Kulaje 1:4 - Dɔnɔn kə̂ Siki: Tar kə̂ aw arə təbbə

⁴ Marə ndɔ nisi ta nɛ̂n-kusa tə̂ kə de a, nunn ndu narəde nan: «Ɔtuje mə bbe tə̂ kə̂ Jerujalɛm ang, ta ə-ngəbbəje nɛ̂n kə̂ Bɔ unn ndue ta karəse, nɛ̂n kə̂ m-pa tarɛ̂ marəse kete mban le.

Maketuru le Lubba ke tar kabba

⁴ Mare ndɔ nisi ta ne-kusa te ke de a, nunn ndu narede na: «Ɔtuje me bbe te ke Jurusalam ang ta n̂-ngebbeje ne ke Bɔ unn ndu ta karese, ne ke m-pa tare marese kete mban le.

Kulaje 1:4 Iomraidhean Croise

Matiye 10:20

Mba, sese njaa â paje tar le ang, Ndil lə Bɔsese â a kunda tar le tase tə̂ karə ə-paje.

Luku 11:13

Bbo sese kə̂ məse maji ang ddəm nəənn, ə-gərəje ta karə nɛ̂n kə̂ maji ngannse a, Bɔy kə̂ darâ a karə Ndil-mə-nda njê kə̂ dujeje ang wa?»

Luku 12:12

Mba mə kar tə̂ənn njaa, Ndil-mə-nda a tɔjuse tar kə̂ â paje.»

Luku 24:49

Əman, mâ kula nɛ̂n kə̂ Bɔy unn ndue ta karəse le dɔse tə̂. Sese, maji karə ə-naynje Jerujalɛm nəənn ndərəng ndɔ kə̂ â kingaje nɛ̂n singa-mɔngu kə̂ in darâ.»

Tar kə̂ Maji kə̂ Jan dda makəturu tə̂ 14:16

Ngaâ, əman mâ duju Bɔ karə arəse marə Nje-kumanse kə̂ a nayn kə se kə ndɔ tɔyn.

Tar kə̂ Maji kə̂ Jan dda makəturu tə̂ 15:26

«Lubba a karə mula kə Nje-kumanse marəse. N̂-to Ndil tar kə̂ tɔkɔrɔ kə̂ in rɔ Bɔ tə̂ bba ddee. Nâ kɔru naji ləm.

Tar kə̂ Maji kə̂ Jan dda makəturu tə̂ 20:22

Go tarje tə̂ənn a, n̂-to ləl tɛɛ̂ dɔde tə̂ ngaâ n̂-pa narəde nan: «Ingaje Ndil-mə-nda!

Tar kə̂ Maji kə̂ Jan dda makəturu tə̂ 7:39

Jeju pa tar nəənn ɔju dɔ Ndil kə̂ dəwje kə̂ ooje məde tə̂ saa a kingaje le. Kar tə̂ənn, Ndil-mə-nda ddee ang bbay, mba Jeju nayn inga piti lə Lubba ang bbay.

Kulaje 10:41

N̂-tɔju rɔɛ̂ dəwje tɔyn ang. Njê-tar-najije kə̂ Lubba mbərəde kete kə jeje kə̂ jusa saa nɛ̂n ngaâ jay saa nɛ̂n â go ndol tə̂ laa le n̂-tɔju rɔɛ̂ narəje.

Kulaje 2:33

Lubba unnɛ̂ undɛ̂ dɔ ji-kɔlɛ̂ tə̂ darâ. Ninga Ndil-mə-nda kə̂ Bɔ unn ndue ta karə le ngaâ n̂-sanrɛ Ndil le dɔje tə̂ ddəw kâra baa tokə aw ooje kə kəmse ddəm kə mbise ddəm nəənn.