Tar kə̂ Maji kə̂ Jan dda makəturu tə̂ 8:21 - Dɔnɔn kə̂ Siki: Tar kə̂ aw arə təbbə

²¹ Jeju pa arəde bbay nan: «Mâ kaw ngaâ â sangəmje, a â koyje mə majang tə̂ ləse. Asəje ta kaw lo tə̂ kə̂ maw maw kə tə̂ le ang.»

Tar kə̂ Maji kə̂ Jan dda makəturu tə̂ 8:21 Iomraidhean Croise

Matiye 23:39

Mba, m-pa marəse, unn kute bbokonɛn, â koomje ang ngaa ndərəng ndɔ kə̂ â paje nan: ‹Maji karə Lubba bbar tar kə̂ maji dɔ dəw tə̂ kə̂ ddee kə ri Əbbə-dəwje.› »

Matiye 25:41

«Goe tə̂ a, nâ pa karə njê kə̂ eeje dɔ ji-gəle tə̂ le nan: ‹Ɔtuje mbɔrəm tə̂ kə ddang, sese kə̂ ndu-ndɔɔl to dɔse tə̂. Awje dann puru tə̂ kə̂ aw ɔn kə ndɔ kə ndɔ, kə̂ Lubba gɔl mba əsu kə anjəje laa.

Matiye 25:46

Dâ kaw koo ndoo kə ndɔ kə ndɔ, a njê kə̂ ddaje nɛ̂n kə̂ mə Lubba ndiki le a kisije kə təbbə kə̂ to kə ndɔ kə ndɔ.»

Tar kə̂ Maji kə̂ Jan dda makəturu tə̂ 12:33

Jeju pa tarjeenn ta tɔju nɛ̂n yo kə̂ nâ koy.

Tar kə̂ Maji kə̂ Jan dda makəturu tə̂ 12:35

Jeju ilade tə̂ nan: «Lo-karɛ nayn horose tə̂ mba gɔju kar bbay. Maji karə ə-njaje kar tə̂ kə̂ lo-karɛ le nayn horose tə̂ bbay, yeenn bba lo ndul a tee dɔse tə̂ busu ang. Mba dəw kə̂ aw nja lo ndul tə̂ gərə lo kə̂ aw aw kə tə̂ ang.

Tar kə̂ Maji kə̂ Jan dda makəturu tə̂ 13:33

Njê-buwa-njaje ləm kə̂ m-ndikise nya, m-nayn kə se bbay mba gɔju kar baa ngaa. Â sangəmje, a tokə m-pa marə Jiipije le, sese kara m-pa marəse bbasinɛn tɔ: Lo kə̂ maw maw tə̂ le, â kasəje ta kaw tə̂ ang.

Tar kə̂ Maji kə̂ Jan dda makəturu tə̂ 7:34

 sangəmje, a â kingamje ang, mba lo kə̂ mâ kaw tə̂ le, â kasəje ta kaw tə̂ ang.»

Tar kə̂ Maji kə̂ Jan dda makəturu tə̂ 7:36

N̂-pa narəje nan: ‹A sangəmje, a â kingamje ang, mba asəje ta kaw lo tə̂ kə̂ maw maw tə̂ ang. Nâ ta pa nan ddi â nəənn wa?› »

Tar kə̂ Maji kə̂ Jan dda makəturu tə̂ 8:24

Mba yeenn bba, m-pa marəse m-pa nan, a koyje mə majangje tə̂ ləse. Mba, Əman, ‹M-to›, â bbo ooje nɛ̂n məse tə̂ ang a, â koyje mə majangje tə̂ ləse.»

Epɛjinyɛje 2:1

Ləw, kəm Lubba tə̂, ə-toje tokə lə dəwje kə̂ oy mba nɛ̂n-ddaje ləse kə̂ to kə dɔgɔlɛ̂ ang ddəm nɛ̂n-ddaje kə̂ maji ang ddəm.