Kulaje 1:8 - Dɔnɔn kə̂ Siki: Tar kə̂ aw arə təbbə

⁸ A, â kingaje singa-mɔngu ddəw tə̂ lə Ndil-mə-nda kə̂ a ddee dɔse tə̂. Ngaâ â təlje to njê-tar-najije ləm mə bbe tə̂ kə̂ Jerujalɛm, dɔ nangə Jude tə̂ tɔyn, dɔ nangə Samari tə̂, ndərəng kɔyn nangə tə̂ tɔyn.»

Maketuru le Lubba ke tar kabba

⁸ A a kingaje singa-mɔngu ddew te le Ndil-me-nda ke a ddee dɔse te. Ngaa a telje to nje-tar-naji lem me bbe te ke Jurusalam, dɔ nange Jude te tɔyn, dɔ nange Samari te, ndereng kɔyn nange te tɔyn.

Kulaje 1:8 Iomraidhean Croise

Matiye 24:14

Dâ kila mbər Tar kə̂ Maji kə̂ dɔ Bbe-kɔn tə̂ kə̂ darâ duninya tə̂ tɔyn karə gəl-dəwje tɔyn ooje. Goe tə̂ ngaa bba, a to dɔbɔyn nɛ̂n.»

Matiye 28:19

Yeenn a, awje rɔ gəl-dəwje tə̂ tɔyn kə̂ dɔ nangə tə̂. Ə-ddajede to njê-njaje gom tə̂ ta ə-ddajede batɛm kə ri Bɔ, ri Ngonn kə ri Ndil-mə-nda.

Marke 16:15

N̂-pa narəde nan: «Awje dɔ nangə tə̂ tɔyn, ilaje mbər Tar kə̂ Maji le arəje dəwje tɔyn.

Luku 1:35

Anjə le ilɛ̂ tə̂ nan: «Ndil-mə-nda a ddee dɔi tə̂ ngaâ ndil singa-mɔngu lə Nje-kisi ddutu dara tə̂ a dəbbə dɔi tə̂. Mba yeenn bba Ngonn kə̂ maji tɔyn kə̂ â kuje le, dâ bbarɛ̂ nan Ngonn lə Lubba.

Luku 10:19

Ooje: Marəse singa karə ə-njaje dɔ lije tə̂ ddəm dɔ nyije tə̂ ddəm dɔ singa-mɔngu tə̂ lə nje-baan tɔyn ddəm ngaâ marə nɛ̂n kâra kə̂ a kasə ta ddase maji ang goto.

Luku 24:29

A n̂-gangɛ̂je nan: «Ə-nayn kə je, mba lo aw wul ngaâ kar a ta kandə ngaa.» Nandə mə bbe tə̂ le ngaâ n̂-nayn kə de.

Tar kə̂ Maji kə̂ Jan dda makəturu tə̂ 15:27

Ngaâ sese kara, â kɔruje naji ləm, mba eeje səm ləw baa kunn-kute tə̂.»

Kulaje 1:22

unn kute dɔ ndɔ tə̂ kə̂ Jan ddɛɛ̂ nɛ̂n batɛm ndərəng ndɔ tə̂ kə̂ Lubba unnɛ̂ nɛ̂n horoje tə̂ təl saa darâ. Maji karə marə dəw kâra horo dəwje tə̂ nəənn le təl to nje-tar-naji kə je dɔ tar ndol tə̂ lə Jeju-Kristə kə̂ oy, a ndol le.»

Kulaje 1:5

Jan dda dəwje batɛm maann, a sese, â kingaje batɛm Ndil-mə-nda mə ndɔje tə̂ nəənn.»

Kulaje 13:31

ngaâ n̂-tɔju rɔɛ̂ ndɔ banya narə dəwje kə̂ inje saa nangə tə̂ kə̂ Galile dannɛ̂je ndərəng bbe tə̂ kə̂ Jerujalɛm. Dede le ngaâ bbasinɛn n̂-ddeeje to njê-tar-najije laa nɔn dəwje tə̂ kə̂ Ijarayɛl.

Kulaje 2:32

Jeju kə̂ maw pa tar laa nəənn le, noy, a Lubba ndole ngaâ jeje tɔyn n-toje to njê-tar-naji nɛ̂ɛnn le.

Kulaje 22:15

Mba maji karə ə-təl to nje-tar-naji laa ta ə-pa tar nɛ̂n kə̂ oo kə mbii ddəm kə kəmi ddəm nɔn dəwje tə̂ tɔyn.

Kulaje 3:15

Dəw kə̂ nje-karə təbbə kə̂ ə-tɔlɛ̂je le, Lubba ndole arə n-to njê-tar-naji nɛ̂ɛnn le.

Kulaje 4:33

Njê-kaw-kulaje aw paje tar ndol lə Əbbə-dəwje Jeju kə̂ oy a ndol le arə ngəng nya ngaâ tɔkə mə-maji lə Lubba to dɔde tə̂ kâra kâra tɔyn.

Kulaje 5:32

Jeje kə Ndil-mə-nda kə̂ Lubba arə dəwje kə̂ ooje tɛɛ̂ n-to njê-tar-naji nɛ̂nje kə̂ toje le.»

Kulaje 6:8

Mə-maji lə Lubba kə singa-mɔngu laa to dɔ Etiyɛnn tə̂ arə n̂-dda nɛ̂n-mɔrije kə nɛ̂nje kə̂ dum dɔ koo dang dang horo dəwje tə̂.

Kulaje 8:1

Tɔl kə̂ n̂-tɔl Etiyɛnn le Sɔl ndiki tə̂. Ndɔɛ̂ tə̂ənn njaa, dəwje unnje kutu kula kəm Egilisi kə̂ Jerujalɛm ndoo tə̂. Njê-mə-kunnje sanrɛje naan dɔ nangə tə̂ kə̂ Jude kə Samari, a njê-kaw-kulaje â naynje.

Rɔmɛnje 10:18

Yeenn a, m-duju ta koo: Jiipije le ooje tar kə̂ dila mbəre le ang wa? Dooje tar le njaa. Makəturu lə Lubba pa nan: «Dəwje ooje ndu njê-kilaje mbər le dɔ nangə tə̂ tɔyn, dəwje kə̂ eeje kɔyn nangə tə̂ kara ooje tar le tɔ.»

Rɔmɛnje 15:19

ddəw nɛ̂n-mɔri tə̂, ddəw nɛ̂nje tə̂ kə̂ dum dɔ koo, ddəw singa-mɔngu tə̂ lə Ndil-mə-nda. Yeenn bba, unn kute Jerujalɛm ndərəng Iliri, mila mbər Tar kə̂ Maji lə Kristə kə nangə̂ baa.

Kolosinyɛje 1:23

A maji karə ə-naynje ddəw mə-kunn tə̂ le ta arje dɔɛ tə̂ arə ngəng tokə kəy kə̂ gɔlɛ̂ uwa nangə kə majɛ̂. Nɛ̂n kə̂ Tar kə̂ Maji dda arə aw undaje məse dɔɛ tə̂ le, inyaje ddəwe ang. Tar kə̂ Maji le dila mbəre darə dəwje tɔyn kə̂ dɔ nangə tə̂. Ngaâ əman Pɔl, m-ddee to nje-kula Tar kə̂ Maji le.