Tar kə̂ Maji kə̂ Jan dda makəturu tə̂ 9:7 - Dɔnɔn kə̂ Siki: Tar kə̂ aw arə təbbə

⁷ Goe tə̂ a, n̂-pa narə nje-kəm-tɔ le nan: «Aw toko kəmi maann tə̂ kə̂ Silowe.» Silowe le kandɛ̂ nan: «Ngonn nje-kula.» Nje-kəm-tɔ le aw toko kəmɛ̂ maann tə̂ le ngaâ təl a, oo lo.

Tar kə̂ Maji kə̂ Jan dda makəturu tə̂ 9:7 Iomraidhean Croise

Matiye 11:5

Ə-paje nan: ‹Njê-kəm-tɔje ooje lo, njê-gɔl-gotoje njaje, banji lə dəwje goto rɔde tə̂ kə ddang, njê-mbi-kutuje ooje tar, dəwje kə̂ oyje ndolje ngaâ njê-ndooje ooje Tar kə̂ Maji.›

Luku 13:4

Tɔ bbay, dəwje dɔku gire jijoo kə̂ kəy kə̂ ndəw kə̂ Silowe oso dɔde tə̂ tɔlde le, dede â n̂-ddaje maji ang dutaje kəsə dəwje kə̂ Jerujalɛm tɔyn wa?

Luku 2:32

to lo-karɛ kə̂ a kɔru kəm dəwje kə̂ dɔ nangə tə̂, dəwje kə̂ toje to Jiipije ang ddəm to nɛ̂n kə̂ a kɔsu gaji ngann Ijarayɛlje ddəm.»

Tar kə̂ Maji kə̂ Jan dda makəturu tə̂ 10:36

A əman kə̂ Bɔ undam dang ngaâ ulam dɔ nangə tə̂, m-pa nan m-to Ngonn lə Lubba a, mba ddi bba ə-paje nan maw tuju ri Lubba wa?

Tar kə̂ Maji kə̂ Jan dda makəturu tə̂ 11:37

A marɛ̂je paje nan: «Ne kə̂ n̂-dda narə kəm nje-kəm-tɔ təəyn le, nasə ta dda karə Lajar nayn kəm baa ang wa?»

Tar kə̂ Maji kə̂ Jan dda makəturu tə̂ 9:11

Nilade tə̂ nan: «Dingaw kə̂ daw bbarɛ̂ nan Jeju le â dda bərə ratə kəmʼm tə̂ ngaâ pa arəm nan maw toko kəm maann tə̂ kə̂ Silowe. Yeenn bba, maw toko kəmʼm le kə tə̂, a bbasinɛn moo lo ngaa.»

Tar kə̂ Maji kə̂ Jan dda makəturu tə̂ 9:39

Goe tə̂ a, Jeju pa nan: «M-ddee dɔ nangə tə̂ nəənn ta gangə sariya, yeenn bba karə dəwje kə̂ ooje lo ang, ooje lo ngaâ ta karə dəwje kə̂ aw ooje lo, ooje lo ang ngaa.»

Kulaje 26:18

Mulai rɔde tə̂ karə ə-təəyn kəmde ta ɔrude lo ndul tə̂ ə-tee kə de lo-karɛ tə̂. Karə ɔrude ji Satan tə̂ kə̂ ɔn dɔde ə-ddee kə de rɔ Lubba tə̂. Yeenn bba Lubba a kɔru tar majang ləde dɔde tə̂ ngaâ dâ kingaje lo horo dəwje tə̂ kə̂ ooje məde tə̂ səm kə̂ majije tɔyn.› »

Rɔmɛnje 8:3

Lubba dda nɛ̂n kə̂ ndu lə Mɔyijə asə ta dda ang, mba da-rɔ dəw kə̂ ubba singa ang dda arə Ndu le dda kula ang. Nɛ̂n kə̂ Lubba dda le to Ngonnɛ̂ njaa kə̂ nulɛ̂ narə unn da-rɔ kə̂ to tokə da-rɔ dəw kə̂ to nje-nɛ̂n-dda kə̂ maji ang, mba kɔru nɛ̂n dəwje mə majang tə̂. Ddəw tə̂ənn le. Lubba gangə sariya dɔ majang tə̂ kə̂ to mə da-rɔ dəwje tə̂.

Galatəje 4:4

A tokə karɛ̂ asə a, Lubba ula Ngonnɛ̂, dɛnɛ̂n uje, n̂-ngəmɛ̂ kɔ Ndu tə̂ lə Mɔyijə,