Kulaje 12:3 - Dɔnɔn kə̂ Siki: Tar kə̂ aw arə təbbə

³ Noo a, nɛ̂n kə̂ n̂-dda le arə rɔ-nəəl Jiipije. Yeenn bba narə duwa Piyɛr. Kar kə̂ duwa nɛ̂n Piyɛr le to kar kə̂ Jiipije aw ddaje kusu mapa kə̂ n̂-dda kə wum ang.

Maketuru le Lubba ke tar kabba

³ Toke noo to ne ke n̂-dda le unn koko are Jiipije a, nare duwa Piyar bbay. Kare ke duwa ne Piyar le to kare ke Jiipije aw ddaje kusu mapa ke n̂-dda ke um ang.

Kulaje 12:3 Iomraidhean Croise

Matiye 26:17

Dɔngɔr ndɔ kusu mapa kə̂ n̂-dda kə wum ang le, njê-njaje go Jeju tə̂ ddee dujeje nan: «Lo kə̂ dda bba ə-ndiki karə jaw dda muru Pakə kə tə̂ jari wa?»

Tar kə̂ Maji kə̂ Jan dda makəturu tə̂ 12:43

Mba n̂-ndikije nya karə dəwje â pitide uta karə Lubba â pitide.

Tar kə̂ Maji kə̂ Jan dda makəturu tə̂ 19:11

Jeju ilɛ̂ tə̂ nan: «Bbo Lubba ari singa ang a, ee kə marə singa kâra dɔm tə̂ ang. Mba yeenn bba, dəw kə̂ ulam jii tə̂ â dda majang kə̂ bo nya.»

Tar kə̂ Maji kə̂ Jan dda makəturu tə̂ 21:18

Tɔkɔrɔ njaa m-pa mari, kar kə̂ ə-nayn ngonn le, əi njaa uwa kubbu ləi kə əndaar ngaâ aw aw lo tə̂ kə̂ məi ndiki. A kar kə̂ ə-bbuka a, â kula jii ngaâ dəw kə̂ dang â, a kuwa kubbu ləi kə əndaar ngaâ lo kə̂ məi ndiki ang â, nâ kaw səi kə tə̂.»

Kulaje 12:4

Erodə le arə duwɛ̂ dilɛ̂ kəy-kula tə̂. Ninyɛ̂ ji mbambaje tə̂ dɔku gire misan kə̂ uwaje dɔ naan sɔ sɔ karə n̂-ngəmɛ̂je. Nəjə karə kusu Pakə nday bba ta gangə sariya dɔɛ̂ tə̂ kəm dəwje tə̂ tɔyn.

Kulaje 2:14

Yeenn ngaâ Piyɛr in ar taar, ne kə njê-kaw-kulaje kə̂ dɔku gire kâra le ngaâ n̂-pa kə taar nan: «See dəwje kə̂ Jude kə sese tɔyn kə̂ isije Jerujalɛm, maji karə ooje nɛ̂nje nəənn kə majɛ̂ ta ə-tukaje mbise ooje nɛ̂n tar ləm.

Kulaje 20:6

A jeje, ndɔ kusu mapa kə̂ n̂-dda kə wum ang nday a, junn tɔkə to tɔkə bbe tə̂ kə̂ Pilipi, n-dda ndɔ min a, jingade Torowas. N-nayn lo tə̂ənn ndɔ siri.

Kulaje 24:27

Bbal joo nday a, Pɔrsiyus Pestus ɔn mbay turu Peliksə tə̂. A Peliksə le ndiki ta nəəl kəm Jiipije tə̂ arə narə Pɔl nayn kəy-kula tə̂.

Kulaje 25:9

Pestus ndiki ta dda maji kə Jiipije, yeenn â, n̂-duju Pɔl nan: «Ə-ndiki ta təl Jerujalɛm karə n̂-gangə sariya le nɔnʼm tə̂ wa?»

Kulaje 4:13

Njê-gangəje sariya lə Jiipije ooje Piyɛr de kə Jan kə̂ n̂-toje to dəwje kə̂ baa ddəm dəwje kə̂ gərəje makəturu ang ddəm kə̂ aw paje tar kə bbəəl ang le a, dɔde ayn. A n̂-gɔnje n̂-gərəje tɔ to n̂-toje to njê-buwa-njaje lə Jeju.»

Galatəje 1:10

A bbasinɛn nəənn, maw sangə ddəw ta ddee maji kəm dəwje tə̂ wase kəm Lubba tə̂ wa? Maw sangə ddəw ta nəəl kəm dəwje tə̂ wa? A bbo maw sangə ddəw ta nəəl kəm dəwje tə̂ a, mâ to bbərə-kula lə Kristə ang ngaa.

1 Tesalonisinyɛje 2:4

A Lubba nanje oo bba inya Tar kə̂ Maji laa le mə jije tə̂. Yeenn bba jaw pa tar lə Lubba mba nəəl nɛ̂n kəm dəwje tə̂ ang. Jaw pa mba nəəl nɛ̂n kəm Lubba tə̂ kə̂ aw nan məje.