Tar kə̂ Maji kə̂ Jan dda makəturu tə̂ 7:37 - Dɔnɔn kə̂ Siki: Tar kə̂ aw arə təbbə

³⁷ Ddutu ndɔ kusu tə̂ kə̂ to ndɔ kə̂ ngəng nya njaa, Jeju ar taar ngaâ pa nan: «Bbo kunda ɔn marə dəw a, maji karə n̂-ddee rɔm tə̂, nay maann.

Tar kə̂ Maji kə̂ Jan dda makəturu tə̂ 7:37 Iomraidhean Croise

Matiye 11:28

«Ə-ddeeje rɔm tə̂, sese tɔyn kə̂ nɛ̂n-koto aw ɔɔyse arə singase ɔru, mâ karə uwaje rɔse.

Matiye 3:3

Jan nəənn le â Ejayi kə̂ to nje-kila mbər tar lə Lubba pa tar laa ləw nan: «Marə dəw aw ila mbər mə kɔr tə̂ nan: ‹Ə-ddaje ddəw lə Əbbə-dəwje. Arəje ddəwje laa ndɔju!› »

Matiye 5:6

Maji arəse, see dəwje kə̂ bbo nɛ̂n-dda kə̂ gatə gatə ddase nya, mba Lubba a karəse nɛ̂n kə̂ məse ndiki.

Tar kə̂ Maji kə̂ Jan dda makəturu tə̂ 1:23

Jan ilade tə̂ tokə lə Ejayi kə̂ to Nje-kila mbər tar lə Lubba nan: «M-to dəw kə̂ aw ila mbər mə kɔr tə̂ nan: ‹Ə-ddaje ddəw lə Əbbə-dəwje arəje ndɔju njarara.› »

Tar kə̂ Maji kə̂ Jan dda makəturu tə̂ 14:6

Jeju ilɛ̂ tə̂ nan: «M-to ddəw, m-to tar kə̂ tɔkɔrɔ, m-to təbbə. Dəw kâra a kasə tee rɔ Bɔ tə̂ kə ddəw kə̂ dang ang, ddəw tə̂ ləm kâra baa.

Tar kə̂ Maji kə̂ Jan dda makəturu tə̂ 4:10

Jeju ilɛ̂ tə̂ nan: «Bbo ə-gərə nɛ̂n kə̂ Lubba aw arə dəw ngaâ bbo ə-gərə dəw kə̂ aw duji maann-kay nəənn a, əi â, â duje maann-kay, ta nâ kari maann kə̂ aw arə təbbə.»

Tar kə̂ Maji kə̂ Jan dda makəturu tə̂ 4:11

Dɛnɛ̂n le pa arɛ̂ nan: «Əbbəmje, ee kə marə nɛ̂n kâra ta to nɛ̂n maann ang ddəm ngaâ buwa-maann le uru nya, a â kinga maann kə̂ aw arə təbbə le dda wa?

Tar kə̂ Maji kə̂ Jan dda makəturu tə̂ 4:14

A dəw kə̂ a kay maann kə̂ mâ karɛ̂, kunda a kɔɛ̂n ndɔ kâra ang ngaa. Maann kə̂ mâ karɛ̂ le a təl to kəy-maann kə̂ aw arə təbbə kə̂ to kə ndɔ kə ndɔ.»

Tar kə̂ Maji kə̂ Jan dda makəturu tə̂ 5:40

A ə-ndikije ta ddee rɔm tə̂ ta kinga təbbə kə̂ tɔkɔrɔ ang.

Tar kə̂ Maji kə̂ Jan dda makəturu tə̂ 6:35

Jeju pa arəde nan: «Əman, m-to mapa kə̂ aw arə təbbə dəw. Dəw kə̂ ddee rɔm tə̂ a, bbo a ddɛɛ̂ ndɔ kâra ang. Dəw kə̂ unn məɛ̂ arəm a, kunda maann a kɔɛ̂n ndɔ kâra ang.

Tar kə̂ Maji kə̂ Jan dda makəturu tə̂ 6:37

Dəwje tɔyn kə̂ Bɔmje arəm a ddeeje rɔm tə̂. Ngaâ dəw kə̂ ddee rɔm tə̂ a, mâ kilɛ̂ ddaka ang.

Tar kə̂ Maji kə̂ Jan dda makəturu tə̂ 6:55

Mba taal-rɔm to nɛ̂n-kusa kə̂ tɔkɔrɔ ddəm məsəm to nɛ̂n-kay kə̂ tɔkɔrɔ ddəm.

Tar kə̂ Maji kə̂ Jan dda makəturu tə̂ 7:28

Yeenn ngaâ Jeju aw tɔju nɛ̂n kəy-polo Lubba tə̂, a pa kə taar nan: «Ə-gərəmje njaa wa? Ə-gərəje lo kə̂ min tə̂ njaa wa? Əman njaa m-ddee kə dɔm baa ang. Ne kə̂ nulam le, n̂-to tɔkɔrɔ. Ne, ə-gəreje ang.

1 Kɔrɛntinyɛje 10:21

Asəje ta kay nɛ̂n mə əngo-narɛ tə̂ lə Əbbə-dəwje ddəm mə əngo-narɛ tə̂ le ndilje kə̂ maji ang ddəm ang.

1 Kɔrɛntinyɛje 10:4

ngaâ dayje maann Ndil kə̂ kâra baa. Mba dayje maann kə̂ tee mə ər Ndil tə̂ kə̂ aw nja gode tə̂. Ər le to Kristə.

1 Kɔrɛntinyɛje 11:25

Ddəw kâra baa, nusa nɛ̂n ngaâ nunn əngo-narɛ, n̂-pa nan: «Əngo-narɛ nəənn to dɔnɔn kə̂ siki kə̂ Lubba ɔsu kə se kə məsəm. Ndɔ tɔyn kə̂ aw ayje a, ayje mba kole nɛ̂n məse dɔm tə̂.»

1 Kɔrɛntinyɛje 12:13

Mba jeje tɔyn, Jiipije wase Gɛrɛkəje, bbərəje wase bbərəje ang kara n-ddaje batɛm tɔyn ddəw Ndil tə̂ kə̂ kâra baa karə n-ddeeje da-rɔ kə̂ kâra baa ngaa. Ndil kə̂ kâra baa le â Lubba arəje tɔyn.

Epɛjinyɛje 5:18

Ayje koto arə ddase ang. Mba koto aw kə dəw arə tuju. A arəje Ndil â ddususe.

Apokalisi 21:6

Ngaâ n̂-pa narəm nan: «Bbayɛ̂ ngaa! M-to Alpa kə Omega, m-to kunn-kutu nɛ̂n ddəm dɔbɔyn nɛ̂n ddəm. Dəw kə̂ kunda ɔɛ̂n a, əman, mâ karɛ̂ maann kə̂ aw arə təbbə nay baa. To maann kə̂ aw in mə nangə tə̂ aw tee.

Apokalisi 22:1

Goe tə̂ a, anjə le tɔjum ba kə̂ maannɛ̂ aw arə təbbə dəw, kəmɛ̂ arɛ yərərə. Maann le ubba ngende-mbay tə̂ lə Lubba de kə Ngonn batə le aw tee

Apokalisi 22:17

Ndil de kə dɛnɛ̂n kə̂ nje-ngaw le n̂-paje nan: «Ə-ddee!» Maji karə dəw kə̂ oo tar nəənn pa tɔ nan: «Ə-ddee!» Maji karə dəw kə̂ kunda ɔɛ̂n ddee. Dəw kə̂ ndiki a, taa maann kə̂ aw arə təbbə dəw le baa njaa ay!