Tar kə̂ Maji kə̂ Jan dda makəturu tə̂ 7:4 - Dɔnɔn kə̂ Siki: Tar kə̂ aw arə təbbə

⁴ Dəw kə̂ ndiki karə dəwje gəreje a dda nɛ̂n lo-kiyɛ̂ tə̂ ang. Aw ə-dda nɛ̂nje kə̂ bo nya. Yeenn a, ə-tɔju rɔi arə dəwje kə̂ dɔ nangə tə̂ gərije.»

Tar kə̂ Maji kə̂ Jan dda makəturu tə̂ 7:4 Iomraidhean Croise

Matiye 23:5

Daw ddaje nɛ̂nje tɔyn mba karə dəwje aajede. Mba yeenn bba, daw ddaje bbɔl əndaarje darə bo ngaâ daw dunguje makəturuje lə Lubba məɛ tə̂ ngaâ n̂-ddaje ta-kubbuje ləde darə ngal.

Matiye 4:6

ngaâ n̂-pa narɛ̂ nan: «Bbo ə-to Ngonn lə Lubba a, aal dɔ kəy tə̂ nəənn uru nangə̂, mba Makəturu lə Lubba pa nan: ‹Lubba a kunn ndu karə anjəje laa mbai, ngaâ dâ lai to la, karə gɔli dar ər ang.› »

Matiye 6:16

«Bbo ɔkuje rɔse nɛ̂n-kusa a, ə-tɔjuje to isije kə rɔ-katə tokə njê-ngəmje aw ddaje le ang. Daw tɔjuje dɔ kəmde tə̂ to daw dɔkuje rɔde nɛ̂n-kusa. M-pa marəse, to tar kə̂ tɔkɔrɔ, dingaje kuka ləde mban.

Matiye 6:5

«Bbo aw dujuje Lubba a, ə-ddaje tokə lə njê-ngəmje ang. Dede, n̂-ndikije nya ta kar taar bba duju Lubba mə kəy mbɔn-naanje tə̂ wase tɔ-ddəwje tə̂ karə dəwje tɔyn oojede. Tɔkɔrɔ njaa, m-pa marəse, dingaje kuka ləde mban.

Luku 6:45

Nɛ̂nje kə̂ maji inje mə dəw tə̂ kə̂ maji. A nɛ̂nje kə̂ maji ang inje mə dəw tə̂ kə̂ maji ang. Mba nɛ̂n kə̂ ddusu mə dəw â aw tee ddəw tar tə̂ kə̂ tɛɛ̂ tə̂.»

Tar kə̂ Maji kə̂ Jan dda makəturu tə̂ 18:20

Jeju ilɛ̂ tə̂ nan: «M-pa tar kə ddaka marə dəwje kə̂ duninya tə̂ tɔyn. M-tɔju nɛ̂n kə ndɔ tɔyn mə kəy mbɔn-naanje tə̂ kə mə kəy-polo Lubba tə̂ kə̂ Jiipije tɔyn aw mbɔnje naan tə̂. M-pa marə tar lo-kiyɛ̂ tə̂ ang.

Tar kə̂ Maji kə̂ Jan dda makəturu tə̂ 7:3

Ngakɔn Jeju paje arɛ̂je nan: «Ɔtu lo tə̂ nəənn bbo aw nangə Jude tə̂, arə njê-njaje goi tə̂ kara ooje kulaje kə̂ aw dda tɔ.

Tar kə̂ Maji kə̂ Jan dda makəturu tə̂ 7:5

Mba ngakɔn Jeju kara ooje məde tə̂ saa ang.