Kulaje 13:10 - Dɔnɔn kə̂ Siki: Tar kə̂ aw arə təbbə

¹⁰ pa arɛ̂ nan: «Əi, nje-ngəm kə nje-kula dəwje naan tə̂, ngonn lə Əsu, əi kə̂ ə-ndiki nɛ̂n kə̂ gatə gatə ang, ndɔ kə̂ dda bba â kunda ngangə turu nɛ̂nje kə̂ ndɔju kə̂ Əbbə-dəwje gɔl wa?

Maketuru le Lubba ke tar kabba

¹⁰ ngaa pa nare na: «Ei, nje-ngem, nje-kula dewje naa te, ngonn le Esu, ei ke e-ndiki ne ke gate gate ang, ndɔ ke dda bba a kunda gange turu ddew neje ke ndɔju ke Ebbe-dewje mɔse wa?

Kulaje 13:10 Iomraidhean Croise

Matiye 13:38

Ndɔɔ le to duninya nəənn. Ko kə̂ maji le to dəwje kə̂ mə Bbe-kɔn tə̂ le. A mu kə̂ maji ang le to dəwje kə̂ toje to lə Nje-mə-majang.

Matiye 15:19

Mba kəjəje kə̂ maji ang aw inje bbəngərə dəw tə̂: Tɔl dəw, lo-to-majang, dda kaya, bboko, tar-naji kə̂ to kə dɔgɔlɛ̂ ang, nanɛn kə naan.

Matiye 23:13

To ndoo nya arəse, see njê-gərəje-Ndu kə see Parijinyɛje kə̂ ə-toje to njê-ngəmje. Aw ɔkuje ddəw dəwje kə̂ ndikije ta kandə Bbe-kɔn tə̂ kə̂ darâ. Sese njaa kara andəje tə̂ ang ngaâ ɔkuje ddəw dəwje kə̂ ndikije ta kandə tə̂. [

Matiye 3:7

Jan oo Parijinyɛje kə Sadusinyɛje nya nya kə̂ aw ddeeje karə n̂-ddade batɛm le a, n̂-pa narəde nan: «See əmbakaraje, nân bba tɔjuse karə aynje sariya lə Lubba kə̂ aw ddee wa?

Luku 11:39

A Əbbə-dəwje pa arɛ̂ nan: «See Parijinyɛje, aw tokoje giri əngo kə giri ka, a kəm-nda kə mə-majang ddusu məse.

Luku 11:52

«To ndoo nya arəse, see Njê-gərəje-Ndu, mba uwaje kele ta-ddəw nɛ̂n-gərə ə-taaje. Sese njaa kara andəje nɛ̂n-gərə tə̂ le ang ngaâ ɔkuje ddəw dəwje kə̂ ndikije ta kandə tə̂.»

Tar kə̂ Maji kə̂ Jan dda makəturu tə̂ 1:23

Jan ilade tə̂ tokə lə Ejayi kə̂ to Nje-kila mbər tar lə Lubba nan: «M-to dəw kə̂ aw ila mbər mə kɔr tə̂ nan: ‹Ə-ddaje ddəw lə Əbbə-dəwje arəje ndɔju njarara.› »

Tar kə̂ Maji kə̂ Jan dda makəturu tə̂ 8:44

Bɔsese to əsu le arə ə-ndikije ta dda nɛ̂n kə̂ bɔsese ndiki. N̂-to nje-tɔl dəwje kunn-kutu nɛ̂n tə̂ nu. Nar dɔ tar tə̂ kə̂ tɔkɔrɔ ndɔ kâra ang, mba tar kə̂ tɔkɔrɔ to məɛ̂ tə̂ ang. Bbo naw nərə ngəm a, to tarje kə̂ inje məɛ̂ tə̂ njaa â naw pa. Mba n̂-to nje-ngəm ddəm n̂-to bɔ ngəm ddəm.

Kulaje 20:30

Marə njê-ngəmje a kinje horose tə̂ njaa ta dda karə marə njê-mə-kunnje unnje gode.

2 Kɔrɛntinyɛje 11:3

A tokə li ərə Ɛbə le, m-bbəəl mba karə kəjə ləse təl turu ngaâ karə awje ddəw əw kə Kristə kə̂ unnje rɔse tɔyn arɛ̂je kə mə-kâra le.

Galatəje 1:7

To marə Tar kə̂ Maji kə̂ dang bba to ang. Marə dəwje â aw turuje dɔse ngaâ ndikije ta turu Tar kə̂ Maji lə Kristə le.

Epɛjinyɛje 4:14

Baann bba ja toje tokə lə ngannje ang ngaâ ləl nɛ̂n-tɔjuje tɔyn njaa a yəkəje ang ddəm a kuwaje kaw nɛ̂n kə yo kə nəənn tokə lə to kə̂ ləl aw yəkə dɔ maann tə̂ ang ddəm. Dəwje a ddaje gusu kərə nɛ̂n je karə n-ndəəm ddəw ang.

2 Piyɛr 2:15

Dinyaje ddəw kə̂ ndɔju, a n̂-ndəəmje ddəw. Ddəw kə̂ Balaam kə̂ to ngonn lə Bosɔr unn â dunnje. Ne kə̂ n̂-ndiki tə̂ ta kinga kuka nɛ̂n-dda kə̂ gatə gatə ang le.

1 Jan 3:8

Dəw kə̂ nayn ddəw majang tə̂ to dəw lə Əsu, mba Əsu to nje-nɛ̂n-dda kə̂ maji ang kunn-kutu nɛ̂nje tə̂ njaa. Mba yeenn bba, Ngonn lə Lubba ddee ta tuju kula-dda lə Əsu.