Tar kə̂ Maji kə̂ Jan dda makəturu tə̂ 8:14 - Dɔnɔn kə̂ Siki: Tar kə̂ aw arə təbbə

¹⁴ Jeju ilade tə̂ nan: «Tɔkɔrɔ, əman njaa maw pa tar-naji ləm. A tar-naji ləm le to tar kə̂ tɔkɔrɔ. Mba m-gərə lo kə̂ min tə̂ bba m-ddee. Ngaâ m-gərə lo kə̂ maw maw kə tə̂. A sese, ə-gərəje lo kə̂ min tə̂ ang ddəm lo kə̂ maw maw kə tə̂ ang ddəm.

Tar kə̂ Maji kə̂ Jan dda makəturu tə̂ 8:14 Iomraidhean Croise

Tar kə̂ Maji kə̂ Jan dda makəturu tə̂ 10:15

tokə Bɔ gərəm ngaâ m-gərə Bɔ tɔ le. Munn təbbə ləm marə mba batəje ləm.

Tar kə̂ Maji kə̂ Jan dda makəturu tə̂ 10:36

A əman kə̂ Bɔ undam dang ngaâ ulam dɔ nangə tə̂, m-pa nan m-to Ngonn lə Lubba a, mba ddi bba ə-paje nan maw tuju ri Lubba wa?

Tar kə̂ Maji kə̂ Jan dda makəturu tə̂ 13:3

Jeju gərə to Bɔ inya nɛ̂n tɔyn mə jia tə̂ ngaâ nin rɔ Lubba tə̂ bba n̂-ddee arə nâ təl kə rɔɛ̂ tə̂.

Tar kə̂ Maji kə̂ Jan dda makəturu tə̂ 14:10

Oo məi tə̂ kə tar nəənn ang wa? Mee mə Bɔ tə̂ ngaâ Bɔ ee məm tə̂. Tarje kə̂ maw pa in rɔm tə̂ njaa ang. Bɔ kə̂ ee məm tə̂ â aw dda kulajeenn.

Tar kə̂ Maji kə̂ Jan dda makəturu tə̂ 16:28

Min rɔ Bɔy tə̂ bba m-ddee duninya tə̂. Bbasinɛn, maw minya duninya ta təl kə rɔ Bɔy tə̂.»

Tar kə̂ Maji kə̂ Jan dda makəturu tə̂ 17:8

mba m-ndaji tar kə̂ ə-pa arəm marəde ngaâ n̂-taaje. N̂-gərəje to min rɔi tə̂ bba m-ddee tokə tɔkɔrɔ ngaâ dooje məde tə̂ to əi â ulam.

Tar kə̂ Maji kə̂ Jan dda makəturu tə̂ 18:37

Pilatə duje nan: «Yeenn a, ə-to tɔkə mbay wa?» Jeju ilɛ̂ tə̂ nan: «Əi njaa ə-pa. M-to tɔkə mbay. Nɛ̂n kə̂ dujum mbɛɛ̂ ngaâ nɛ̂n kə̂ m-ddee duninya tə̂ mbɛɛ̂ â nəənn: M-ddee ta kɔru naji lə tar kə̂ tɔkɔrɔ. Dəw kə̂ to ənga tar kə̂ tɔkɔrɔ aw oo tar kə̂ maw pa.»

Tar kə̂ Maji kə̂ Jan dda makəturu tə̂ 5:31

«Bbo əman njaa maw pa tar-naji ləm a, tar-naji ləm kə̂ maw pa le to tar kə̂ tɔkɔrɔ ang.

Tar kə̂ Maji kə̂ Jan dda makəturu tə̂ 8:42

Jeju pa arəde nan: «Bbo Lubba to Bɔsese a, â ndikimje. Mba min rɔ Lubba tə̂ bba m-ddee. Əman njaa m-ddee kə dɔm baa ang, ne â nulam.

2 Kɔrɛntinyɛje 11:31

Lubba kə̂ Bɔ Əbbə-dəwje Jeju, kə̂ dəwje aw piteje kə ndɔ kə ndɔ gərə to maw mərə ngəm ang.

2 Kɔrɛntinyɛje 12:11

Ə-ddaje arə m-ddee tokə nje-wooy ngaa. Sese â to tar ləse ta pa tar ləm maji. Mba le m-to marə nɛ̂n ang kara, njê-kaw-kulaje kə̂ ooje rɔde to nutamje le, utamje kə̂ marə nɛ̂n kâra ang.

2 Kɔrɛntinyɛje 12:19

Aw əjəje ləw baa to jaw ko rɔje nɔnse tə̂ wa? Baann ang. Kəm Lubba tə̂, ddəw tə̂ lə Kristə â jaw pa tar nəənn. See ngakɔnje kə̂ n-ndikise nya, jaw pa tarje nəənn tɔyn jarəse bba karə mə-kunn ləse ubba singa.

Apokalisi 1:5

Maji karə Jeju-Kristə kə̂ to nje-tar-naji kə̂ gatə gatə, ne kə̂ n̂-to dɔngɔr dəw kə̂ ndol horo dəwje tə̂ kə̂ oyje ddəm n̂-to Mbay-dɔ-mbayje kə̂ nangə̂ nəənn ddəm n̂-dda kə se mə-maji ngaâ narə məse wul lɔm tɔ. Jeju-Kristə le ndikije ngaâ ɔruje mə majangje tə̂ ləje ddəw məse tə̂.

Apokalisi 3:14

«Ə-dda makəturu ula nɛ̂n arə anjə kə̂ ee Egilisi tə̂ kə̂ Lawodise ə-pa nan: «Tar kə̂ Dəw kə̂ ria nan Amɛnn, ne kə̂ n̂-to nje-tar-naji kə̂ gatə gatə ddəm kə̂ tɔkɔrɔ ddəm ne kə̂ nee kunn-kutu nɛ̂nje tə̂ kə̂ Lubba dda n̂-pa â nəənn: