Tar kə̂ Maji kə̂ Jan dda makəturu tə̂ 9:34 - Dɔnɔn kə̂ Siki: Tar kə̂ aw arə təbbə

³⁴ Parijinyɛje le ilɛ̂je tə̂ nan: «Duji mə majang tə̂ ngaâ ə-tɔku məɛ tə̂. A ə-ndiki ta tɔjuje nɛ̂n wa?» Yeenn ngaâ n̂-tubbɛ̂je kəy-mbɔ-naan tə̂ le.

Tar kə̂ Maji kə̂ Jan dda makəturu tə̂ 9:34 Iomraidhean Croise

Luku 11:45

Marə nje-gərə-Ndu pa arə Jeju nan: «Nje-nɛ̂n-tɔju, tar kə̂ aw pa nəənn, jeje â aw tajije tɔ.»

Luku 14:11

Tɔkɔrɔ, dəw kə̂ dda rɔɛ̂ bo a, dâ dda karə n̂-ddee ngaji baa. A dəw kə̂ dda rɔɛ̂ ngaji, dâ dda karə n̂-ddee bo.»

Luku 18:17

Tɔkɔrɔ, m-pa marəse: Dəw kə̂ taa Bbe-kɔn lə Lubba kə rɔɛ̂ tə̂ tokə ngonn-kasə ang a, a kandə tə̂ ang.»

Luku 6:22

Bbo dəwje mbətəse, dəwje tubbase, dəwje tajise ngaâ paje tar ləse maji ang mba Ngonn lə dəw a, Maji arəse!

Tar kə̂ Maji kə̂ Jan dda makəturu tə̂ 6:37

Dəwje tɔyn kə̂ Bɔmje arəm a ddeeje rɔm tə̂. Ngaâ dəw kə̂ ddee rɔm tə̂ a, mâ kilɛ̂ ddaka ang.

Tar kə̂ Maji kə̂ Jan dda makəturu tə̂ 8:41

Sese, aw ddaje kula-dda lə bɔsese.» Dilɛ̂je tə̂ nan: «N-to ngann kayaje ang, Bɔjeje kâra baa to Lubba.»

Tar kə̂ Maji kə̂ Jan dda makəturu tə̂ 9:2

Njê-njaje goe tə̂ dujeje nan: «Nje-nɛ̂n-tɔju, majang le nân bba dda arə duje to nje-kəm-tɔ wa? Majang laa njaa wase majang lə njê-kujeje wa?»

Tar kə̂ Maji kə̂ Jan dda makəturu tə̂ 9:22

N̂-paje baann mba n̂-bbəəlje njê-kɔnje dɔ Jiipije. Mba dooje ta naan ta bbo dəw njaa pa kə ddaka nan Jeju to Mesi a, tubba dəw le kəy mbɔn-naan tə̂ ləde kə ddang.

Tar kə̂ Maji kə̂ Jan dda makəturu tə̂ 9:35

Jeju oo nan Parijinyɛje tubbaje dəw kə̂ kəmɛ̂ təəyn le kəy mbɔn-naan tə̂ ləde. Naw ningɛ̂ ngaâ n̂-duje nan: «Oo məi tə̂ kə Ngonn lə dəw wa?»

Tar kə̂ Maji kə̂ Jan dda makəturu tə̂ 9:40

Marə Parijinyɛje kə̂ eeje tə̂ənn le ooje tar lə Jeju le ngaâ dujeje nan: «Jeje kara n-to njê-kəm-tɔje tɔ wa?»

Galatəje 2:15

Jeje, gəl-kujuje tə̂ nu njaa n-toje to Jiipije. N-to kəsə gəl-dəwje kə̂ toje to njê-nɛ̂n-ddaje kə̂ maji ang nəənn le ang.

Epɛjinyɛje 2:3

Ləw, jeje tɔyn njaa jee horo dəwje tə̂ənn le mba jaw nja ddəw bbo kə̂ da-rɔ tə̂: Jaw dda nɛ̂nje ddəw bbo kə̂ da-rɔje tə̂ kə ddəw kəjəje tə̂ ləje kə̂ maji ang. Jeje kara, n-to ddəw kâra baa kə kəsə dəwje kə̂ asə karə wungu lə Lubba to dɔde tə̂.

1 Piyɛr 5:5

Ddəw kâra baa, basanje, maji karə ooje ta dəwje kə̂ dɔ Egilisi tə̂. Sese tɔyn, ə-ddaje rɔse ngaji arəje naan, mba Makəturu lə Lubba pa nan: Lubba mbətə tar lə dəwje kə̂ ooje rɔde bo, a n̂-dda mə-maji kə dəwje kə̂ dda rɔde ngaji.

3 Jan 1:10

Yeenn a, ndɔ kə̂ m-tee horose tə̂ a, mâ kole məse dɔ kula-ddɛɛ̂ tə̂, mba Diyoterepə le tuju rije. Dɔɛ̂ tə̂ bbay, n̂-təl n̂-mbətə ta kuwa ngakɔnjeje kə̂ mə Kristə tə̂ kə rɔɛ̂ tə̂. Nɔku ddəw dəwje kə̂ ndiki ta kuwade kə rɔde tə̂ ddəm n̂-tubbade lo mbɔn-naan tə̂ ddəm.

3 Jan 1:9

Mula kə gɔju makəturu marə Egilisi. A Diyoterepə kə̂ ndiki ta karə ne njaa bba nee dɔ nɛ̂nje tə̂ tɔyn le aa lo kə tar tə̂ ləje le ang.

Apokalisi 13:17

Dəw kə̂ əndaji le to rɔɛ̂ tə̂ ang a, a kasə ndoko nɛ̂n ang ddəm a kasə labbə nɛ̂n ang ddəm. Əndaji le to ri da le, ang a, nimɔrɔ ria.