Kulaje 1:15 - Dɔnɔn kə̂ Siki: Tar kə̂ aw arə təbbə

¹⁵ Dɔ ndɔɛ̂je tə̂ənn, Piyɛr in taar horo njê-mə-kunnje tə̂ kə̂ kɔrde asə kɔr kâra kə dɔjoo ngaâ pa nan:

Maketuru le Lubba ke tar kabba

¹⁵ Dɔ ndɔeje teenn, Piyar in taar horo nje-me-kunnje ke kɔrde ase kɔr kara ke dɔjoo ngaa pa na:

Kulaje 1:15 Iomraidhean Croise

Matiye 13:31

Jeju təl pa marə gusu-tar arəde bbay nan: «Bbe-kɔn kə̂ darâ to kâra baa kə kandə-ko kə̂ ria nan mutardə kə̂ dəw dubbu mə ndɔɔ tə̂ laa.

Luku 22:32

A əman, m-duju Lubba mba tar ləi ta karə mə-kunn ləi oso ang ngaâ karə bbo ə-təl rɔm tə̂ a, ə-dda arə ngakɔinje ingaje singa.»

Tar kə̂ Maji kə̂ Jan dda makəturu tə̂ 14:12

«Tɔkɔrɔ njaa m-pa marəse, dəw kə̂ unn məɛ̂ arəm a, a dda nɛ̂nje kə̂ maw dda tɔ. Nâ dda nɛ̂nje kə̂ utaje ləm bbay, mba maw maw kə rɔ Bɔ tə̂.

Tar kə̂ Maji kə̂ Jan dda makəturu tə̂ 21:23

Dɔ tar tə̂ nəənn â tar nja horo njê-mə-kunnje tə̂ nan nje-nja go Jeju tə̂ kə̂ Jeju ndike nya le a koy ang. A Jeju pa arə Piyɛr baann ang. N̂-pa nan: «Bbo m-ndiki karə n̂-nayn kəm baa ndərəng m-təl m-ddee a, ddi â osoi tə̂ wa?»

Kulaje 10:23

Piyɛr arə dandə kəy ngaâ arəde lo n̂-toje tə̂. Lo-karɛ̂ a, nunn ddəw naw kə de. Marə njê-mə-kunnje kə̂ Jope dannɛ̂je.

Kulaje 11:1

Njê-kaw-kulaje kə njê-mə-kunnje kə̂ eeje nangə tə̂ kə̂ Jude ooje nan dəwje kə̂ toje to Jiipije ang kara taaje tar lə Lubba tɔ.

Kulaje 11:12

Ndil pa arəm nan mɔtu maw kə de bbo məjə ang. Ngakɔnʼmje kə̂ misan nəənn dannəmje ngaâ jandə mə kəy tə̂ lə Kɔrnɛy le.

Kulaje 11:26

Ningɛ̂ a, n̂-ddee saa Antiyos. N̂-ddaje bbal kâra Egilisi tə̂ kə̂ Antiyos ngaâ n̂-tɔjuje nɛ̂n dəwje nya nya. Bbe tə̂ kə̂ Antiyos â dəwje unn kutu bbar ri njê-njaje go Jeju tə̂ to «dəwje lə Kristə.»

Kulaje 11:29

Njê-njaje go Jeju tə̂ ooje ta naan karə dəw kâra kâra unn nɛ̂n kə̂ asə singɛ̂ mba kula nɛ̂n karə duman nɛ̂n njê-mə-kunnje kə̂ Jude.

Kulaje 12:17

N̂-dda jia narəde karə n̂-paje tar ang ngaâ nɔru gəl gusu kə̂ Əbbə-dəwje ɔrɛ̂ nɛ̂n kə ddang kəy-kula tə̂ le. Ta kutu nɛ̂n dɔ tar laa a, n̂-pa nan: «Aw paje tar nəənn arəje Jakə kə kəsə njê-mə-kunnje.» Goe tə̂ a, nɔtu ngaâ nunn ddəw naw kə marə lo tə̂ dang.

Kulaje 14:2

A Jiipije kə̂ mbətəje ta koo məde tə̂ le aw tulaje dəwje kə̂ toje to Jiipije ang karə dəjəje kəjə kə̂ maji ang dɔ Pɔl de kə Barnabas tə̂.

Kulaje 15:1

Marə dəwje inje Jude ddeeje Antiyos nangə tə̂ kə̂ Siri. N̂-tɔjuje nɛ̂n njê-mə-kunnje kə̂ Antiyos le nan: «Bbo ujaje ganja tokə Ndu lə Mɔyijə pa ang a, â kasəje ta kinga kaji ang.»

Kulaje 15:3

Egilisi kə̂ Antiyos umande kə marə nɛ̂n nja tə̂ ləde le. N̂-ndayje kə ddəw kə̂ Penisi kə Samari ngaâ n̂-paje tar ddəw kə̂ dəwje kə̂ toje to Jiipije ang ooje nɛ̂n məde tə̂ le darə njê-bbeje le. Tar le arə rɔ-nəəl njê-mə-kunnje tɔyn.

Kulaje 16:2

Njê-mə-kunnje kə̂ Listərə kə Ikoniyɔm paje tar lə Timɔte le maji nya.

Kulaje 16:40

Pɔl de kə Silas dinje kəy-kula tə̂ le n̂-teeje a, daw dingaje Lidi, dooje njê-mə-kunnje, n̂-ndəjəjede ngaâ dɔtuje.

Kulaje 17:10

Lo ndul a, njê-mə-kunnje arə Pɔl de kə Silas dawje bbe tə̂ kə̂ Bere. N̂-teeje a, dawje kəy mbɔn-naan tə̂ lə Jiipije.

Kulaje 17:14

Njangə baa a, njê-mə-kunnje arəje Pɔl unn ddəw ər kə ta tɔkə ba tə̂, a Silas de kə Timɔte n̂-naynje tə̂ənn.

Kulaje 17:6

Dingaje Pɔl de kə Silas le ang ngaâ duwaje Jasɔn kə marə njê-mə-kunnje dawje kə de nɔn njê-kɔn-bbeje tə̂ ngaâ n̂-paje kə taar nan: «Dəwje nəənn tujuje lo tɔyn kə̂ dɔ nangə tə̂, a bbasinɛn n̂-teeje nəənn ngaa.

Kulaje 18:18

Pɔl nayn ndɔ banya ngaji Kɔrɛntə bba inya njê-mə-kunnje ngaâ unn to təl nangə tə̂ kə̂ Siri. Ne de kə Pirisil kə Akilas. Kete bba ta kaw a, narə n̂-ngisa dɔɛ̂ bbe tə̂ kə̂ Sankere, mba nunn ndue.

Kulaje 18:27

Goe tə̂ a, Apolos le ndiki ta kaw Akay. Njê-mə-kunnje ndikije tə̂ saa ngaâ n̂-ddaje makəturu darə njê-mə-kunnje kə̂ Akay le karə n̂-tɛɛ̂je kə rɔde tə̂ kə majɛ̂. N̂-tee nu a, Lubba dda saa mə-maji arə numan njê-mə-kunnje nya,

Kulaje 21:17

N-tee Jerujalɛm a, njê-mə-kunnje taajeje kə rɔ-nəəl.

Kulaje 21:20

Dəwje kə̂ ooje tar lə Pɔl ɔsuje gaji Lubba ngaâ paje arɛ̂ nan: «Oo, ngokɔnje, Jiipije nya nya ooje məde tə̂ ngaâ daw ngəmje Ndu lə Mɔyijə kə majɛ̂ njaa.

Kulaje 21:7

Jin Tir n-tee Petolemayis a, junda ngangə nja le lo tə̂ənn. N-dda lapiya njê-mə-kunnje ngaâ n-nayn kə de ndɔ kâra.

Kulaje 22:5

Tɔkə nje-polo Lubba kə mbɔn-naan lə tɔkəje lə Jiipije gərəje to tar kə̂ tɔkɔrɔ njaa maw pa nəənn. Mba dede njaa darəmje makəturu kə ri ngakɔnje Jiipije kə̂ isije Damas karə maw muwa njê-mə-kunnje m-tɔde m-ddee kə de Jerujalɛm karə dula kəmde ndoo tə̂.»

Kulaje 28:14

Jinga marə ngakɔnje mə bbe tə̂ənn ngaâ n̂-dujuje karə n-dda ndɔ siri rɔde tə̂. Tokə baann â jaw nɛ̂n Rɔm.

1 Kɔrɛntinyɛje 15:6

Goe tə̂ a, n̂-tee ninga njê-mə-kunnje kə̂ kɔrde uta kɔr min naan tə̂ kâra baa. Marɛ̂je nya horode tə̂ isije kəm baa bbay, a marɛ̂je oyje mban.

Apokalisi 11:13

Kar tə̂ənn njaa, nangə yəkə kə singa. Bbo n̂-kayn mə tɔkə bbe le dɔku a, dəbbə bbe le kâra njaa guru arə dəwje doro siri (7 000) oyje mba nangə kə̂ yəkə le. Bbəəl dda kəsə dəwje kə̂ naynje kəm baa ngaâ dɔsuje gaji Lubba kə̂ darâ.

Apokalisi 3:4

A marə dəwje kə̂ eeje horose tə̂ Sardə le ngəmje rɔde arə nɛ̂n-yərəw ɔru kubbu ləde ang. Dâ kulaje kubbu kə̂ nda bba dâ njaje nɛ̂n səm, mba dasəje njaa.