Kulaje 13:12 - Dɔnɔn kə̂ Siki: Tar kə̂ aw arə təbbə

¹² Ngonn mbay le oo nɛ̂njeenn baann a, unn məɛ̂ arə Lubba mba nɛ̂n-tɔju kə̂ dɔ Əbbə-dəwje tə̂ le gangə singɛ̂.

Maketuru le Lubba ke tar kabba

¹² Toke nje-kɔn̂-nange le oo nejeenn baann a, oo mee te ke Lubba mba ne-tɔje ke dɔ Ebbe-dewje te le gange singae.

Kulaje 13:12 Iomraidhean Croise

Matiye 27:54

Nje-kɔn dɔ mbambaje kə̂ Rɔm kə mbambaje kə̂ daw ngəmje Jeju le dooje nangə kə̂ aw yəkə kə nɛ̂nje kə̂ toje le a, bbəəl uta dɔde nya ngaâ n̂-paje nan: «Dəw nəənn to Ngonn lə Lubba njaa.»

Luku 4:22

Dəwje tɔyn paje tar laa maji ngaâ tar mə-maji tɔyn kə̂ aw tee tɛɛ̂ tə̂ le dum dɔde ngaâ n̂-paje nan: «Ngonn nəənn to ngonn lə Jojɛpə ang wa?»

Luku 7:16

Bbəəl uta dɔ dəwje le tɔyn. Dɔsuje gaji Lubba, n̂-paje nan: «Marə tɔkə nje-kila mbər tar lə Lubba tee horoje tə̂, Lubba ddee ta dda maji kə dəwje laa.»

Tar kə̂ Maji kə̂ Jan dda makəturu tə̂ 7:46

Njê-ngəmje kəy-polo Lubba le ilajede tə̂ nan: «Ndɔ kâra dəw pa tar tokə dingaw nəənn ang.»

Kulaje 13:48

Dəwje kə̂ toje to Jiipije ang ooje tar le a, rɔde nəəlde nya ngaâ dɔsuje gaji tar lə Əbbə-dəwje. Dəwje kə̂ Lubba mbərəde tokə kete karə dinga təbbə kə̂ to kə ndɔ kə ndɔ ddeeje to njê-mə-kunnje.

Kulaje 13:49

Tar lə Əbbə-dəwje taa dɔ nangə kə̂ Pisidi le tɔyn.

Kulaje 13:7

N̂-to dəw kə̂ ee mbɔr Sergiyus Polus tə̂ kə̂ to ngonn mbay kə̂ dɔ dərə-maann tə̂ le. Sergiyus Polus le to dəw kə̂ gərə nɛ̂n nya. Nula n̂-bbar Barnabas de kə Sɔl, mba bbo koo tar lə Lubba ddɛɛ̂.

Kulaje 13:8

A Elimas (ri nje-əmbili kə ndɔn-tar lə gɛrɛkəje tokə baann), ndiki ta kɔku ddəw Barnabas de kə Sɔl le ngaâ n̂-sangə ddəw ta dda karə ngonn mbay le unn məɛ̂ arə Jeju ang.

Kulaje 15:35

Pɔl de kə Barnabas n̂-naynje Antiyos ngaâ marə dəwje osoje dɔde tə̂ arə n̂-tɔjuje nɛ̂n ngaâ n̂-paje Tar kə̂ Maji lə Əbbə-dəwje darə dəwje.

Kulaje 15:36

Goe tə̂ ngaji a, Pɔl pa arə Barnabas nan: «N-təl mə bbeje tə̂ kâra kâra kə̂ n-pa tar lə Əbbə-dəwje tə̂ le, jaa njê-mə-kunnje joo se disije tokə baânn wa?»

Kulaje 18:12

Bbal tə̂ kə̂ Galiyɔn to ngonn mbay kə̂ Akay, Jiipije ooje ta naan ngaâ mbətəje Pɔl. Dawje saa lo gangə sariya tə̂.

Kulaje 19:10

Nɛ̂ɛnn le to tokə baann ndərəng bbal joo arə dəwje kə̂ Aji, Jiipije kə Gɛrɛkəje ooje tar lə Əbbə-dəwje.

Kulaje 19:20

Baann â tar lə Lubba aw kə kete kete ngaâ ee kə singa-mɔngu ddəw tə̂ lə Əbbə-dəwje.

Kulaje 19:38

A bbo Demetrus de kə njê-kula marɛ̂je â deeje kə tar kə marə dəw a, lo gangə sariya kə njê-gangəje sariya lə Jiipije toje. Maji karə njê-tarje le awje lo gangə sariya tə̂.

Kulaje 19:7

Kɔr dəwje le tɔyn aw ngɔsi kə dɔku gire joo.

Kulaje 28:7

Ngɔsi baa lo tə̂ənn, lo lə marə tɔkə dəw kə̂ dɔ dərə-ba tə̂ le kə̂ ria nan Pubiliyus ee tə̂ənn. Nuwaje kə rɔɛ̂ tə̂ kə majɛ̂ ngaâ n-to rɔɛ̂ tə̂ ndɔ mota.

Kulaje 6:10

A tar kəm-karɛ kə̂ Ndil-mə-nda arə naw pa le uta dɔde.

Kulaje 8:25

Piyɛr de kə Jan n̂-paje tar-naji lə Əbbə-dəwje, dilaje mbər tar laa ngaâ n̂-təlje kə Jerujalɛm. Dilaje mbər Tar kə̂ Maji mə bbeje tə̂ nya nya kə ddəw ddəw nangə tə̂ kə̂ Samari.