Kulaje 11:22 - Dɔnɔn kə̂ Siki: Tar kə̂ aw arə təbbə

²² Njê-mə-kunnje kə̂ Egilisi tə̂ kə̂ Jerujalɛm ooje tar nəənn le ngaâ ulaje Barnabas Antiyos.

Maketuru le Lubba ke tar kabba

²² Nje-me-kunnje ke Egilisi te ke Jurusalam ooje tar neenn le ngaa ulaje Barnabase Antiyose.

Kulaje 11:22 Iomraidhean Croise

Kulaje 11:1

Njê-kaw-kulaje kə njê-mə-kunnje kə̂ eeje nangə tə̂ kə̂ Jude ooje nan dəwje kə̂ toje to Jiipije ang kara taaje tar lə Lubba tɔ.

Kulaje 11:19

Njê-mə-kunnje kə̂ sanrɛje naan mba nɛ̂n-singa kə̂ ingade go yo tə̂ lə Etiyɛnn le awje ndərəng teeje bbe tə̂ kə̂ Penisi, Sipərə kə Antiyos. A mə bbeje tə̂ənn le Jiipije kə karəde baa â n̂-tɔjude tar lə Lubba.

Kulaje 11:20

A marɛ̂je horode tə̂ kə̂ gəlde to dəwje kə̂ Sipərə kə dəwje kə̂ Sirɛnn ddeeje bbe tə̂ kə̂ Antiyos a, paje Tar kə̂ Maji lə Əbbə-dəwje Jeju arə dəwje kə̂ aw paje ndɔn-tar gɛrɛkə tɔ.

Kulaje 11:26

Ningɛ̂ a, n̂-ddee saa Antiyos. N̂-ddaje bbal kâra Egilisi tə̂ kə̂ Antiyos ngaâ n̂-tɔjuje nɛ̂n dəwje nya nya. Bbe tə̂ kə̂ Antiyos â dəwje unn kutu bbar ri njê-njaje go Jeju tə̂ to «dəwje lə Kristə.»

Kulaje 11:27

Dɔ ndɔɛ̂ tə̂ənn, marə njê-kilaje mbər tar lə Lubba inje Jerujalɛm awje bbe tə̂ kə̂ Antiyos.

Kulaje 15:2

Pɔl de kə Barnabas n̂-mbətəje nɛ̂n-tɔju ləde le ngaâ n̂-maynje kə de tar. Yeenn bba, njê-mə-kunnje unnje ndu karə Pɔl de kə Barnabas kə marə njê-mə-kunnje dawje Jerujalɛm daw dingaje njê-kaw-kulaje kə dəwje kə̂ dɔ Egilisi tə̂ mba tar nəənn le.

Kulaje 15:22

Njê-kaw-kulaje, dəwje kə̂ dɔ Egilisi tə̂ kə Egilisi le dooje maji ta mbərə marə dəwje horode tə̂ karə dawje kə Pɔl de kə Barnabas Antiyos. Dəwje kə̂ n̂-mbərəde le to Judə kə̂ daw bbarɛ̂ nan Barsabas kə Silas. Ngakɔnje kə̂ joo nəənn le njê-mə-kunnje oojede to dəwje kə̂ asəje njaa.

Kulaje 18:22

N̂-tee Sejare a, naw dda lapiya njê-mə-kunnje kə̂ Jerujalɛm ngaâ n̂-nday naw Antiyos.

Kulaje 6:5

Dəwje kə̂ mbɔnje naan le tɔyn ndikije tar tə̂ kə̂ njê-kaw-kulaje paje arəde le. Yeenn bba, dəwje kə̂ n̂-mbərəde to Etiyɛnn kə̂ mə-kunn ddəm Ndil-mə-nda ddəm dduse, Pilipi, Porokɔr, Nikanɔr, Timɔn, Parmenas kə Nikola kə̂ to dəw kə̂ Antiyos kə̂ aw bbəəl Lubba lə Mɔyijə.

Kulaje 8:14

Njê-kaw-kulaje kə̂ Jerujalɛm tə̂ ooje nan dəwje kə̂ Samari taaje tar lə Lubba. Yeenn bba dulaje Piyɛr kə Jan darəde.

Kulaje 9:27

Barnabas unn Sɔl le aw saa rɔ njê-kaw-kulaje tə̂ ngaâ pa tar koo kə̂ Sɔl oo Əbbə-dəwje ddəw-boô kə tar kə̂ Əbbə-dəwje pa saa le arəde. N̂-pa gusu kə̂ Sɔl pa nɛ̂n tar lə Jeju kə bbəəl ang arə dəwje mə bbe tə̂ kə̂ Damas le narəde.

Galatəje 2:11

A kar kə̂ Piyɛr ddee Antiyos a, min saa kəm dəwje tə̂ tɔyn, mba n̂-dda nɛ̂n kə dɔgɔlɛ̂ ang.

1 Tesalonisinyɛje 3:6

A bbasinɛn Timɔte le in rɔse tə̂ təl ngaa. N̂-pa tar kə̂ maji dɔ mə-kunn tə̂ ləse kə dɔ ndiki tə̂ kə̂ to məse tə̂ narəje. N̂-pa narəje nan aw əjəjeje dɔje tə̂ kə ndɔ tɔyn ngaâ maal kooje aw ddase tokə jeje kara maal təl koose aw ddaje le tɔ.