Kulaje 13:23 - Dɔnɔn kə̂ Siki: Tar kə̂ aw arə təbbə

²³ Mə nuju tə̂ lə Dabbiti â duju Jeju kə̂ to Nje-kaji-dəwje kə̂ Ijarayɛl tə̂, ddəw kâra baa kə ndu Lubba kə̂ unn.

Maketuru le Lubba ke tar kabba

²³ Nje ke gel Dabbiti te a uju Jeju ke to Nje-kaji dewje ke Ijarayel ddew kara baa ke ndu ke Lubba unn.

Kulaje 13:23 Iomraidhean Croise

Matiye 1:1

Ri gəl-dəwje kə̂ ujuje Jeju-Kristə tokə be: Jeju-Kristə to dəw kə̂ gəl Dabbiti tə̂ ngaâ Dabbiti to dəw kə̂ gəl Abaraham tə̂.

Matiye 1:21

Nâ kuju ngonn kə̂ dingaw, ta â kunda ria nan Jeju, mba ne â nâ kaji dəwje laa mə majangje tə̂ ləde.»

Matiye 21:9

Dəwje kə̂ banya kə̂ aw njaje nɔɛ̂n tə̂ kə dede kə̂ daw njaje goe tə̂, daw duruje əkii nan: «Jɔsuje gaji Ngonn lə Dabbiti! Maji karə Lubba bbar tar kə̂ maji dɔ dəw tə̂ kə̂ aw ddee kə ri Əbbə-dəwje. Jɔsuje gaji Lubba kə̂ isi ddutu dara tə̂!»

Matiye 22:42

«Tar ddi bba aw əjəje dɔ Kristə tə̂ le wa? N̂-to ngonn lə nân wa?» Dilɛ̂je tə̂ nan: «N̂-to ngonn lə Dabbiti.»

Luku 1:69

Ngaâ narəje Nje-kaji-dəwje kə̂ to nje-singa-mɔngu, kə̂ in gəl bbərə tə̂ laa Dabbiti,

Tar kə̂ Maji kə̂ Jan dda makəturu tə̂ 4:42

Ngaâ, n̂-paje darəje dɛnɛ̂n le nan: «Bbasinɛn, joo məje tə̂ saa mba tarje ləi kə̂ ə-pa le njaa ang ngaa. Joo məje tə̂ mba jeje njaa joo tarje kə̂ tɛɛ̂ tə̂ ngaâ n-gərə to, ne njaa n̂-to Nje-kaji-dəwje kə̂ duninya tə̂.»

Tar kə̂ Maji kə̂ Jan dda makəturu tə̂ 7:42

Mba Makəturu lə Lubba pa nan: Mesi a kin gəl Dabbiti tə̂, nâ kin Betelehɛm ngonn bbe tə̂ kə̂ duju Dabbiti kə tə̂.

Kulaje 13:32

Jeje kara, jila mbər Tar kə̂ Maji nəənn jarəse tɔ. Nɛ̂n kə̂ Lubba unn ndue mbɛɛ̂ arə kajejedede le,

Kulaje 2:30

N̂-to nje-kila mbər tar lə Lubba ngaâ n̂-gərə to Lubba unda yo bba unn nɛ̂n ndu karə dəw kə̂ gəle tə̂ isi ngende-mbay tə̂.

Kulaje 3:26

Sese â Lubba unn Nje-kula laa dɔngɔr ulɛ̂ karə n̂-bbar Tar kə̂ Maji dɔse tə̂, karə nɔruse kâra kâra tɔyn mə nɛ̂n-ddaje tə̂ ləse kə̂ maji ang.»

Kulaje 4:12

«Ne kâra baa nasə kajije, mba marə ri dang dɔ nangə tə̂ kə̂ Lubba unda dɔ marə dəw tə̂ karə ajije goto.

Rɔmɛnje 1:3

Tar kə̂ Maji le to tar lə Ngonnɛ̂. Ddəw kuju tə̂, n̂-to ngonn-ka tɔkə mbay Dabbiti.

Rɔmɛnje 11:26

Baann bba ngann Ijarayɛlje tɔyn a kingaje kaji tokə Makəturu lə Lubba pa tarɛ̂ nan: «Nje-kaji-dəwje a kin Sinyɔ bba a ddee, Nâ kɔru tar majang lə dəwje kə̂ gəl Jakobbo tə̂ dɔde tə̂.»

Titə 1:4

Mula kə makəturu nəənn mari, əi Titə le kə̂ ə-to ngonnəm kə̂ tɔkɔrɔ ddəw mə-kunn tə̂ kə̂ mbɔnje naan tə̂. Maji karə Lubba kə̂ Bɔ kə Nje-kajije Jeju-Kristə, n̂-ddaje səi mə-maji ngaâ darəje məi wul lɔm.

2 Piyɛr 1:1

Əman Simɔn Piyɛr kə̂ m-to bbərə-kula lə Jeju-Kristə ddəm nje-kaw-kula lə Jeju-Kristə ddəm m-dda makəturu nəənn marə dəwje kə̂ ingaje mə-kunn kə̂ ngəng kə̂ kâra baa kə̂ jinga le. Dingaje mə-kunn le ddəw nɛ̂n-dda tə̂ kə̂ gatə gatə lə Jeju-Kristə kə̂ to Lubba ləje ddəm Nje-kajije ddəm.

2 Piyɛr 1:11

Baann bba Lubba a kɔru ddəw karə tatə karə andəje nɛ̂n mə Bbe-kɔn tə̂ kə̂ a to kə bbal kə bbal, kə̂ to Bbe-kɔn lə Jeju-Kristə kə̂ to Əbbəjeje ddəm Nje-kajije ddəm.

2 Piyɛr 2:20

Dəwje kə̂ gərəje Jeju-Kristə kə̂ to Əbbəjeje ddəm Nje-kajije ddəm teeje mə nɛ̂n-yərəwje tə̂ kə̂ duninya tə̂ nəənn kə ddang ngaa. A bbo n̂-təlje dulaje rɔde mə nɛ̂n-yərəw tə̂ le bbay darə taa singade a, kisi ləde kə̂ guku a maji ang kuta ye kə̂ kete bbay.

2 Piyɛr 3:18

A maji karə ə-sangəje kə kete kete ddəw mə-maji tə̂ lə Əbbəjeje kə̂ Nje-kajije Jeju-Kristə ddəm ddəw gərə tə̂ kə̂ ə-gəreje ddəm. Maji karə piti to laa, bbasinɛn nəənn nyɔm kə ləw. Amɛnn!

2 Piyɛr 3:2

Maji karə oleje məse dɔ tarje tə̂ lə njê-kilaje mbər tar lə Lubba kə̂ unnje rɔde tɔyn arɛ̂je, oleje məse dɔ ndu tə̂ kə̂ Əbbə-dəwje kə̂ to Nje-kaji-dəwje unn ngaâ njê-kaw-kulaje pa arəse le.

1 Jan 4:14

Jooe kə kəmje ngaâ n-pa tar-naji laa jarə dəwje nan Lubba kə̂ Bɔ ula Ngonnɛ̂ to Nje-kaji-dəwje kə̂ duninya tə̂.

Apokalisi 22:16

«Əman Jeju, mula anjə ləm karə pa tar-najije nəənn tɔyn arəse mə Egilisije tə̂. M-to dəw kə̂ gəl nuju tə̂ lə Dabbiti. M-to əndɛtɛrɛndɛn kə̂ ta lo-karɛ tə̂ kə̂ ndoko nya.»