Kulaje 10:22 - Dɔnɔn kə̂ Siki: Tar kə̂ aw arə təbbə

²² Dilaje tə̂ nan: «Kɔrnɛy kə̂ to nje-kɔn dɔ mbambaje â ulaje. N̂-to dəw kə̂ gatə gatə ngaâ naw bbəəl Lubba. Jiipije tɔyn aw paje tar laa maji. Anjə lə Lubba pa arɛ̂ karə n̂-bbari mə kəy tə̂ laa, karə noo tar kə̂ a ta pa karɛ̂.»

Maketuru le Lubba ke tar kabba

²² Dilaje te na: «Kɔrunay, nje-kɔn dɔ mbambaje a ulaje. N̂-to dew ke gate gate ngaa naw n̂-bbeel Lubba. Jiipije tɔyn aw paje tar laa maji. Anji le Lubba pa are kare n̂-bbari me key te laa, kare noo tar ke a ta pa kare.»

Kulaje 10:22 Iomraidhean Croise

Matiye 1:19

Jojɛpə kə̂ to nje-mɔrɔ laa le to dingaw kə̂ gatə gatə ngaâ ndiki ta tee kə tarɛ̂ kə ddaka kəm dəwje tə̂ ang. Yeenn bba, n̂-ndiki ta kinyɛ̂ hɔy baa.

Matiye 2:12

Goe tə̂ a, Lubba ndɔru mbide mə nin tə̂ karə n̂-təlje rɔ Erodə tə̂ ang, ta dunnje ddəw kə̂ dang n̂-təlje nɛ̂n bbe ləde.

Marke 6:20

mba Erodə aw bbəəl Jan le nya. N̂-gərə to Jan to dəw kə̂ to gatə gatə ddəm dəw kə̂ Lubba undɛ̂ dang ddəm arə naw ngəmɛ̂ kə majɛ̂. Noo tar kə̂ Jan aw pa a, n̂-gərə nɛ̂n kə̂ nâ dda ang. A dɔ ye tə̂ənn njaa kara, n̂-ndiki nya ta koo tarje laa.

Marke 8:38

Dəw kə̂ dda rɔ-kul ləm kə rɔ-kul tar ləm kəm dəwje tə̂ kə̂ bbokənɛn nəənn, Ngonn lə dəw a dda rɔ-kul laa ndɔ tə̂ kə̂ nâ ddee kə anjəje laa kə̂ majije tɔyn mə piti tə̂ lə Bɔɛ̂je. Mba dəwje kə̂ bbasinɛn nəənn le toje to njê-nɛ̂n-ddaje kə̂ maji ang ddəm dəwje kə̂ pa-nja ləde to kə dannâ ang ddəm.»

Luku 2:25

Marə dingaw kâra ria nan Simenyɔ, nisi bbe tə̂ kə̂ Jerujalɛm. Dingaw le to gatə gatə ddəm unn rɔɛ̂ tɔyn arə Lubba ddəm Ndil-mə-nda to dɔɛ̂ tə̂ ddəm. Naw ngəbbə dəw kə̂ a ddee wul mə ngann Ijarayɛlje.

Luku 23:50

Marə dingaw, ria nan Jojɛpə, n̂-to dəw kə̂ maji ddəm dəw kə̂ gatə gatə ddəm. N̂-to dəw kə̂ Arimate kə̂ to marə tɔkə bbe lə Jiipije. Naw ngəbbə kɔn-mbay lə Lubba. Nee horo njê-gangəje sariya tə̂ le. A ne, n̂-mbətə sariya kə̂ njê-gangəje sariya marɛ̂je gangəje dɔ Jeju tə̂ kə nɛ̂nje kə̂ n̂-ddaje kə Jeju le.

Luku 9:26

Tɔkɔrɔ, dəw kə̂ dda rɔ-kul ləm kə rɔ-kul tar ləm a, Ngonn lə dəw a dda rɔ-kul laa ndɔ tə̂ kə̂ nâ ddee kə piti laa kə piti lə bɔɛ̂je kə lə anjəje kə̂ maji tɔyn.

Tar kə̂ Maji kə̂ Jan dda makəturu tə̂ 13:20

Tɔkɔrɔ m-pa marəse: Dəw kə̂ taa dəw kə̂ mulɛ̂ kə rɔɛ̂ tə̂, nayn to əman njaa n̂-taam kə rɔɛ̂ tə̂ənn. Ngaâ, dəw kə̂ taam kə rɔɛ̂ tə̂ to dəw kə̂ taa dəw kə̂ ulam kə rɔɛ̂ tə̂ tɔ.»

Tar kə̂ Maji kə̂ Jan dda makəturu tə̂ 17:20

Maw duji mba tar ləde kə karəde baa ang, maw duju mba tar lə dəwje kə̂ a kooje məde tə̂ səm ddəw mbər tar tə̂ kə̂ dâ kilaje tɔ.

Tar kə̂ Maji kə̂ Jan dda makəturu tə̂ 17:8

mba m-ndaji tar kə̂ ə-pa arəm marəde ngaâ n̂-taaje. N̂-gərəje to min rɔi tə̂ bba m-ddee tokə tɔkɔrɔ ngaâ dooje məde tə̂ to əi â ulam.

Tar kə̂ Maji kə̂ Jan dda makəturu tə̂ 5:24

«Tɔkɔrɔ njaa m-pa marəse: Dəw kə̂ oo tar ləm ngaâ unn məɛ̂ arə dəw kə̂ ulam a, nâ kisi kə təbbə kə̂ to kə ndɔ kə ndɔ. Dâ gangə sariya dɔɛ̂ tə̂ ang, n̂-tee ta yo tə̂ ninga təbbə mban.

Tar kə̂ Maji kə̂ Jan dda makəturu tə̂ 6:63

Ndil lə Lubba â aw arə təbbə dəw, bbo da-rɔ dəw asə dda marə nɛ̂n kâra ang. Tarje kə̂ m-pa marəse le toje to Ndil ddəm təbbə ddəm.

Tar kə̂ Maji kə̂ Jan dda makəturu tə̂ 6:68

Simɔn Piyɛr ilɛ̂ tə̂ nan: «Əbbə-dəwje, nân bba ja kaw rɔɛ̂ tə̂ wa? Əi â, tar kə̂ aw arə təbbə kə̂ to kə ndɔ kə ndɔ to tai tə̂.

Kulaje 10:2

Ne de kə njê kə̂ kəy laa tɔyn daw bbəəlje Lubba, naw numan Jiipije kə̂ toje to njê-ndooje ddəm naw duju Lubba kə kar tɔyn ddəm.

Kulaje 10:21

Piyɛr ddisi inga dingawje le ngaâ pa arəde nan: «Əman kə̂ aw sangəmje le â mar nəənn. Ə-ddeeje nəənn mba ddi wa?»

Kulaje 10:30

Kɔrnɛy pa arɛ̂ nan: «Dda ndɔ mota bbokənɛn ngaa, mee mə kəy tə̂ ləm maw duju Lubba gɔl kar mota tə̂. A â ta koo a, marə dəw kə̂ ula kubbu kə ndɔnrɛn ar nɔnʼm tə̂

Kulaje 10:33

Kar tə̂ənn njaa mula mari, a ə-ndiki tə̂ â ə-ddee nəənn. Bbasinɛn, jeje tɔyn jee nɔn Lubba tə̂ ta koo tar kə̂ Əbbə-dəwje unda tai tə̂ karə ə-pa arəje.»

Kulaje 10:6

N̂-to kəy lə marə dingaw kə̂ ria nan Simɔn tɔ. N̂-to nje-kula əndaar, kəy laa to mbɔr ba-katə tə̂.»

Kulaje 11:14

Simɔn le a pa tarje kari. Əi kə njê kə̂ kəy ləi â kingaje kaji ddəw tarje tə̂ənn le.›

Kulaje 22:12

«Marə dingaw kə̂ ria nan Ananiyas ee nunn, n̂-to dəw kə̂ aw bbəəl Lubba, naw ngəm ndu lə Mɔyijə. Jiipije tɔyn kə̂ mə bbe tə̂ənn aw paje tar laa maji.

Kulaje 24:15

Munda məm dɔ Lubba tə̂ to dəwje kə̂ gatə gatə ddəm njê kə̂ gatə gatə ang ddəm kə̂ oyje a ndolje. Dede kara dunda məde tokə baann tɔ.

Kulaje 6:3

Be a, ngakɔnʼmje, maji karə ə-mbərəje dəwje siri horose tə̂ kə̂ dəwje aw paje tar ləde maji. Dəwje kə̂ Ndil-mə-nda kə kəm-karɛ ddusude arəje jinyaje kula nəənn jide tə̂.

Rɔmɛnje 1:17

Tar kə̂ Maji le tɔju ddəw kə̂ Lubba aw dda arə dəwje aw ddeeje nɛ̂n gatə gatə kəmɛ̂ tə̂ kə ddaka: Ddəw mə-kunn tə̂ kâra baa, kunn-kutu nɛ̂n tə̂ ndərəng kɔnyɛ̂ tə̂. Ddəw kâra baa tokə makəturu lə Lubba pa nan: «Dəw kə̂ ddee gatə gatə ddəw mə-kunn tə̂ a kisi kə təbbə.»

2 Kɔrɛntinyɛje 5:18

Lubba â dda nɛ̂njeenn tɔyn. Ne â nunguje naan tə̂ saa ddəw tə̂ lə Kristə ngaâ narəje kula kungu dəwje naan tə̂ saa karə n-ddaje.

1 Timɔte 3:7

Maji karə n̂-to dəw kə̂ dəwje kə̂ toje to njê-mə-kunnje ang paje tar laa maji bba. Baann bba dəwje a nanɛnje saa ang ngaâ nâ koso mə bandə tə̂ lə Əsu ang.

Ebərəje 10:38

Lubba pa nan: «Dəw ləm kə̂ ddee gatə gatə ddəw mə-kunn tə̂ a kisi kə təbbə. A bbo n̂-təl kə guku a, mâ kinga rɔ-nəəl ddəw tə̂ laa ang.»

Ebərəje 11:2

Ddəw mə-kunn tə̂ lə kajejedede â Lubba pa nɛ̂n tar ləde maji.

Ebərəje 12:23

Ə-ddeeje ngɔsi mban kə mbɔn-naan lə ngann-dərəje lə Lubba mban, dede kə̂ ride to makəturu tə̂ darâ, Ə-ddeeje ngɔsi mban kə Lubba kə̂ to nje-gangə sariya dɔ dəwje tə̂ tɔyn, ə-ddeeje ngɔsi mban kə ndil dəwje kə̂ gatə gatə kə̂ Lubba dda arə n̂-ddeeje to dəwje kə̂ sangəje tɔyn njaa.

2 Piyɛr 3:2

Maji karə oleje məse dɔ tarje tə̂ lə njê-kilaje mbər tar lə Lubba kə̂ unnje rɔde tɔyn arɛ̂je, oleje məse dɔ ndu tə̂ kə̂ Əbbə-dəwje kə̂ to Nje-kaji-dəwje unn ngaâ njê-kaw-kulaje pa arəse le.

3 Jan 1:12

Demetrus to dəw kə̂ dəwje tɔyn paje tar laa maji. Tar kə̂ tɔkɔrɔ kə̂ naw nja ddəwe tə̂ kara pa tar-naji laa tɔ. Jeje kara jaw pa tar-naji laa kə majɛ̂. Ə-gərə to tar-naji ləje to tar kə̂ tɔkɔrɔ.

Apokalisi 14:10

ne kara nâ kay bɛn tɔkə wungu lə Lubba, bɛn kə̂ n̂-pole kə maann ang a dungu mə əngo wungu tə̂ laa. Ngaâ nâ koo ndoo kəm puru tə̂ kə kəm supərə tə̂, kəm anjəje tə̂ kə̂ majije tɔyn ddəm kəm Ngonn batə tə̂ ddəm.