Tar kə̂ Maji kə̂ Jan dda makəturu tə̂ 7:28 - Dɔnɔn kə̂ Siki: Tar kə̂ aw arə təbbə

²⁸ Yeenn ngaâ Jeju aw tɔju nɛ̂n kəy-polo Lubba tə̂, a pa kə taar nan: «Ə-gərəmje njaa wa? Ə-gərəje lo kə̂ min tə̂ njaa wa? Əman njaa m-ddee kə dɔm baa ang. Ne kə̂ nulam le, n̂-to tɔkɔrɔ. Ne, ə-gəreje ang.

Tar kə̂ Maji kə̂ Jan dda makəturu tə̂ 7:28 Iomraidhean Croise

Matiye 11:27

«Bɔy inya nɛ̂nje tɔyn jim tə̂. Dəw kâra gərə Ngonn le ang. Bɔ kâra baa â gəre. Dəw gərə Bɔ le ang. Ngonn le kâra baa â gəre, a dəw kə̂ Ngonn le ndiki ta tɔjɛ̂ Bɔ le bba a gərə Bɔ le tɔ.»

Matiye 2:23

Naw ngaâ n̂-dda bbe kə̂ Najarɛtə. Yeenn bba karə tar kə̂ njê-kilaje mbər tar lə Lubba paje le ddee to tar kə̂ tɔkɔrɔ. Tar le nan: «Dâ bbarɛ̂ to dəw kə̂ Najarɛtə.»

Matiye 26:55

Goe tə̂ a, Jeju pa arə dəwje kə̂ banya le nan: «Ə-ddeeje kə tɔkə kiyaje kə kakəje bba ta kuwam nɛ̂n tokə nɛ̂n kə̂ m-to dəw kə̂ maji ang wa? Kə ndɔ tɔyn, maw misi kəy-polo Lubba tə̂ maw tɔju nɛ̂n, a uwamje ang.

Luku 10:22

Bɔy inya nɛ̂nje tɔyn mə jim tə̂. Dəw kâra gərə Ngonn le ang. Bɔ kâra baa â gəre. Dəw gərə Bɔ le ang. Ngonn le kâra baa â gəre, a dəw kə̂ Ngonn le ndiki ta tɔjɛ̂ Bɔ le bba a gərə Bɔ le tɔ.»

Luku 2:11

Bbokənɛn, duju Nje-kaji-dəwje darəse bbe tə̂ lə Dabbiti, n̂-to Kristə, Əbbə-dəwje.

Luku 2:39

Jojɛpə de kə Mari n̂-ddaje nɛ̂n tɔyn kə̂ Ndu lə Əbbə-dəwje pa le ngaâ n̂-təlje lo-kiside tə̂ Najarɛtə nangə tə̂ kə̂ Galile.

Luku 2:4

Jojɛpə kara in bbe tə̂ kə̂ ria nan Najarɛtə, nangə tə̂ kə̂ Galile, aw bbe tə̂ kə̂ ria nan Betelehɛm, nangə tə̂ kə̂ Jude. Betelehɛm le to bbe lə Dabbiti. Naw nu mba gəle in mə nuju tə̂ lə Dabbiti.

Luku 2:51

Goe tə̂ a, n̂-tee naw kə de Najarɛtə. Noo tade. Kɔɛ̂nje ngəm nɛ̂njeenn tɔyn məɛ̂ tə̂.

Tar kə̂ Maji kə̂ Jan dda makəturu tə̂ 1:46

Natanayɛl le pa arə Pilipi nan: «Marə nɛ̂n kə̂ maji a kasə ta kin Najarɛtə tə̂ tee tɔ wa?» Pilipi ilɛ̂ tə̂ nan: «Ə-ddee oo.»

Tar kə̂ Maji kə̂ Jan dda makəturu tə̂ 10:36

A əman kə̂ Bɔ undam dang ngaâ ulam dɔ nangə tə̂, m-pa nan m-to Ngonn lə Lubba a, mba ddi bba ə-paje nan maw tuju ri Lubba wa?

Tar kə̂ Maji kə̂ Jan dda makəturu tə̂ 12:49

Mba tarje kə̂ maw pa inje tam tə̂ njaa ang. To nduje kə̂ inje ta Bɔmje tə̂ kə̂ ulam. Ne njaa n̂-tɔjum tar kə̂ mâ pa ddəm nɛ̂n kə̂ mâ tɔju dəwje ddəm.

Tar kə̂ Maji kə̂ Jan dda makəturu tə̂ 14:10

Oo məi tə̂ kə tar nəənn ang wa? Mee mə Bɔ tə̂ ngaâ Bɔ ee məm tə̂. Tarje kə̂ maw pa in rɔm tə̂ njaa ang. Bɔ kə̂ ee məm tə̂ â aw dda kulajeenn.

Tar kə̂ Maji kə̂ Jan dda makəturu tə̂ 14:31

A n̂-ddee bba karə dəwje kə̂ duninya tə̂ nəənn gərəje to m-ndiki Bɔ ngaâ maw dda nɛ̂n kə̂ Bɔ unn ndu arəm karə m-dda. Inje taar arə jɔtuje lo tə̂ nəənn.»

Tar kə̂ Maji kə̂ Jan dda makəturu tə̂ 16:3

Dâ ddaje nɛ̂njeenn mba n̂-gərəje Bɔ ang ddəm n̂-gərəmje ang ddəm.

Tar kə̂ Maji kə̂ Jan dda makəturu tə̂ 17:25

Bɔ kə̂ gatə gatə, dəwje kə̂ duninya tə̂ gərije ang. A əman m-gəri ngaâ njê-njaje gom tə̂ nəənn gərəje to əi â ulam.

Tar kə̂ Maji kə̂ Jan dda makəturu tə̂ 17:3

Təbbə kə̂ to kə ndɔ kə ndɔ le, to karə n̂-gərije, əi kâra baa kə̂ ə-to Lubba kə̂ tɔkɔrɔ ddəm Jeju-Kristə kə̂ ulɛ̂ ddəm.

Tar kə̂ Maji kə̂ Jan dda makəturu tə̂ 3:2

N̂-ddee ninga Jeju til tə̂ ngaâ n̂-pa nan: «Nje-nɛ̂n-tɔju, n-gərə to Lubba ulai ta karə ə-tɔjuje nɛ̂n. Dəw kə̂ Lubba ee saa ang a kasə ta dda nɛ̂n-mɔrije kə̂ aw dda nəənn ang.»

Tar kə̂ Maji kə̂ Jan dda makəturu tə̂ 3:33

Dəw kə̂ ndiki tə̂ kə tar-naji laa le tɔju kə ddaka to Lubba aw pa tar kə̂ tɔkɔrɔ.

Tar kə̂ Maji kə̂ Jan dda makəturu tə̂ 5:32

A dəw kə̂ dang â aw pa tar-naji ləm. Ngaâ m-gərə to tar-naji ləm kə̂ naw pa le to tar kə̂ tɔkɔrɔ.

Tar kə̂ Maji kə̂ Jan dda makəturu tə̂ 5:43

Əman, m-ddee kə ri Bɔmje, a ə-taamje kə rɔse tə̂ ang. A bbo marə dəw ddee kə ria njaa a, ə-tɛɛ̂je kə rɔse tə̂.

Tar kə̂ Maji kə̂ Jan dda makəturu tə̂ 6:42

Ngaâ n̂-paje nan: «Dəw nəənn to Jeju ngonn lə Jojɛpə ang wa? N-gərə bɔɛ̂je kə kɔɛ̂nje ang wa? A nâ pa nan nin darâ bba n̂-ddee tokə baânn wa?»

Tar kə̂ Maji kə̂ Jan dda makəturu tə̂ 7:14

N̂-ddaje kusu le tee dannâ a, Jeju aw kəy-polo Lubba tə̂ ngaâ unn kutu tɔju nɛ̂n.

Tar kə̂ Maji kə̂ Jan dda makəturu tə̂ 8:14

Jeju ilade tə̂ nan: «Tɔkɔrɔ, əman njaa maw pa tar-naji ləm. A tar-naji ləm le to tar kə̂ tɔkɔrɔ. Mba m-gərə lo kə̂ min tə̂ bba m-ddee. Ngaâ m-gərə lo kə̂ maw maw kə tə̂. A sese, ə-gərəje lo kə̂ min tə̂ ang ddəm lo kə̂ maw maw kə tə̂ ang ddəm.

Tar kə̂ Maji kə̂ Jan dda makəturu tə̂ 8:16

A bbo m-gangə sariya njaa kara, sariya ləm to kə dɔgɔlɛ̂. Mba maw gangə sariya kə karəm ang. Bɔ kə̂ ulam ee səm.

Tar kə̂ Maji kə̂ Jan dda makəturu tə̂ 8:19

Parijinyɛje dujeje nan: «Bɔije le ee dda wa?» Jeju ilade tə̂ nan: «Ə-gərəmje ang ddəm ə-gərəje Bɔmje ang ddəm. Mba bbo ə-gərəmje a, â gərəje Bɔmje tɔ.»

Tar kə̂ Maji kə̂ Jan dda makəturu tə̂ 8:26

Tarje nya to ta karə m-pa dɔse tə̂ ddəm sariya to nya ta karə m-gangə dɔse tə̂ ddəm. A ne kə̂ nulam, n̂-to tɔkɔrɔ. Nɛ̂n kə̂ moo tɛɛ̂ tə̂ â maw pa marə dəwje kə̂ dɔ nangə tə̂.»

Tar kə̂ Maji kə̂ Jan dda makəturu tə̂ 8:42

Jeju pa arəde nan: «Bbo Lubba to Bɔsese a, â ndikimje. Mba min rɔ Lubba tə̂ bba m-ddee. Əman njaa m-ddee kə dɔm baa ang, ne â nulam.

Tar kə̂ Maji kə̂ Jan dda makəturu tə̂ 9:29

Jeje, n-gərə to Lubba pa tar kə Mɔyijə. A dəw nəənn, n-gərə lo kə̂ nin tə̂ bba n̂-ddee ang.»

Kulaje 17:23

Mba m-nja mə bbe tə̂ le a, moo kɔrje kə̂ aw polojede. A m-tee dɔ marə baann tə̂ kə̂ n̂-dda makəturu tə̂ nan: ‹Bann lə marə lubba kə̂ dəw gəre ang.› Maji, nɛ̂n kə̂ aw poloje, a ə-gərəje ang le â m-ddee maw mila mbəre marəse nəənn.

Rɔmɛnje 1:28

Mba n̂-mbətəje ta gərə Lubba le ngaâ n̂-tusude ninyade narə n̂-naynje kə kəjəje ləde kə̂ maji ang karə ta n̂-ddaje nɛ̂n kə̂ dəw asə dda ang.

Rɔmɛnje 3:4

Baann ang! Maji karə dəwje gərəjə kə majɛ̂ to Lubba aw pa tar kə̂ tɔkɔrɔ. A dəwje tɔyn aw ərəje ngəm. Mba yeenn bba Makəturu lə Lubba pa nan: «Maji karə dəwje gərəje to ə-to gatə gatə ddəw tar tə̂ kə̂ aw pa. Ta bbo dâ ta gangə sariya dɔi tə̂ a, tar uwai ang.»

2 Kɔrɛntinyɛje 1:18

Lubba njaa kara gərə to tar kə̂ n-pa jarəse le to «An än» ddəm «Ân an» ddəm ang.

2 Kɔrɛntinyɛje 4:6

Mba Lubba kə̂ pa nan: «Maji karə lo ndoko lo tə̂ kə̂ ndul» le, ne njaa n̂-ndoko məje tə̂, ta dda karə joo ndoko laa kə̂ aw ndoko kəm Kristə tə̂.

Titə 1:2

Yeenn bba dâ kundaje məde to dingaje təbbə kə̂ to kə ndɔ kə ndɔ. Lubba kə̂ ərə ngəm ndɔ kâra ang unn ndue ləw baa nu ta karəje təbbə kə̂ to kə ndɔ kə ndɔ le.

Ebərəje 6:18

Yeenn bba ndu-kunn kə yo-kunda lə Lubba toje to nɛ̂nje kə̂ a turuje ndɔ kâra ang. Ngaâ Lubba kara a kərə ngəm ddəwe tə̂ ang tɔ. Nɛ̂ɛnn arəje singa nya, jeje kə̂ bbay lo kiya-rɔ ləje njaa to karə junda məje dɔ nɛ̂n tə̂ kə̂ Lubba unn ndue ta karəje le.

1 Jan 5:10

Dəw kə̂ unn məɛ̂ arə Ngonn lə Lubba, tar-naji le to məɛ̂ tə̂. Dəw kə̂ unn məɛ̂ arə Lubba ang, dəw le dda arə Lubba ddee to nje-ngəm, mba nunda mə-kunn laa dɔ tar-naji tə̂ kə̂ Lubba pa dɔ Ngonnɛ̂ tə̂ le ang.