Kulaje 10:43 - Dɔnɔn kə̂ Siki: Tar kə̂ aw arə təbbə

⁴³ Njê-kilaje mbər tar lə Lubba tɔyn paje tar laa nan: ‹Dəw kə̂ unn məɛ̂ arə Jeju a, Lubba ɔru tar majang laa dɔɛ̂ tə̂ kə ri Jeju le.› »

Maketuru le Lubba ke tar kabba

⁴³ Nje-kilaje mber-tar le Lubba tɔyn paje tar laa na: «Dew ke oo mee te ke Jeju a, Lubba ɔru tar majang laa dɔe te ke ri Jeju.»

Kulaje 10:43 Iomraidhean Croise

Marke 16:16

Dəw kə̂ unn məɛ̂ ngaâ inga batɛm a, a kinga kaji. Dəw kə̂ unn məɛ̂ ang a, sariya to dɔɛ̂ tə̂.

Luku 24:47

Dâ kila mbər tar kə ri Kristə le karə gəl-dəwje tɔyn turuje nɛ̂n məde, mba karə tar majang ləde ɔru dɔde tə̂. Mbər tar le a kunn-kute Jerujalɛm tə̂.›

Tar kə̂ Maji kə̂ Jan dda makəturu tə̂ 1:45

Goe tə̂ a, Pilipi inga Natanayɛl ngaâ pa arɛ̂ nan: «Jinga marə dəw kə̂ Makəturu-Ndu lə Mɔyijə kə lə njê-kilaje mbər tar lə Lubba paje tar laa le. Dəw le to Jeju kə̂ Najarɛtə, n̂-to ngonn lə Jojɛpə.»

Tar kə̂ Maji kə̂ Jan dda makəturu tə̂ 20:31

A n̂-dda nɛ̂nje nəənn makəturu tə̂ karə ooje nɛ̂n məse tə̂ to Jeju to Kristə, Ngonn lə Lubba. A bbo ooje məse tə̂ a, â kisije kə təbbə ddəw tə̂ laa.

Tar kə̂ Maji kə̂ Jan dda makəturu tə̂ 5:24

«Tɔkɔrɔ njaa m-pa marəse: Dəw kə̂ oo tar ləm ngaâ unn məɛ̂ arə dəw kə̂ ulam a, nâ kisi kə təbbə kə̂ to kə ndɔ kə ndɔ. Dâ gangə sariya dɔɛ̂ tə̂ ang, n̂-tee ta yo tə̂ ninga təbbə mban.

Kulaje 15:9

Nɔru kəmde dang kə jeje ang. Lubba toko məde mba mə-kunn ləde.

Kulaje 2:38

Piyɛr pa arəde nan: «Ə-turuje məse ta nân nân kara inga batɛm kə ri Jeju-Kristə. Baann bba Lubba a kɔru tar majangje ləse dɔse tə̂ ngaâ nâ karəse Ndil-mə-nda.

Kulaje 26:18

Mulai rɔde tə̂ karə ə-təəyn kəmde ta ɔrude lo ndul tə̂ ə-tee kə de lo-karɛ tə̂. Karə ɔrude ji Satan tə̂ kə̂ ɔn dɔde ə-ddee kə de rɔ Lubba tə̂. Yeenn bba Lubba a kɔru tar majang ləde dɔde tə̂ ngaâ dâ kingaje lo horo dəwje tə̂ kə̂ ooje məde tə̂ səm kə̂ majije tɔyn.› »

Kulaje 26:22

A Lubba njaa ngəməm ndərəng bbokənɛn karə mɔru gəle nɔn dəwje tə̂ tɔyn, njê kə̂ tɛn wase njê kə̂ bo kara m-nayn maw pa tar-naji laa bbay. Nɛ̂n kə̂ a ta ddee kə̂ njê-kilaje mbər tar lə Lubba kə Mɔyijə n̂-paje tarɛ̂ le njaa maw pa tarɛ̂. Mila marə nɛ̂n dɔɛ̂ tə̂ ang.

Kulaje 3:16

Dingaw kə̂ ooeje ngaâ ə-gəreje kə̂ ar nəənn, mbal dɔ koo kə̂ joo məje tə̂ kə ri Jeju le â, ri Jeju le arɛ̂ singa. Ddəw mə-kunn tə̂ kə Jeju le â dda arə rɔɛ̂ ddee maji arə sese tɔyn njaa aw ooje nəənn.

Kulaje 3:18

Ləw baa njaa, Lubba unda tar nəənn ta njê-kilaje mbər tar tə̂ laa tɔyn nan Kristə laa a koo ndoo. Tar le â ddee to nɛ̂n kə̂ tɔkɔrɔ nəənn.

Rɔmɛnje 10:11

Makəturu lə Lubba pa nan: «Dəw kə̂ unn məɛ̂ arɛ̂ a, rɔ-kul a kɔru kəmɛ̂ ang.»

Rɔmɛnje 3:21

A bbasinɛn, Lubba tɔju gusu kə̂ n̂-dda narə dəwje ddeeje nɛ̂n gatə gatə kəmɛ̂ tə̂. Gusu le to ddəw Ndu tə̂ ang. Ndu kə makəturu lə njê-kilaje mbər tar lə Lubba tɔjuje nɛ̂ɛnn le mban.

Rɔmɛnje 5:1

Yeenn a, n-ddeeje gatə gatə kəm Lubba tə̂ mban mba məje kə̂ junn jarə Əbbəjeje Jeju-Kristə arə məje wul lɔm kə Lubba ddəw tə̂ laa ngaa.

Rɔmɛnje 6:23

Mba kuka kə̂ dəw aw inga go majang tə̂ to yo. A mə-maji lə Lubba kə̂ to nɛ̂n-karə-baa le to təbbə kə̂ to kə ndɔ kə ndɔ ddəw ddee tə̂ kə̂ n-ddeeje kâra baa kə Əbbəjeje Jeju-Kristə.

Rɔmɛnje 8:1

Bbasinɛn nəənn, dəwje kə̂ ddaje mə-kâra kə Jeju-Kristə, sariya to dɔde tə̂ ang ngaa.

Rɔmɛnje 8:34

Nân bba a gangə sariya dɔde tə̂ wa? Dəw kâra ang, mba Jeju-Kristə njaa oy. Uta tɔyn, n̂-təl n̂-ndol, nisi dɔ ji-kɔl Lubba tə̂ ngaâ naw duju Lubba mba tar ləje.

Galatəje 3:22

A Makəturu lə Lubba pa nan majang ɔn dɔ dəwje tɔyn. Baann bba dəwje tɔyn kə̂ unnje məde a kingaje nɛ̂n kə̂ Lubba unn ndue ta karəde mba məde kə̂ dunn darə Jeju-Kristə.

Epɛjinyɛje 1:7

Ddəw məsə tə̂ lə Kristə, Lubba tee kə je mə nɛ̂n-dda tə̂ kə̂ maji ang kə ddang ngaâ nɔru tar majang ləje dɔje tə̂, ddəw mə-maji tə̂ laa kə̂ bo nya.

Kolosinyɛje 1:14

Ddəw tə̂ lə Ngonnɛ̂ le, Lubba ɔruje mə majang tə̂ kə ddang ngaâ tar majangje ləje ɔru dɔje tə̂.

Ebərəje 13:20

Lubba kə̂ to nje-karə mə-wul-lɔm dda arə Əbbəjeje Jeju kə̂ to tɔkə nje-kuul batəje le oy, a ndol. Ddəw məsə Jeju tə̂ kə̂ arə to nɛ̂n-polo le â Lubba ɔsu nɛ̂n kə je dɔnɔn kə̂ a to kə ndɔ kə ndɔ.

1 Piyɛr 1:11

Ndil lə Kristə kə̂ to məde tə̂ pa tar ndoo kə̂ Kristə a koo kə tar piti kə̂ a ddee goe tə̂ arəde tokə kete. Mba yeenn bba, dunnje rɔde tɔyn ta gərə se kar kə̂ baânn wase ddi â a to bba nɛ̂nje kə̂ Ndil lə Kristə pa le a ddeeje wa?

Apokalisi 19:10

M-tee moso kɔ gɔlɛ̂ tə̂ ta pole, a n̂-pa narəm nan: «Ə-dda nɛ̂ɛnn ang! M-to nje-kula mari ddəm nje-kula mar ngakɔinje kə̂ aw ngəmje tar-najije lə Jeju ddəm. Lubba â maji karə ə-pole!» Tar-najije lə Jeju toje to tarje kə̂ ddeeje dɔ njê-kilaje mbər tarje tə̂ lə Lubba bba aw paje.