda karə dəwje ddeeje gatə gatə kəmɛ̂ tə̂, ta karə dingaje təbbə kə̂ to kə ndɔ kə ndɔ ddəw tə̂ lə Əbbəjeje Jeju-Kristə.

2 Kɔrɛntinyɛje 5:11

N-gərə nɛ̂n kə̂ to bbəəl Əbbə-dəwje kə majɛ̂. Ngaâ, n-sangə ddəw ta dda karə dəwje ndikije tə̂ kə tar ləje. Lubba gərəje kə majɛ̂ ngaâ munda məm to ə-gərəjeje kəjə tə̂ ləse kə majɛ̂ tɔ.

2 Kɔrɛntinyɛje 6:1

Jaw dda kula kə Lubba le. Mba yeenn bba n-walse nya karə mə-maji kə̂ Lubba dda kə se le to baa ang.

Galatəje 5:1

Kristə ɔruje kɔ bbərə tə̂ karə jisi to bbərəje ang ngaa. Yeenn a, uwaje arə ngəng bbo arəje n̂-təl kə se kɔ bbərə tə̂ ang.

Galatəje 5:4

Sese kə̂ aw sangəje ta ddee gatə gatə kəm Lubba tə̂ ddəw Ndu tə̂ le ə-tinje naan kə Kristə mban. Mə-maji lə Lubba to mbase ang ngaa.

Epɛjinyɛje 2:8

Mə-maji lə Lubba â aji nɛ̂n se ddəw koo kə̂ ooje məse tə̂ saa, bbo ə-ddaje marə nɛ̂n kâra mbɛɛ̂ ang. To nɛ̂n kə̂ Lubba arəse baa.

Pilipinyɛje 3:16

Mə nɛ̂n tə̂ tɔyn, ddəw kə̂ junnje ndərəng bbokənɛn nəənn le, maji karə yeenn njaa jawje nɛ̂n nyɔm.

Pilipinyɛje 4:1

Yeenn a, ngakɔnʼmje kə̂ m-dikise nya, sese kə̂ m-ndiki nya ta təl koose bbay, sese kə̂ ə-ddaje arə misi kə rɔ-nəəl, sese â minga nɛ̂n piti. Ngakɔnʼmje kə̂ m-dikise nya, maji karə ə-naynje ddəw mə-kâra tə̂ kə̂ ə-ddaje kə Əbbə-dəwje le arəje ngəng.

Kolosinyɛje 1:23

A maji karə ə-naynje ddəw mə-kunn tə̂ le ta arje dɔɛ tə̂ arə ngəng tokə kəy kə̂ gɔlɛ̂ uwa nangə kə majɛ̂. Nɛ̂n kə̂ Tar kə̂ Maji dda arə aw undaje məse dɔɛ tə̂ le, inyaje ddəwe ang. Tar kə̂ Maji le dila mbəre darə dəwje tɔyn kə̂ dɔ nangə tə̂. Ngaâ əman Pɔl, m-ddee to nje-kula Tar kə̂ Maji le.

Kolosinyɛje 1:28

Kristə le â jaw jila mbər laa. Jaw jarə ndəjə dəwje tɔyn ngaâ jaw tɔjude nɛ̂n dəwje tɔyn ddəw kəm-karɛ tə̂ dang dang, karə dəwje tɔyn sangəje ddəw tə̂ lə Kristə.

Titə 2:11

Mba Lubba tɔju mə-maji laa kə̂ to ddəw kə̂ dəwje tɔyn asəje ta kinga nɛ̂n kaji.

Ebərəje 12:15

Aaje kə majɛ̂ arəje marə dəw dda arə mə-maji lə Lubba due ang, bba karə dəw kâra ddee tokə marə kam kə̂ atə kə̂ aw ndu horo dəwje tə̂ ang. Dəw kə̂ baann le aw ddee kə tar horo dəwje tə̂ ddəm aw tuju dəwje ddəm.

Ebərəje 13:9

Maji karə inyaje arə nɛ̂n-tɔjuje kə̂ dang dang ddaje arə ə-ndəəmje ddəw ang. Maji karə ingaje singa ddəw mə-maji tə̂ lə Lubba bbo ddəw nduje tə̂ kə̂ dɔ nɛ̂n-kusaje tə̂ ang. Mba dəwje kə̂ aw ngəmje ndujeenn le ingaje marə nɛ̂n kâra ddəwe tə̂ ang.

1 Piyɛr 5:12

Silas kə̂ mooe to ngokɔnje kə̂ asə karə munda məm dɔɛ̂ tə̂ â marə dda marə tarje nəənn makəturu tə̂ karə mula nɛ̂n marəse, mba ndəjə nɛ̂n se ddəm mba pa nɛ̂n karəse to mə-maji lə Lubba kə̂ tɔkɔrɔ njaa â ə-naynje ddəwe tə̂ənn ddəm.

2 Piyɛr 3:14

Mba yeenn bba, ngakɔnʼmje kə̂ m-ndikise nya, kar tə̂ kə̂ aw nginanje ndɔ le bbay le, maji karə ə-ddaje singa karə marə nɛ̂n-yərəw ɔruse ang ddəm karə marə tar to dɔse tə̂ ang ddəm ngaâ ta ə-naynje kə mə-wul-lɔm kə Lubba.

1 Jan 2:28

Baann a, ngannje kə̂ ngaji, maji karə ə-naynje ddəw mə-kâra tə̂ kə Kristə, mba karə ndɔ kə̂ n̂-ddee a, bbəəl ddaje ang ddəm karə ndɔ təl laa a, rɔ-kul uta dɔje ngaâ jarje ddəw əw saa ang ddəm.

2 Jan 1:9

Dəw kə̂ nayn dɔ nɛ̂n-tɔju tə̂ lə Kristə ang, aw ddəw əw, n̂-mbətə Lubba ngaa. Dəw kə̂ nja go nɛ̂n-tɔju tə̂ lə Kristə to dəw kə̂ dda mə-kâra kə Bɔ ddəm Ngonn ddəm.