Kulaje 10:15 - Dɔnɔn kə̂ Siki: Tar kə̂ aw arə təbbə

¹⁵ Ndu dəw le təl pa arɛ̂ nan: «Maji karə nɛ̂n kə̂ Lubba dda arə ddee maji mban, oo to nɛ̂n kə̂ maji ang kəmi tə̂ ang.»

Maketuru le Lubba ke tar kabba

¹⁵ Ndu dew le tel pa are bbay na: «Maji kare oo ne ke Lubba dda are ddee maji to ne ke maji ang kemi te ang.»

Kulaje 10:15 Iomraidhean Croise

Matiye 15:11

Nɛ̂n kə̂ aw andə ta dəw tə̂ â aw dda arə dəw ddee to nɛ̂n-yərəw ang. Nɛ̂n kə̂ aw tee ta dəw tə̂ â aw dda arə dəw ddee to nɛ̂n-yərəw.»

Marke 7:19

Mba nɛ̂n le andə bbəngəre tə̂ ang. Nɛ̂n le aw məɛ̂ tə̂ ngaâ tee məɛ̂ tə̂ kə ddang.» Ddəw tar tə̂ nəənn, Jeju tɔju to dəw a kasə kusa nɛ̂n tɔyn.

Kulaje 10:16

Nɛ̂ɛnn le to tokə baann gɔl mota ngaâ dunn nɛ̂n le n̂-təl nɛ̂n darâ.

Kulaje 10:28

Piyɛr pa arəde nan: «Ə-gərəje kə majɛ̂ to darə ddəw Jiipije karə uwaje buwa-kura kə dəwje kə̂ gəlde dang ang ddəm ta kubba mə kəy ləde ang ddəm. A əman, Lubba tɔjum to, to maji karə moo dəw to dəw kə̂ maji ang kəmʼm tə̂ ang wase m-yabbə dəw ang.

Kulaje 11:9

M-təl moo ndu dəw le mə dara tə̂ nan: ‹Maji karə nɛ̂n kə̂ Lubba dda arə ddee maji a, oo to nɛ̂n kə̂ maji ang kəmi tə̂ ang.›

Kulaje 15:20

Maji karə n-ddaje makəturu julaje jarəde karə dusaje nɛ̂n kə̂ n̂-polo nɛ̂n kɔr ang, mba to nɛ̂n-yərəw, n̂-ddaje kaya ang, dɔnje da kə̂ dute kəwn bba n̂-tɔlɛ̂ ang, dusaje məsə ang.

Kulaje 15:29

Maji karə usaje da kə̂ n̂-polo nɛ̂n kɔr ang, usaje məsə ang, ɔnje da kə̂ dute kəwn n̂-tɔlɛ̂ ang, ə-ddaje kaya ang. Bbo ə-ngəmje rɔse ddəw nɛ̂nje tə̂ənn tɔyn a, to nɛ̂n kə̂ maji. N-ddase lapiya nya.»

Kulaje 15:9

Nɔru kəmde dang kə jeje ang. Lubba toko məde mba mə-kunn ləde.

Rɔmɛnje 14:14

Ddəw mə-kâra tə̂ kə̂ m-dda kə Əbbə-dəwje Jeju le m-gərə kə majɛ̂ to marə nɛ̂n kə̂ to nɛ̂n-yərəw kâra goto. A bbo dəw əjə to marə nɛ̂n to nɛ̂n-yərəw a, nɛ̂n le ddee to nɛ̂n-yərəw mba tar laa njaa.

Rɔmɛnje 14:20

Maji karə ə-tuju kula lə Lubba mba tar nɛ̂n-kusa ang. Tɔkɔrɔ njaa, nɛ̂n-kusa tɔyn njaa maji. A ta kusa nɛ̂n kə̂ a dda karə kəsə dəwje ddaje majang to nɛ̂n kə̂ maji ang.

1 Kɔrɛntinyɛje 10:25

Maji karə usaje nɛ̂n tɔyn kə̂ dəwje aw labbəje lo nɛ̂n-labbə tə̂ bbo ə-dujuje tar dɔɛ tə̂ mba kəjə ləse kə̂ aw jɔkuse le ang,

Titə 1:15

Dəwje kə̂ nɛ̂n-yərəw ɔrude ang, nɛ̂n tɔyn to nɛ̂n-yərəw mbade ang. A dəwje kə̂ nɛ̂n-yərəw to məde tə̂ ngaâ mbətəje ta kunn məde, nɛ̂n kâra maji mbade ang, mba nɛ̂n-yərəw tuju nɛ̂n-gərə ləde ddəm kəjə ləde ddəm.

Apokalisi 14:20

Dore binyə mə nɛ̂n-kore-maann binyə tə̂ le giri bbe tə̂ ddaka. Məsə in mə nɛ̂n-kore-maann binyə tə̂ le tee ngaâ siri kə taar ndərəng taa lo asə kilometere kɔr mota (300). Bbo sunda uru mə məsə tə̂ le a, məsə le a kuwɛ̂ tɛɛ̂ tə̂, lo kilɛ̂ jam tə̂.