Kulaje 13:16 - Dɔnɔn kə̂ Siki: Tar kə̂ aw arə təbbə

¹⁶ Pɔl in taar, dda jia arəde ngaâ pa nan: «See ngann Ijarayɛlje kə see dəwje kə̂ aw bbəəlje Lubba, ooje tar nəənn.

Maketuru le Lubba ke tar kabba

¹⁶ Pɔl in taar, dda jia arede ngaa pa na: «See ngann Ijarayelje, ke esee dewje ke aw bbeelje Lubba, ooje tar neenn.

Kulaje 13:16 Iomraidhean Croise

Matiye 11:15

Dəw kə̂ mbia to a, maji karə oo tar nəənn!

Luku 1:22

N̂-tee ddaka a, numan kə pa tar pin ngaâ dəwje le gərəje to noo marə nɛ̂n tokə ninjeenn kəy-polo Lubba tə̂ le. N̂-dda jia narəde, gɔsɛ̂ utu nyɔm.

Luku 1:50

Maji laa to kə ndɔ kə ndɔ mba dəwje tɔyn kə̂ aw bbəəleje.

Luku 23:40

A dəw kə̂ maji ang kə̂ kâra ndangə nje-marɛ̂ le nan: «Ə-bbəəl Lubba ang wa? Əi kara n̂-gangə sariya dɔi tə̂ tokə laa tɔ.

Kulaje 10:2

Ne de kə njê kə̂ kəy laa tɔyn daw bbəəlje Lubba, naw numan Jiipije kə̂ toje to njê-ndooje ddəm naw duju Lubba kə kar tɔyn ddəm.

Kulaje 10:35

Horo gəl-dəwje tə̂ tɔyn, dəw kə̂ bbəəl Lubba ddəm dda nɛ̂n kə̂ gatə gatə ddəm a, a ddee maji kəm Lubba tə̂.

Kulaje 12:17

N̂-dda jia narəde karə n̂-paje tar ang ngaâ nɔru gəl gusu kə̂ Əbbə-dəwje ɔrɛ̂ nɛ̂n kə ddang kəy-kula tə̂ le. Ta kutu nɛ̂n dɔ tar laa a, n̂-pa nan: «Aw paje tar nəənn arəje Jakə kə kəsə njê-mə-kunnje.» Goe tə̂ a, nɔtu ngaâ nunn ddəw naw kə marə lo tə̂ dang.

Kulaje 13:26

Ngakɔnʼmje, sese kə̂ gəl Abaraham tə̂ kə see kəseje kə̂ aw bbəəlje Lubba, maji karə ə-gərəje to Lubba ula kə tar kaji nəənn ɔju dɔje.

Kulaje 13:46

Pɔl de kə Barnabas n̂-paje tar kə bbəəl ang darəde nan: «Sese â, to ta karə ə-toje to dɔngɔr dəwje kə̂ ja pa tar lə Lubba nəənn karəse. A ə-mbətəje tar le ngaâ sese njaa ə-təlje ooje rɔse to dəwje kə̂ asəje ta kinga təbbə kə̂ to kə ndɔ kə ndɔ ang. Yeenn bba, n-turu kəmje kə rɔ dəwje tə̂ kə̂ toje to Jiipije ang ngaa.

Kulaje 19:33

Jiipije utaje Alɛkəjandərə kə kete ngaâ marə dəwje horo dəwje tə̂ kə̂ banya le ɔruje gəl nɛ̂n le arɛ̂je. Alɛkəjandərə le dda jia arə dəwje le karə lo to ddekeke bba ta kɔru gəl tar karə dəwje kə̂ banya le.

Kulaje 2:14

Yeenn ngaâ Piyɛr in ar taar, ne kə njê-kaw-kulaje kə̂ dɔku gire kâra le ngaâ n̂-pa kə taar nan: «See dəwje kə̂ Jude kə sese tɔyn kə̂ isije Jerujalɛm, maji karə ooje nɛ̂nje nəənn kə majɛ̂ ta ə-tukaje mbise ooje nɛ̂n tar ləm.

Kulaje 2:22

«Ngann Ijarayɛlje, maji karə ooje tar kə̂ mâ ta pa karəse nəənn. Jeju kə̂ Najarɛtə le to dəw kə̂ Lubba tɔjuse to ne â nulɛ̂ narəse. Yeenn bba Lubba arə n̂-dda nɛ̂n-mɔrije, nɛ̂nje kə̂ dum dɔ koo kə nɛ̂n-kɔbbuje dang dang horose tə̂. Ə-gərəje nɛ̂njeenn kə majɛ̂.

Kulaje 21:40

Mbay lə mbambaje le arə ddəw Pɔl karə pa tar. Pɔl le ar dɔ esekaliye tə̂, dda jia arə dəwje le. Lo to nyɛnɛnɛ ngaâ n̂-pa tar narəde kə tar ebərə n̂-pa nan:

Kulaje 22:22

Jiipije ooje tar laa ndərəng teeje dɔ tar tə̂ənn a, uruje əkii nan: «Ə-tɔlje dingaw nəənn kə ddang! Maji karə n̂-nayn kəm baa ang!»

Kulaje 3:12

Piyɛr oo nɛ̂n le be a, pa arəde nan: «Dəwje kə̂ Ijarayɛl, mba ddi bba arəje bbəəl ddase mba nɛ̂n kə̂ tee nəənn wa? Mba ddi bba aw aajeje tokə nɛ̂n kə̂ ddəw singaje tə̂ njaa wase mba ngəm kə̂ jaw ngəm Ndu lə Lubba le bba n-ddɛɛ̂ jarə n̂-nja wa?

Apokalisi 2:11

«Dəw kə̂ mbia to a, maji karə oo tar kə̂ Ndil-mə-nda pa arə Egilisije. Dəw kə̂ tətə ddɔ a, a koy yo kə̂ gɔl joo laa ang ngaa.»

Apokalisi 2:17

«Dəw kə̂ mbia to a, maji karə oo tar kə̂ Ndil-mə-nda pa arə Egilisije. «Dəw kə̂ tətə ddɔ a, mâ karɛ̂ mann kə̂ to lo-kiyɛ̂ tə̂ ngaâ mâ karɛ̂ ər-nda kə̂ n̂-dda marə ri kə̂ siki dɔɛ̂ tə̂. To ri kə̂ dəw kâra gərə ang. Dəw kə̂ dunda ri le dɔɛ̂ tə̂ bba a gərə ri le.»

Apokalisi 2:29

«Dəw kə̂ mbia to a, maji karə oo tar kə̂ Ndil-mə-nda pa arə Egilisije.»

Apokalisi 2:7

«Dəw kə̂ mbia to a, maji karə oo tar kə̂ Ndil-mə-nda pa arə Egilisije. «Dəw kə̂ tətə ddɔ a, mâ karɛ̂ kandə kakə kə̂ aw arə dəw təbbə karə nusa. Kakə le to mə paradis tə̂ lə Lubba.»