Kulaje 1:3 - Dɔnɔn kə̂ Siki: Tar kə̂ aw arə təbbə

³ Go yo tə̂ laa a, n̂-tɔju rɔɛ̂ narəde ngaâ n̂-dda nɛ̂nje dang dang ta tɔjude to nisi kəm baa. N̂-dda tokə baann ndɔ dɔsɔ ngaâ n̂-pa tar dɔ kɔn-mbay tə̂ lə Lubba narəde.

Maketuru le Lubba ke tar kabba

³ Go yo te laa a, n̂-tɔju rɔe narede ngaa n̂-dda neje dang dang ta tɔjude to nisi kem baa. N̂-dda toke baann ndɔ dɔsɔ ngaa n̂-pa tar dɔ kɔn̂-bbe te le Lubba narede.

Kulaje 1:3 Iomraidhean Croise

Matiye 21:43

Mba yeenn bba, m-pa marəse: Lubba a kɔru Bbe-kɔn laa jise tə̂ karə marə gəl-dəwje kə̂ a ddaje kula kə̂ maji.

Matiye 28:9

A ta koo a, Jeju tee nɔnde tə̂ aw tila kəmde ngaâ pa arəde nan: «Lapiya ləse!» Dɛnɛ̂nje le ddeeje ngɔsi saa ngaâ dɔsuje məkəjə-gɔlde nɔɛ̂n tə̂, duwaje gɔlɛ̂ n̂-walɛ̂je nɛ̂n.

Matiye 3:2

N̂-pa nan: «Ə-turuje məse nyɔm, mba kɔn-mbay kə̂ darâ ddee ngɔsi ngaa.»

Matiye 4:2

Jeju ɔku rɔɛ̂ nɛ̂n-kusa ndɔ dɔsɔ kə til dɔsɔ ngaâ bbo ddɛɛ̂.

Marke 16:19

Go tar tə̂ kə̂ Əbbə-dəwje Jeju pa arəde tokə baann a, Lubba unnɛ̂ aw saa darâ ngaâ nisi dɔ ji-kɔlɛ̂ tə̂.

Tar kə̂ Maji kə̂ Jan dda makəturu tə̂ 20:26

Ndɔ siri goe tə̂ a, njê-njaje go Jeju tə̂ mbɔnje naan mə kəy tə̂, a Toma ee horode tə̂. Dutuje ta-kəy dɔde tə̂ kə kele. A Jeju tee ar horode tə̂ ngaâ pa nan: «Mə-wul-lɔm ee kə se.»

Tar kə̂ Maji kə̂ Jan dda makəturu tə̂ 21:1

Goe tə̂ a, Jeju təl tɔju rɔɛ̂ arə njê-njaje goe tə̂ kar ba-katə tə̂ kə̂ Tiberiyadə. Ddəw kə̂ n̂-tɔju nɛ̂n rɔɛ̂ tokə be:

Tar kə̂ Maji kə̂ Jan dda makəturu tə̂ 21:14

Yeenn to gɔl mota laa ngaa kə̂ Jeju tɔju rɔɛ̂ arə njê-njaje goe tə̂, go ndol tə̂ kə̂ noy a, n̂-ndol le.

Kulaje 13:31

ngaâ n̂-tɔju rɔɛ̂ ndɔ banya narə dəwje kə̂ inje saa nangə tə̂ kə̂ Galile dannɛ̂je ndərəng bbe tə̂ kə̂ Jerujalɛm. Dede le ngaâ bbasinɛn n̂-ddeeje to njê-tar-najije laa nɔn dəwje tə̂ kə̂ Ijarayɛl.

Kulaje 19:8

Nɛyn mota njaa Pɔl aw aw kəy mbɔn-naan tə̂ lə Jiipije kə ndɔ tɔyn aw pa tar Bbe-kɔn lə Lubba kə bbəəl ang. N̂-dda gan njaa karə n̂-ndikije tə̂ saa.

Kulaje 28:23

Dɔjuje ndɔ darə Pɔl ngaâ ndɔ le asə a, n̂-ddeeje tokə banya dingɛ̂je lo-toe tə̂. Pɔl pa tar arəde kə əndɔɔ ndərəng lo-kul. N̂-pa tar kɔn-mbay lə Lubba narəde. Nunn tar Ndu lə Mɔyijə kə tar lə njê-kilaje mbər tar lə Lubba n̂-pa nɛ̂n tar lə Jeju karə n̂-ndikije tə̂.

Kulaje 28:31

Nila mbər kɔn-mbay lə Lubba ngaâ n̂-tɔju nɛ̂n dɔ Əbbə-dəwje Jeju-Kristə tə̂ kə bbəəl ang. Marə dəw ɔkɛ̂ ddəw ang.

Kulaje 8:12

A dəwje tɔyn, dingawje kə dɛnɛ̂nje kə̂ ooje məde tə̂ kə Tar kə̂ Maji kə̂ Pilipi tɔju dɔ Bbe-kɔn tə̂ lə Lubba ddəm dɔ tar tə̂ lə Jeju-Kristə ddəm ingaje batɛm.

Rɔmɛnje 14:17

Tɔkɔrɔ tə̂, tar Bbe-kɔn lə Lubba to tar nɛ̂n-kusa ang ddəm to tar nɛ̂n-kay ang ddəm. Bbe-kɔn lə Lubba to tar nɛ̂n-dda kə̂ gatə gatə, to mə-wul-lɔm, to rɔ-nəəl kə̂ Ndil-mə-nda aw arə dəwje.

Kolosinyɛje 1:13

N̂-tee kə je kɔ singa tə̂ lə mbay kə̂ lo ndul tə̂ kə ddang ngaâ naw kə je mə Bbe-kɔn tə̂ lə Ngonnɛ̂ kə̂ n̂-ndike nya.

1 Tesalonisinyɛje 2:12

N-ndəjəse, n-dda jarə ubbaje singa ngaâ n-dujuse nya karə pa-nja ləse to tokə ye kə̂ Lubba ndiki, ne kə̂ n̂-bbarse karə andəje mə Bbe-kɔn tə̂ laa, karə ingaje Piti laa saa.

1 Jan 1:1

Nɛ̂n kə̂ to kunn-kute tə̂ njaa, nɛ̂n kə̂ joo kə mbije, nɛ̂n kə̂ joo kə kəmje, nɛ̂n kə̂ n-təənn joo kə majɛ̂ ngaâ jɔru kə jije joo le, nɛ̂n le to Tar kə̂ aw arə təbbə dəwje.