Kolosinyɛje 1:18 - Dɔnɔn kə̂ Siki: Tar kə̂ aw arə təbbə

¹⁸ Ne â n̂-to dɔ Egilisi kə̂ to da-rɔɛ̂. N̂-to kunn-kutu nɛ̂n, n̂-to dɔngɔr dəw kə̂ oy, a ndol, baann bba nâ kuta dəwje tɔyn ngaâ nâ kuta nɛ̂nje tɔyn.

Kolosinyɛje 1:18 Iomraidhean Croise

Matiye 23:8

A sese, dang bba arəje dəwje bbarse ‹Nje-nɛ̂n-tɔju› ang. Mba sese tɔyn ə-toje to ngakɔn-naan ngaâ nje-nɛ̂n-tɔju ləse kâra baa.

Matiye 28:18

Jeju ddee ngɔsi kə de, pa arəde nan: «Lubba arəm singa tɔyn darâ ddəm nangə̂ ddəm.

Tar kə̂ Maji kə̂ Jan dda makəturu tə̂ 1:1

Kunn-kutu nɛ̂n tə̂ njaa, Tar ee tə̂ənn mban. Tar le ee mbɔr Lubba tə̂ ngaâ Tar le to Lubba.

Tar kə̂ Maji kə̂ Jan dda makəturu tə̂ 1:16

Nɛ̂nje kə̂ maji dduse arə jeje tɔyn njaa n̂-bbar tar kə̂ maji dɔje tə̂ kə dɔ naan tə̂, dɔ naan tə̂.

Tar kə̂ Maji kə̂ Jan dda makəturu tə̂ 1:27

Naw ddee gom tə̂, əman, masə ta tutu kula nɛ̂n-gɔl laa ang.»

Kulaje 26:23

N̂-paje nan Kristə a koo ndoo. Horo dəwje tə̂ kə̂ oyje nâ to dɔngɔr dəw kə̂ a ndol ngaâ nâ kila mbər lo-karɛ karə Jiipije kə dəwje kə̂ toje to Jiipije ang.»

Rɔmɛnje 8:29

Mba Lubba gərəde ngaâ undade dang tokə kete karə n̂-ddeeje tokə lə Ngonnɛ̂, mba karə Ngonnɛ̂ le təl to Ngonn-dərə horo njê-mə-kunnje tə̂ kə̂ banya.

1 Kɔrɛntinyɛje 11:3

A m-ndiki karə ə-gərəje tar nəənn tɔ. Nje-kɔn dɔ dingaw â to Kristə, nje-kɔn dɔ dɛnɛ̂n to dingaw, a Lubba â to nje-kɔn dɔ Kristə.

1 Kɔrɛntinyɛje 12:27

A sese, ə-toje to da-rɔ Kristə ngaâ sese kâra kâra tɔyn ə-toje to barkəm-rɔɛ̂.

1 Kɔrɛntinyɛje 15:25

Mba maji karə nɔn bbe ndərəng ndɔ kə̂ bɔɛ̂je a kungu njê-baanje laa tɔyn kɔ gɔlɛ̂ tə̂.

Epɛjinyɛje 1:10

Nɛ̂n kə̂ n̂-ndiki ta dda le bbo karɛ̂ asə a, ta mbɔn nɛ̂nje tɔyn kə̂ toje mə dara tə̂ kə nɛ̂nje kə̂ toje dɔ nangə tə̂ kungu kɔ gɔl mbay tə̂ kə̂ kâra baa, kə̂ to Kristə.

Epɛjinyɛje 5:23

Mba dingaw â to dɔ dɛnɛ̂n tokə Kristə to dɔ Egilisi. Kristə le â aji Egilisi kə̂ to da-rɔɛ̂ le.

Kolosinyɛje 1:24

Bbasinɛn maw dda rɔ-nəəl mba ndoo kə̂ maw moo mba tar ləse. Ngaâ, maw moo kəsə ndoo lə Kristə mba Egilisi kə̂ to da-rɔɛ̂.

Kolosinyɛje 2:19

Dinyaje ta nayn kə Kristə kə̂ to tokə dɔ dəw le. Dɔ â aw dda arə da-rɔ tɔyn mbɔn naan to kâra baa. Ddəw tə̂ le dɔ â, mbara-rɔje kə mənrə-rɔje uwaje naan ngaâ ubbaje singa tokə ye kə̂ Lubba ndiki.

1 Jan 1:1

Nɛ̂n kə̂ to kunn-kute tə̂ njaa, nɛ̂n kə̂ joo kə mbije, nɛ̂n kə̂ joo kə kəmje, nɛ̂n kə̂ n-təənn joo kə majɛ̂ ngaâ jɔru kə jije joo le, nɛ̂n le to Tar kə̂ aw arə təbbə dəwje.

Apokalisi 1:18

M-to nje-kisi kəm baa. Ləw moy, a bbasinɛn misi kəm baa kə ndɔ kə ndɔ. Mee kə singa dɔ yo tə̂ ddəm dɔ lo tə̂ lə dəwje kə̂ oyje ddəm.

Apokalisi 1:5

Maji karə Jeju-Kristə kə̂ to nje-tar-naji kə̂ gatə gatə, ne kə̂ n̂-to dɔngɔr dəw kə̂ ndol horo dəwje tə̂ kə̂ oyje ddəm n̂-to Mbay-dɔ-mbayje kə̂ nangə̂ nəənn ddəm n̂-dda kə se mə-maji ngaâ narə məse wul lɔm tɔ. Jeju-Kristə le ndikije ngaâ ɔruje mə majangje tə̂ ləje ddəw məse tə̂.

Apokalisi 1:8

Əbbə-dəwje Lubba pa nan: «M-to Alpa ddəm Omega ddəm. M-to ne kə̂ n̂-to bbokənɛn, ne kə̂ n̂-to ləw kə ne kə̂ naw ddee. M-to nje-singa-mɔngu.»

Apokalisi 11:15

Goe tə̂ a, anjə kə̂ to siri laa to təbbə. Ndu bbar kə singa darâ nan: «Bbasinɛn, kɔn-mbay dɔ nangə tə̂ nəənn təl mə ji Əbbəjeje tə̂ kə mə ji Mesi tə̂ laa. Nâ kɔn-mbay kə ndɔ kə ndɔ.»

Apokalisi 21:6

Ngaâ n̂-pa narəm nan: «Bbayɛ̂ ngaa! M-to Alpa kə Omega, m-to kunn-kutu nɛ̂n ddəm dɔbɔyn nɛ̂n ddəm. Dəw kə̂ kunda ɔɛ̂n a, əman, mâ karɛ̂ maann kə̂ aw arə təbbə nay baa. To maann kə̂ aw in mə nangə tə̂ aw tee.

Apokalisi 22:13

M-to Alpa kə Omega. M-to dɔngɔr dəw ddəm dɔbɔyn dəw ddəm. M-to kunn-kutu nɛ̂n ddəm kɔsu kɔyn nɛ̂n ddəm.»

Apokalisi 3:14

«Ə-dda makəturu ula nɛ̂n arə anjə kə̂ ee Egilisi tə̂ kə̂ Lawodise ə-pa nan: «Tar kə̂ Dəw kə̂ ria nan Amɛnn, ne kə̂ n̂-to nje-tar-naji kə̂ gatə gatə ddəm kə̂ tɔkɔrɔ ddəm ne kə̂ nee kunn-kutu nɛ̂nje tə̂ kə̂ Lubba dda n̂-pa â nəənn: