Kulaje 13:15 - Dɔnɔn kə̂ Siki: Tar kə̂ aw arə təbbə

¹⁵ N̂-turaje makəturu-ndu kə makəturu lə njê-kilaje mbər tar lə Lubba a, njê-kɔnje dɔ kəy mbɔn-naan lə Jiipije le arə n̂-paje darəde nan: «Ngakɔnjeje, bbo eeje kə marə tar ta pa karə dəwje nəənn karə arəde singa a, ə-paje.»

Maketuru le Lubba ke tar kabba

¹⁵ Goe te ke n̂-tura maketuru me maketuru ndu te, ke me maketuru te le nje-kilaje mber-tar le Lubba a, nje-kɔnje dɔ key-mbɔn̂-naa le Jiipije le are n̂-pa darede na: «Ngakɔnjeje, bbo eeje ke mare tar ta pa kare dewje neenn kare arede singa a, e-paje.»

Kulaje 13:15 Iomraidhean Croise

Marke 5:22

Marə nje-kɔn dɔ kəy mbɔn-naan lə Jiipije ddee tee. Koo kə̂ noo Jeju a, n̂-tee noso nɔn gɔlɛ̂ tə̂,

Luku 16:16

«Ndu lə Mɔyijə kə tar lə njê-kilaje mbər tar lə Lubba tɔju ddəw dəwje ndərəng ndɔ tə̂ lə Jan-Batisi. Unn kute ndɔɛ̂ tə̂ənn kə̂ daw dila mbər Tar kə̂ Maji dɔ Bbe-kɔn tə̂ lə Lubba darə dəwje, nân nân kara aw dda singa mba kandə tə̂.

Kulaje 1:16

«Ngakɔnʼmje, tar kə̂ Ndil-mə-nda unda ta Dabbiti tə̂ arə pa makəturu tə̂ lə Lubba le ddee to tar kə̂ tɔkɔrɔ ngaa. Tar le nan Judas a təl to nje-kunn nɔn dəwje kə̂ uwaje Jeju.

Kulaje 13:27

Njê kə̂ Jerujalɛm kə mbayje ləde gərəje Jeju ang. N̂-gərəje mə tar kə̂ njê-kilaje mbər tar lə Lubba paje kə̂ daw turaje kə ndɔ-kuwa-rɔ kâra kâra tɔyn le ang. N̂-ddaje nɛ̂n kə̂ njê-kilaje mbər tar paje le. Yeenn bba, n̂-gangəje sariya-yo dɔ Jeju tə̂.

Kulaje 15:21

Mba ləw baa njaa dəwje aw ilaje mbər Ndu lə Mɔyijə mə bbeje tə̂ kâra kâra ngaâ kə ndɔ-kuwa-rɔ kâra kâra, daw tura Makəturu-Ndu le kəy mbɔn-naan tə̂ lə Jiipije.»

Kulaje 15:7

N̂-maynje naan tar ngəng nya ngaâ Piyɛr in taar pa nan: «Ngakɔnʼmje, ə-gərəje to Lubba bbarəm horose tə̂ ləw baa karə m-pa Tar kə̂ Maji marə dəwje kə̂ toje to Jiipije ang, karə dooje tar le ngaâ dooje məde tə̂.

Kulaje 18:17

Dede tɔyn duwaje Sostɛnn kə̂ to nje-kɔn dɔ kəy mbɔn-naan lə Jiipije le n̂-tundɛ̂je ta-kəy gangə sariya tə̂ le. A Galiyɔn aa lo kə tə̂ ang.

Kulaje 18:8

Krispus kə̂ to nje-kɔn dɔ kəy mbɔn-naan lə Jiipije unn məɛ̂ arə Əbbə-dəwje, ne de kə njê kə̂ kə̂y laa tɔyn. Marə dəwje kə̂ Kɔrɛntə nya ooje tar kə̂ Pɔl tɔju le. Dooje məde tə̂ ngaâ dingaje batɛm.

Kulaje 2:29

«Ngakɔnʼmje, ddəw ɔru arəm karə m-pa tar nəənn kə majɛ̂ marəse: kajeje Dabbiti oy, n̂-dubbe ngaâ dɔbarɛ̂ to horoje tə̂ baa bbay.

Kulaje 2:37

Dəwje le ooje tar le a, gangə singade. N̂-dujuje Piyɛr kə kəsə njê-kaw-kulaje le nan: «Ngakɔnjeje, ddi â maji karə n-dda wa?»

Kulaje 2:4

Ndil-mə-nda ddusude tɔyn ngaâ dunnje kutu pa tar kə ndɔn-tarje dang dang kə̂ Ndil le unda tade tə̂.

Kulaje 20:2

N̂-nday nangə tə̂ kə̂ Maseduwann n̂-ndəjə njê-mə-kunnje nya karə dinga singa ngaâ naw Gerɛsə.

Kulaje 22:1

«Ngakɔnʼmje, bɔydede, ooje naji ləm kə̂ mâ ta kɔru karəse nəənn.»

Kulaje 4:36

Marə dəw kə̂ ria nan Jojɛpə kə̂ njê-kaw-kulaje aw bbarɛ̂je nan Barnabas ee tə̂ənn. Ria le kandɛ̂ nan: «Nje-kula dingaw mə dəwje tə̂». N̂-to dəw kə̂ gəl Lebi tə̂, duje Sipərə.

Kulaje 7:2

Etiyɛnn ila tə̂ nan: «Ngakɔnʼmje, bɔydede, ooje tar nəənn. Kete bba karə bɔjeje Abaraham ddee dda bbe Karan le, Lubba kə̂ to nje-piti tee ingɛ̂ kar tə̂ kə̂ nisi nɛ̂n nangə tə̂ kə̂ Mejopotami

Rɔmɛnje 12:8

Dəw kə̂ Lubba arɛ̂ gusu karə n̂-ndəjə dəwje a, maji karə n̂-ndəjə dəwje. Maji karə dəw kə̂ to nje-nɛ̂n-karə, arə nɛ̂n kə mə-kâra. Maji karə dəw kə̂ nje-tɔju ddəw dəwje, tɔju kə dɔgɔlɛ̂, dəw kə̂ aw dda maji kə dəwje, dda kə rɔ-nəəl.

1 Kɔrɛntinyɛje 14:3

A dəw kə̂ aw ila mbər tar lə Lubba, ila mbər le arə dəwje karə mə-kunn ləde sangə, karə dingaje singa ngaâ məde wul.

2 Kɔrɛntinyɛje 3:14

A ddəw nɛ̂n-gərə ləde utu ngaa. Ndərəng bbokənɛn nəənn, bbo daw turaje makəturu Dɔnɔn kə̂ Ləw le a, tokə nɛ̂n kə̂ ta-kubbu le nayn kə lo-toe bbay, tokə kɔru ang. Mba dəw kə̂ unn məɛ̂ arə Kristə bba ta-kubbu le a kɔru kəmɛ̂ tə̂.

1 Tesalonisinyɛje 2:3

Tarje kə̂ jaw pa jarəse le ngəm ɔru ang ddəm nɛ̂n-yərəw ɔru ang ddəm kəjə kə̂ maji ang kâra ɔru ang ddəm.

Ebərəje 13:22

Ngakɔnʼmje, m-dujuse karə ə-tɔje wurse ooje nɛ̂n ndəjəje nəənn. Mba makəturu kə̂ mula nɛ̂n marəse nəənn ngal ang.