Tar kə̂ Maji kə̂ Jan dda makəturu tə̂ 8:44 - Dɔnɔn kə̂ Siki: Tar kə̂ aw arə təbbə

⁴⁴ Bɔsese to əsu le arə ə-ndikije ta dda nɛ̂n kə̂ bɔsese ndiki. N̂-to nje-tɔl dəwje kunn-kutu nɛ̂n tə̂ nu. Nar dɔ tar tə̂ kə̂ tɔkɔrɔ ndɔ kâra ang, mba tar kə̂ tɔkɔrɔ to məɛ̂ tə̂ ang. Bbo naw nərə ngəm a, to tarje kə̂ inje məɛ̂ tə̂ njaa â naw pa. Mba n̂-to nje-ngəm ddəm n̂-to bɔ ngəm ddəm.

Tar kə̂ Maji kə̂ Jan dda makəturu tə̂ 8:44 Iomraidhean Croise

Matiye 12:34

See əmbakaraje. Sese kə̂ ə-majije ang le, â kasəje ta pa tar kə̂ maji tokə baânn wa? Mba tarje kə̂ ddusu mə dəw â aw teeje tɛɛ̂ tə̂.

Matiye 13:15

Mba dɔ dəwje nəənn kətərə nya. Dutuje mbide bba ta koo tar ang, n̂-bbirije kəmde bba ta koo lo ang, Yeenn bba, n̂-gərəje kandə tar ang. Ngaâ, n̂-turuje məde bba karə majide rɔ-toje tə̂ ləde ang.›

Matiye 13:38

Ndɔɔ le to duninya nəənn. Ko kə̂ maji le to dəwje kə̂ mə Bbe-kɔn tə̂ le. A mu kə̂ maji ang le to dəwje kə̂ toje to lə Nje-mə-majang.

Tar kə̂ Maji kə̂ Jan dda makəturu tə̂ 6:70

Jeju ilade tə̂ nan: «Əman â m-mbərəse, see njê-kaw-kulaje kə̂ dɔku gire joo nəənn ang wa? A marə dəw horose tə̂ to marə əsu.»

Tar kə̂ Maji kə̂ Jan dda makəturu tə̂ 7:17

Dəw kə̂ ndiki ta dda nɛ̂n kə̂ mə Lubba ndiki a, a gərə se nɛ̂n-tɔju ləm in rɔ Lubba tə̂ wase tarje kə̂ məm tə̂ njaa maw pa wa.

Tar kə̂ Maji kə̂ Jan dda makəturu tə̂ 8:38

Əman, nɛ̂n kə̂ moo rɔ Bɔmje tə̂ â maw pa tarɛ̂. A sese, nɛ̂n kə̂ bɔsese pa arəse â aw ddaje.»

Tar kə̂ Maji kə̂ Jan dda makəturu tə̂ 8:41

Sese, aw ddaje kula-dda lə bɔsese.» Dilɛ̂je tə̂ nan: «N-to ngann kayaje ang, Bɔjeje kâra baa to Lubba.»

Tar kə̂ Maji kə̂ Jan dda makəturu tə̂ 8:55

A ə-gərəje Lubba le ang, əman m-gəre. Bbo m-pa nan m-gəre ang a, mâ to nje-ngəm tokə sese. A m-gəre arə maw ngəm tarje laa.

Kulaje 13:10

pa arɛ̂ nan: «Əi, nje-ngəm kə nje-kula dəwje naan tə̂, ngonn lə Əsu, əi kə̂ ə-ndiki nɛ̂n kə̂ gatə gatə ang, ndɔ kə̂ dda bba â kunda ngangə turu nɛ̂nje kə̂ ndɔju kə̂ Əbbə-dəwje gɔl wa?

Kulaje 24:9

Jiipije ndikije tar tə̂ le tɔ ngaâ paje nan tar le to tar kə̂ tɔkɔrɔ.

Kulaje 5:3

A Piyɛr pa nan: «Ananiyas, mba ddi bba inya arə Satan andə məi tə̂ wa? Ɔru dəbbə narɛ ndɔɔ ləi le ə-ngəm to ləi, a ə-pa tar ngəm arə Ndil-mə-nda.

2 Kɔrɛntinyɛje 11:3

A tokə li ərə Ɛbə le, m-bbəəl mba karə kəjə ləse təl turu ngaâ karə awje ddəw əw kə Kristə kə̂ unnje rɔse tɔyn arɛ̂je kə mə-kâra le.

1 Piyɛr 5:8

Maji karə ə-gərəje dɔ jise. Arəje kəmse kətərə. Əsu kə̂ to Nje-baan ləse aw gukuse tokə lə ənam kə̂ aw nɔn. Naw sangə dəw ta kusɛ̂.

2 Piyɛr 2:4

Mba anjəje kə̂ ddaje majang le, Lubba inyade ddekeke njaa baann ang. Lubba ungude mə buwa tə̂ kə̂ il biti biti arə n̂-naynje tə̂ daw nginanje ndɔ sariya.

1 Jan 1:8

Bbo n-paje nan n-ddaje majang ang a, jeje njaa jaw jərəje rɔje ngaâ tar kə̂ tɔkɔrɔ to məje tə̂ ang.

1 Jan 2:21

Ə-gərəje tar kə̂ tɔkɔrɔ mban ngaâ ə-gərəje to ngəm in mə tar kə̂ tɔkɔrɔ tə̂ ang. Mba yeenn bba, m-dda makəturu nəənn marəse.

1 Jan 2:4

Bbo marə dəw pa nan n̂-gərə Lubba, a n̂-ngəm nduje laa ang a, n̂-to nje-ngəm ngaâ tar kə̂ tɔkɔrɔ to məɛ̂ tə̂ ang.

1 Jan 3:12

Maji karə n-ddaje nɛ̂n tokə lə Kayn ang. Kayn le to dəw lə Nje-mə-majang arə nuja gɔsu ngokɔɛ̂n. Nuja gɔsɛ̂ mba ddi wa? Mba kula-ddaje laa maji ang, a kula-ddaje lə ngokɔɛ̂n to gatə gatə.

1 Jan 3:15

Dəw kə̂ mbətə ngokɔɛ̂n to nje-tɔl dəw, a ə-gərəje to nje-tɔl dəw ee kə təbbə kə̂ to kə ndɔ kə ndɔ ang.

Judə 1:6

Oleje məse dɔ tar tə̂ lə anjəje kə̂ ngəmje lo ləde kə̂ Lubba arəde ang, a tusuje lo ləde inyaje le, Əbbə-dəwje tɔde ungude lo tə̂ kə̂ il biti biti nyɔm mba ngəbbə nɛ̂n tɔkə ndɔ sariya.

Apokalisi 12:9

Dunn tɔkə da le, ne li kə̂ ləw baa kə̂ daw bbarɛ̂ nan Əsu, Satan, ne nje-kərə dəwje kə̂ dɔ nangə tə̂ tɔyn le, ne kə anjəje laa le n̂-tutade n̂-tilade dɔ nangə tə̂.

Apokalisi 13:14

Nərə dəwje kə̂ dɔ nangə tə̂ ddəw nɛ̂n-mɔrije tə̂ kə̂ darɛ̂ singa karə n̂-dda dɔ kəm da tə̂ kə̂ in mə maann tə̂ tee le, narə dəwje le ddaje marə kɔr kə̂ unn da-rɔ da kə̂ inga do tɔkə kiya, a nayn kəm baa le.

Apokalisi 2:10

 koo ndoo, a arə bbəəle ddai ang. Əsu a kila marə dəwje ləse kəy-kula tə̂ mba nan nɛ̂n se. Dâ dda singa kə se ndɔ dɔku. Maji karə uwa arə ngəng ndərəng oy nɛ̂n a, mâ kari təbbə kə̂ to kə ndɔ kə ndɔ to əjɔkudɔ.

Apokalisi 21:8

A njê-bbəəlje, njê kə̂ tusuje mə-kunn inyaje, njê-nɛ̂n-ddaje kə̂ maji ang, njê-tɔlje dəwje, njê-ddaje lo-to-majang, njê-maalje, njê-poloje kɔr kə njê-ngəmje tɔyn, lo ləde to mə ndakə puru kə supərə tə̂. Yeenn to yo kə̂ gɔl joo laa.»

Apokalisi 22:15

See dəwje kə̂ ə-toje tokə lə bisije, njê-maalje kə njê-ddaje lo-to-majang, njê-tɔlje dəwje, njê-poloje kɔr, njê kə̂ ndikije ngəm ddəm aw ərəje ngəm ddəm ə-naynje ddaka nunn.

Apokalisi 9:11

Tɔkə mbay ləde to anjə kə̂ to mə tɔkə buwa tə̂ kə̂ sunrɛ̂ goto le. Ria kə ndɔn-tar lə ebərəje nan Abadɔn, a kə ndɔn-tar lə gerekəje nan Apolinyɔ. Kandə ri le nan «Nje-nɛ̂n-tuju».