Kulaje 13:2 - Dɔnɔn kə̂ Siki: Tar kə̂ aw arə təbbə

² Marə ndɔ n̂-mbɔnje naan mba polo Əbbə-dəwje ngaâ dɔkuje rɔde nɛ̂n-kusa a, Ndil-mə-nda pa nan: «Undaje Barnabas de kə Sɔl dang mba kula kə̂ m-bbarde mbɛɛ̂.»

Maketuru le Lubba ke tar kabba

² Mare ndɔ n̂-mbɔnje naa mba polo Ebbe-dewje ngaa n̂-mbeteje ne-kusa a, Ndil-me-nda pa na: «Undaje Barnabase de ke Sɔl dang mba kula ke m-bbarde mbae.»

Kulaje 13:2 Iomraidhean Croise

Matiye 17:21

Ə-mbətəje nɛ̂n-kusa, ta ə-dujuje Lubba nya bba â tubbaje ndilje kə̂ baann.]»

Matiye 6:16

«Bbo ɔkuje rɔse nɛ̂n-kusa a, ə-tɔjuje to isije kə rɔ-katə tokə njê-ngəmje aw ddaje le ang. Daw tɔjuje dɔ kəmde tə̂ to daw dɔkuje rɔde nɛ̂n-kusa. M-pa marəse, to tar kə̂ tɔkɔrɔ, dingaje kuka ləde mban.

Matiye 9:38

Maji karə ə-dujuje nje-ndɔɔ le arə nula marə njê-kulaje bbay ta kula tə̂ le.»

Luku 10:1

Goe tə̂ a, Əbbə-dəwje təl tɔru njê-njaje goe tə̂ dɔsiri gire joo horo marɛ̂je tə̂. Nulade joo joo nɔɛ̂n tə̂ kete karə dawje mə bbeje tə̂ kâra kâra kə loje tə̂ tɔyn kə̂ ne njaa n̂-ndiki ta kaw tə̂.

Luku 2:37

N̂-tɔ wure nisi to dɛnɛ̂n-ndubba ndərəng bbal kuje asə dɔjijoo gire sɔ. Ninya kəy-polo Lubba ndɔ kâra ang, naw dda kula lə Lubba til kə kar ddəw kɔku rɔɛ̂ nɛ̂n-kusa tə̂ kə duju Lubba tə̂.

Kulaje 10:19

Piyɛr nayn aw əjə dɔ nɛ̂n tə̂ kə̂ noo le bbay a, Ndil pa arɛ̂ nan: «Oo, dingawje mota aw sangije.

Kulaje 10:30

Kɔrnɛy pa arɛ̂ nan: «Dda ndɔ mota bbokənɛn ngaa, mee mə kəy tə̂ ləm maw duju Lubba gɔl kar mota tə̂. A â ta koo a, marə dəw kə̂ ula kubbu kə ndɔnrɛn ar nɔnʼm tə̂

Kulaje 13:3

Yeenn bba, dɔkuje rɔde nɛ̂n-kusa ngaâ n̂-dujuje Lubba ngaâ goe tə̂, dilaje jide dɔde tə̂ ngaâ dinyade darə dɔtuje.

Kulaje 13:4

Ndil-mə-nda ula Barnabas de kə Sɔl arə daw dawje kə bbe tə̂ kə̂ Selisi ngaâ dunnje to lo tə̂ənn ta kaw ər kə dɔ dərə-maann tə̂ kə̂ Sipərə.

Kulaje 14:26

Lo tə̂ənn, dunnje tɔkə to mba təl Antiyos nangə tə̂ kə̂ Siri. Antiyos le â njê-mə-kunnje inyajede kə tə̂ ji Lubba tə̂ kete mba karə Lubba dda kə de mə-maji arə n̂-ddaje kula kə̂ n̂-ddaje n̂-tungaje nəənn le.

Kulaje 20:28

Maji karə undaje kəmse dɔ rɔse tə̂ kə dɔ nɛ̂n-kuulje tə̂ kə̂ Ndil-mə-nda undase karə ə-ngəmjede. Ə-ngəmje Egilisi kə̂ Lubba ndoko kə məse njaa le.

Kulaje 22:21

A Əbbə-dəwje le pa arəm nan: ‹Aw, mba mâ kulai ddəw əw horo dəwje tə̂ kə̂ toje to Jiipije ang.› »

Kulaje 4:36

Marə dəw kə̂ ria nan Jojɛpə kə̂ njê-kaw-kulaje aw bbarɛ̂je nan Barnabas ee tə̂ənn. Ria le kandɛ̂ nan: «Nje-kula dingaw mə dəwje tə̂». N̂-to dəw kə̂ gəl Lebi tə̂, duje Sipərə.

Kulaje 6:4

A Jeje, ja kunnje rɔje mba kula duju Lubba kə kula tɔju tar lə Lubba.»

Kulaje 8:29

Ndil pa arə Pilipi le nan: «Aw kə ngɔru aw inga sarɛtə toonn.»

Kulaje 9:15

A Əbbə-dəwje pa nan: «Aw, mba dəw le to dəw kə̂ mundɛ̂ dang karə n̂-dda narə dəwje kə̂ toje to Jiipije ang kə tɔkə mbayje ləde kə ngann Ijarayɛlje gərəje rim.

Rɔmɛnje 1:1

Əman Pɔl kə̂ m-to bbərə-kula lə Jeju-Kristə, Lubba bbarəm undam dang to nje-kaw-kula karə mila mbər Tar kə̂ Maji laa marə dəwje.

Rɔmɛnje 10:15

Bbo dula dəw karə ila mbər tar laa ang a, dəw le a pa tar laa tokə baânn wa? Ddəw kâra baa tokə Makəturu lə Lubba pa tɔ nan: To nɛ̂n kə̂ kura nya ta koo dəwje kə̂ ddeeje kə Tar kə̂ Maji.

Rɔmɛnje 15:16

karə m-ddee to nje-kula lə Jeju-Kristə horo dəwje tə̂ kə̂ toje to Jiipije ang. Nundam dang karə mila mbər Tar kə̂ Maji. Yeenn bba dəwje kə̂ toje to Jiipije ang a ddeeje tokə nɛ̂n-karə-baa kə̂ maji kəm Lubba tə̂. Ndil-mə-nda â dda arə nɛ̂n-karə-baa le maji tɔyn.

1 Kɔrɛntinyɛje 12:11

Ne Ndil kə̂ kâra le njaa naw dda nɛ̂njeenn tɔyn. Narə gusu dəwje kâra kâra tokə məɛ̂ ndiki.

1 Kɔrɛntinyɛje 7:5

Maji karə ɔkuje naan rɔse ang. Bbo ooje ta naan mba marə kar ta duju Lubba a, goe tə̂, ə-təlje rɔ naan tə̂ nan Satan a kin nanse, mba â gərəje ta tɔ bbo kə̂ da-rɔse tə̂ ang.

2 Kɔrɛntinyɛje 11:27

Maw dda kulaje kə̂ aw ɔru singam. Nya njaa bbi ɔru kəm ang. Bbo nɛ̂n-kusa kə kunda maann aw tɔləm. Nya njaa maw mɔku rɔm nɛ̂n-kusa mba duju Lubba. Kul tɔləm ddəm kubbu dum ddəm.

2 Kɔrɛntinyɛje 6:5

Dəwje tundajeje, dilajeje kəy-kula tə̂, wooy dda dəwje dɔje tə̂, kula ɔru singaje, n̂-ddaje darə n-tibbi ang, joso labbə.

Galatəje 1:15

A Lubba bbarəm ddəw mə-maji tə̂ laa, kar tə̂ kə̂ m-nayn mə kɔnʼmje tə̂ bbay undam dang.

Epɛjinyɛje 3:7

M-ddee to nje-kula Tar kə̂ Maji ddəw mə-maji tə̂ lə Lubba kə̂ dda səm baa kə singa-mɔngu laa.

Kolosinyɛje 4:17

Ə-paje arəje Arəsipə ə-paje nan, maji karə nunda kəmɛ̂ dɔ kula tə̂ lə Əbbə-dəwje kə̂ darɛ̂, ta n̂-dda kə majɛ̂.

1 Timɔte 2:7

Mba yeenn bba, Lubba undam to nje-tɔju tar kə nje-kaw-kula karə m-tɔju dəwje kə̂ toje to Jiipije ang, tar mə-kunn kə tar kə̂ tɔkɔrɔ. Tar kə̂ tɔkɔrɔ â maw pa nəənn bbo maw mərə ngəm ang.

2 Timɔte 1:11

Mba yeenn bba Lubba unnum to Nje-nɛ̂n-tɔju ddəm to nje-kaw-kula ddəm karə mila mbər Tar kə̂ Maji le.

2 Timɔte 2:2

Tar kə̂ tee tam tə̂ kəm njê-tar-najije tə̂ kə̂ banya le, ə-pa arə njê-mə-kunnje kə̂ unda məi dɔde tə̂, karə dede njaa kara dasəje ta pa karə marə dəwje kə kete tɔ.

2 Timɔte 4:11

Luku kə̂ karɛ̂ baa â nayn səm. Ə-ddee kə Markə jii tə̂, mba n̂-to dəw kə̂ asə ta kulɛ̂ karə dda kula lə Lubba.

2 Timɔte 4:5

A əi, maji karə ə-gərə dɔ jii ddəw nɛ̂nje tə̂ tɔyn, ə-tɔ wuri mə nɛ̂n kəm-to-ndooje tə̂, ila mbər Tar kə̂ Maji. Ə-dda kula lə Lubba kə majɛ̂.

Ebərəje 5:4

Dəw kâra asə ta kɔsu gaji rɔɛ̂ to tɔkə nje-polo Lubba ang. Lubba â bbar dəw bba undɛ̂ to tɔkə nje-polo tokə n̂-bbar Arɔn.