Kulaje 12:5 - Dɔnɔn kə̂ Siki: Tar kə̂ aw arə təbbə

⁵ Piyɛr ee kəy-kula tə̂, a njê-mə-kunnje aw dujuje Lubba til kə kar mbɛɛ̂.

Maketuru le Lubba ke tar kabba

⁵ Piyar ee key kula te, a nje-me-kunnje aw dujuje Lubba til ke kare wɔju dɔe.

Kulaje 12:5 Iomraidhean Croise

Matiye 18:19

«Tɔkɔrɔ, m-təl m-pa marəse, nɛ̂n tɔyn kə̂ dəwje joo horose tə̂ ddaje mə-kâra dɔ nangə tə̂ nəənn mba duju ji Bɔmje tə̂ kə̂ isi darâ, nâ karəde.

Luku 18:1

Jeju pa marə gusu-tar arə njê-njaje goe tə̂ ta tɔju nɛ̂n de to, to maji nya ta duju Lubba kə ndɔje tɔyn ddəm kə rɔ-nya ang ddəm.

Kulaje 12:12

N̂-gərə nɛ̂n le kə majɛ̂ a, naw kəy lə Mari kɔn Janje. Jan le daw bbarɛ̂ nan Markə tɔ. Lo tə̂ənn, njê-mə-kunnje mbɔnje naan tokə banya aw dujuje Lubba.

Kulaje 12:4

Erodə le arə duwɛ̂ dilɛ̂ kəy-kula tə̂. Ninyɛ̂ ji mbambaje tə̂ dɔku gire misan kə̂ uwaje dɔ naan sɔ sɔ karə n̂-ngəmɛ̂je. Nəjə karə kusu Pakə nday bba ta gangə sariya dɔɛ̂ tə̂ kəm dəwje tə̂ tɔyn.

Kulaje 12:6

Mə til tə̂ kə̂ lo-karɛ̂ a, Erodə a ta gangə sariya dɔ Piyɛr tə̂ le, Piyɛr le aw tibbi horo mbambaje tə̂ joo. N̂-tɔɛ̂ kə kula njamji joo ngaâ marə mbambaje aw ngəmje ta-kəy le tɔ.

1 Kɔrɛntinyɛje 12:26

Bbo marə barkəm-rɔ kâra aw oo ndoo a, kəseje tɔyn ooje saa ndoo. Bbo barkəm-rɔ kâra inga piti a, rɔ kəseje tɔyn nəəlde.

2 Kɔrɛntinyɛje 1:11

Sese njaa kara aw umanjeje ddəwe tə̂, ddəw duju tə̂ kə̂ aw dujuje Lubba mba tar ləje. Yeenn a, Lubba a kila tar-duju tə̂ lə dəwje kə̂ banya kə̂ aw dujeje mba tar ləje le. Nâ karəje nɛ̂ɛnn kə mə-maji laa ngaâ dəwje nya a karɛ̂je wooyo mbaje.

1 Tesalonisinyɛje 5:17

maji karə ə-dujuje Lubba kə kar tɔyn

Ebərəje 13:3

Maji karə əjəje dɔ dəwje tə̂ kə̂ toje kəy-kula tə̂ tokə nɛ̂n kə̂ sese njaa â ə-toje kəy-kula tə̂ le kə de tɔ. Maji karə əjəje dɔ dəwje tə̂ kə̂ daw ddade maji ang tokə nɛ̂n kə̂ sese njaa â daw ddase maji ang tɔ.

Jakə 5:16

Maji karə ə-paje majang ləse kə ddaka arəje naan, ta ə-dujuje Lubba mba naan arə ta rɔ-toje ləse tunga. Duju Lubba lə dəw kə̂ gatə gatə ee kə singa nya ta dda kula.