Tar kə̂ Maji kə̂ Jan dda makəturu tə̂ 8:12 - Dɔnɔn kə̂ Siki: Tar kə̂ aw arə təbbə

¹² Jeju təl pa tar arə dəwje kə̂ banya le bbay nan: «Əman â m-to lo-karɛ kə̂ dɔ nangə tə̂. Dəw kə̂ unn gom a, a nja lo ndul tə̂ ang. Nâ kinga lo-karɛ kə̂ aw arə təbbə.»

Tar kə̂ Maji kə̂ Jan dda makəturu tə̂ 8:12 Iomraidhean Croise

Matiye 5:14

«Ə-toje to lo-karɛ kə̂ duninya tə̂ nəənn. Bbe kə̂ n̂-dda dɔ ddingiri tə̂ a kasə kiya rɔɛ̂ ang.

Luku 2:32

to lo-karɛ kə̂ a kɔru kəm dəwje kə̂ dɔ nangə tə̂, dəwje kə̂ toje to Jiipije ang ddəm to nɛ̂n kə̂ a kɔsu gaji ngann Ijarayɛlje ddəm.»

Tar kə̂ Maji kə̂ Jan dda makəturu tə̂ 12:35

Jeju ilade tə̂ nan: «Lo-karɛ nayn horose tə̂ mba gɔju kar bbay. Maji karə ə-njaje kar tə̂ kə̂ lo-karɛ le nayn horose tə̂ bbay, yeenn bba lo ndul a tee dɔse tə̂ busu ang. Mba dəw kə̂ aw nja lo ndul tə̂ gərə lo kə̂ aw aw kə tə̂ ang.

Tar kə̂ Maji kə̂ Jan dda makəturu tə̂ 12:36

Kar kə̂ ə-naynje lo-karɛ tə̂ bbay nəənn le, maji karə ooje məse tə̂ kə lo-karɛ le. Baann bba â ddeeje to dəwje kə̂ lo-karɛ tə̂.» Jeju pa tar arəde baann ngaâ ɔtu aw iya rɔɛ̂ ddəw əw kə de.

Tar kə̂ Maji kə̂ Jan dda makəturu tə̂ 12:46

Əman, m-to lo-karɛ, m-ddee dɔ nangə tə̂ karə dəw kə̂ unn məɛ̂ arəm a, nayn lo ndul tə̂ ang.

Tar kə̂ Maji kə̂ Jan dda makəturu tə̂ 14:6

Jeju ilɛ̂ tə̂ nan: «M-to ddəw, m-to tar kə̂ tɔkɔrɔ, m-to təbbə. Dəw kâra a kasə tee rɔ Bɔ tə̂ kə ddəw kə̂ dang ang, ddəw tə̂ ləm kâra baa.

Tar kə̂ Maji kə̂ Jan dda makəturu tə̂ 3:19

«Sariya le tokə be: Lo-karɛ ddee dɔ nangə tə̂, a dəwje mbətəje lo-karɛ le, a lo ndul â n̂-ndikije, mba kula-ddade maji ang.

Tar kə̂ Maji kə̂ Jan dda makəturu tə̂ 7:17

Dəw kə̂ ndiki ta dda nɛ̂n kə̂ mə Lubba ndiki a, a gərə se nɛ̂n-tɔju ləm in rɔ Lubba tə̂ wase tarje kə̂ məm tə̂ njaa maw pa wa.

Tar kə̂ Maji kə̂ Jan dda makəturu tə̂ 9:5

Kar tə̂ nəənn kə̂ m-nayn duninya tə̂ bbay le, m-to lo-karɛ kə̂ duninya tə̂.»

Kulaje 13:47

Mba, ndu kə̂ jinga ta Əbbə-dəwje tə̂ njaa nan: ‹Mundai karə ə-ndoko horo kəsə gəl-dəwje tə̂, karə ta ə-nja kə tar kaji nəənn kɔyn nangə tə̂ tɔyn.›»

Kulaje 26:23

N̂-paje nan Kristə a koo ndoo. Horo dəwje tə̂ kə̂ oyje nâ to dɔngɔr dəw kə̂ a ndol ngaâ nâ kila mbər lo-karɛ karə Jiipije kə dəwje kə̂ toje to Jiipije ang.»

2 Piyɛr 2:17

Njê-nɛ̂n-tɔjuje kə̂ tɔkɔrɔ ang le toje tokə lə buwa-maann kə̂ maann goto tə̂ ddəm ndi kə̂ il kə̂ bamburanbo ɔsu ɔtu nɛ̂n ddəm. Lubba ngəm lo kə̂ il biti biti aw nginan nɛ̂n de.

2 Piyɛr 2:4

Mba anjəje kə̂ ddaje majang le, Lubba inyade ddekeke njaa baann ang. Lubba ungude mə buwa tə̂ kə̂ il biti biti arə n̂-naynje tə̂ daw nginanje ndɔ sariya.

1 Jan 1:6

Bbo n-pa nan jaw ddaje mə-kâra kə Lubba, bba n-təlje jaw njaje lo ndul tə̂ a, jaw jərəje ngəm ngaâ n-ddaje nɛ̂n kə̂ tɔkɔrɔ ang.

Judə 1:13

Daw teeje kə nɛ̂n-rɔ-kul ləde kə̂ n̂-ddaje kə ddaka tokə maann kə̂ aw ləngə kə singa ngaâ aw ubbu njum-tɛɛ̂. N̂-toje tokə əndɛtɛrɛndɛnje kə̂ arje lo kâra ang kə̂ Lubba ngəm marə lo kə̂ il biti biti kə̂ a to kə ndɔ kə ndɔ mbade.

Judə 1:6

Oleje məse dɔ tar tə̂ lə anjəje kə̂ ngəmje lo ləde kə̂ Lubba arəde ang, a tusuje lo ləde inyaje le, Əbbə-dəwje tɔde ungude lo tə̂ kə̂ il biti biti nyɔm mba ngəbbə nɛ̂n tɔkə ndɔ sariya.

Apokalisi 21:24

Gəl-dəwje a njaje lo-karɛ tə̂ lə tɔkə bbe le ngaâ tɔkə mbayje kə̂ dɔ nangə tə̂ a ddeeje kə nɛ̂n-pitije ləde məɛ tə̂.