Kulaje 12:4 - Dɔnɔn kə̂ Siki: Tar kə̂ aw arə təbbə

⁴ Erodə le arə duwɛ̂ dilɛ̂ kəy-kula tə̂. Ninyɛ̂ ji mbambaje tə̂ dɔku gire misan kə̂ uwaje dɔ naan sɔ sɔ karə n̂-ngəmɛ̂je. Nəjə karə kusu Pakə nday bba ta gangə sariya dɔɛ̂ tə̂ kəm dəwje tə̂ tɔyn.

Maketuru le Lubba ke tar kabba

⁴ Erɔde le are duwae ngaa dilae key-kula te. Ninyae ji mbambaje te dɔku gire misan ke n̂-kayn horode sɔ sɔ kare ta n̂-ngemeje. Neje kare kusu pake ndayn bba ta gange sariya dɔe te kem dewje te.

Kulaje 12:4 Iomraidhean Croise

Matiye 24:9

«Yeenn ngaâ dâ kuwase karə dəwje ulaje kəmse ndoo tə̂ ngaâ dâ tɔlse. Gəl-dəwje tɔyn a mbətəse mbam.

Matiye 26:5

A n̂-paje nan: «Arəje juwɛ̂je ndɔ kusu tə̂ ang, mba a kuju bula.»

Marke 14:1

Kusu Pakə kə kusu mapa kə̂ n̂-dda kə wum ang naynje ndɔ joo baa. A mbayje lə njê-poloje Lubba kə njê-gərəje-Ndu aw sangəje ddəw kə̂ ta kuwa nɛ̂n Jeju kə gusu tɔlɛ̂.

Luku 21:12

«A dɔngɔr bba karə nɛ̂njeenn teeje le, dâ kuwase ngaâ dâ kula kəmse ndoo tə̂, dâ kilase ji dəwje tə̂ kəy mbɔn-naan tə̂, dâ kilase kəy-kula tə̂, dâ kaw kə se nɔn tɔkə mbayje tə̂ kə nɔn ngann mbayje tə̂ mbam.

Luku 22:33

Piyɛr pa arə Jeju nan: «Əbbə-dəwje, m-to ngɔsi ta kaw səi kəy-kula tə̂ ddəm ta koy səi ddəm.»

Tar kə̂ Maji kə̂ Jan dda makəturu tə̂ 19:23

Mbambaje le bbərəje Jeju le kakə-dəsə tə̂ le mban a, n̂-jinje kubbuje laa, n̂-kaynje dannâ loe sɔ. Mbamba kâra kə laa laa. Dunnje kubbu laa kə̂ ngal tɔ. To bəl-kubbu kâra kə̂ in taar tee bəər. Duru kubbu le to kuru ang.

Tar kə̂ Maji kə̂ Jan dda makəturu tə̂ 21:18

Tɔkɔrɔ njaa m-pa mari, kar kə̂ ə-nayn ngonn le, əi njaa uwa kubbu ləi kə əndaar ngaâ aw aw lo tə̂ kə̂ məi ndiki. A kar kə̂ ə-bbuka a, â kula jii ngaâ dəw kə̂ dang â, a kuwa kubbu ləi kə əndaar ngaâ lo kə̂ məi ndiki ang â, nâ kaw səi kə tə̂.»

Kulaje 12:3

Noo a, nɛ̂n kə̂ n̂-dda le arə rɔ-nəəl Jiipije. Yeenn bba narə duwa Piyɛr. Kar kə̂ duwa nɛ̂n Piyɛr le to kar kə̂ Jiipije aw ddaje kusu mapa kə̂ n̂-dda kə wum ang.

Kulaje 12:5

Piyɛr ee kəy-kula tə̂, a njê-mə-kunnje aw dujuje Lubba til kə kar mbɛɛ̂.

Kulaje 4:28

Baann â, n̂-ddaje darə nɛ̂n tɔyn kə̂ ə-gɔl kete ddəw singa-mɔngu tə̂ ləi kə ddəw mə-ndiki tə̂ ləi le ddee to nɛ̂n kə̂ tɔkɔrɔ.

Kulaje 4:3

Duwade dilade kəy-kula tə̂ ndərəng lo arɛ, mba to dɔ lo-kul ngaa.

Kulaje 5:18

duwaje njê-kaw-kulaje le dungujede kəy-kula tə̂ kə̂ to mba dəwje tɔyn.

Kulaje 8:3

A Sɔl unn kutu tuju Egilisi. Nandə mə kəyje tə̂, nuwa dingawje kə dɛnɛ̂nje kə singa nungude kəy-kula tə̂.