Tar kə̂ Maji kə̂ Jan dda makəturu tə̂ 7:12 - Dɔnɔn kə̂ Siki: Tar kə̂ aw arə təbbə

¹² Horo dəwje tə̂ kə̂ banya le, dəwje aw paje tar laa hɔy hɔy. Marɛ̂je paje nan: «N̂-to dəw kə̂ maji.» A marɛ̂je paje nan: «Ngəm, naw nərə dəwje.»

Tar kə̂ Maji kə̂ Jan dda makəturu tə̂ 7:12 Iomraidhean Croise

Matiye 10:25

Bbay nɛ̂n njaa to karə nje-nɛ̂n-ndo ddee tokə lə nje-nɛ̂n-tɔju laa wase nje-kula ddee tokə lə əbbeeje. Bbo dəwje bbarje nje-kəy nan Bɛljebul a, dâ kunda ri kə̂ maji ang uta yeenn dɔ ngann njê-kəyje tə̂.»

Matiye 21:46

N̂-sangəje ddəw ta kuwɛ̂je, a n̂-bbəəlje kəm dəwje kə̂ banya, mba dəwje le gərəje to Jeju to marə nje-kila mbər tar lə Lubba.

Matiye 27:63

n̂-paje nan: «Dəw kə̂ bo, jole məje to, dɔ ndɔ tə̂ kə̂ nje-kərə dəwje nəənn le nayn nɛ̂n kəm baa bbay le, n̂-pa nan: ‹Ndɔ mota go yo tə̂ ləm a, mâ ndol.›

Luku 18:19

Jeju ilɛ̂ tə̂ nan: «Mba ddi bba ə-bbarəm to dəw kə̂ maji wa? Dəw kə̂ maji goto, Lubba kâra baa â maji.

Luku 23:47

Nje-kɔn dɔ mbambaje oo nɛ̂njeenn le a, ɔsu gaji Lubba pa nan: «Tɔkɔrɔ njaa dəw nəənn to gatə gatə.»

Luku 23:50

Marə dingaw, ria nan Jojɛpə, n̂-to dəw kə̂ maji ddəm dəw kə̂ gatə gatə ddəm. N̂-to dəw kə̂ Arimate kə̂ to marə tɔkə bbe lə Jiipije. Naw ngəbbə kɔn-mbay lə Lubba. Nee horo njê-gangəje sariya tə̂ le. A ne, n̂-mbətə sariya kə̂ njê-gangəje sariya marɛ̂je gangəje dɔ Jeju tə̂ kə nɛ̂nje kə̂ n̂-ddaje kə Jeju le.

Luku 6:45

Nɛ̂nje kə̂ maji inje mə dəw tə̂ kə̂ maji. A nɛ̂nje kə̂ maji ang inje mə dəw tə̂ kə̂ maji ang. Mba nɛ̂n kə̂ ddusu mə dəw â aw tee ddəw tar tə̂ kə̂ tɛɛ̂ tə̂.»

Luku 7:16

Bbəəl uta dɔ dəwje le tɔyn. Dɔsuje gaji Lubba, n̂-paje nan: «Marə tɔkə nje-kila mbər tar lə Lubba tee horoje tə̂, Lubba ddee ta dda maji kə dəwje laa.»

Tar kə̂ Maji kə̂ Jan dda makəturu tə̂ 6:14

Dəwje le ooje nɛ̂n-mɔri kə̂ Jeju dda le a, n̂-paje nan: «Ne njaa â n̂-to nje-kila mbər tar lə Lubba kə̂ a ta ddee dɔ nangə tə̂ le.»

Tar kə̂ Maji kə̂ Jan dda makəturu tə̂ 7:32

Parijinyɛje ooje nɛ̂nje tɔyn kə̂ dəwje kə̂ banya aw paje dɔ Jeju tə̂ aw nyuruje nɛ̂n. Yeenn bba, mbayje lə njê-poloje Lubba kə Parijinyɛje le ulaje njê-ngəmje kəy-polo Lubba karə daw duwɛ̂je.

Tar kə̂ Maji kə̂ Jan dda makəturu tə̂ 7:47

Yeenn ngaâ Parijinyɛje le paje arəjede nan: «Sese kara nərəse tɔ wa?

Tar kə̂ Maji kə̂ Jan dda makəturu tə̂ 7:52

A kəseje ilɛ̂je tə̂ nan: «Ə-to dəw kə̂ Galile tɔ wa? Ə-sangə mə Makəturu tə̂ lə Lubba kə majɛ̂ oo a, â gərə. Marə nje-kila mbər tar lə Lubba in Galile tə̂ ddee ndɔ kâra ang.»

Tar kə̂ Maji kə̂ Jan dda makəturu tə̂ 9:16

Marə Parijinyɛje paje nan: «Dəw kə̂ dda nɛ̂n nəənn in rɔ Lubba tə̂ ang, mba n̂-bbəəl ndɔ-kuwa-rɔ ang.» A marɛ̂je paje nan: «Dəw kə̂ to nje-nɛ̂n-dda kə̂ maji ang a kasə dda nɛ̂n-mɔrije kə̂ be tokə baânn wa?» Tin-naan to horo Parijinyɛje tə̂ le.

Kulaje 11:24

Mba Barnabas le to dəw kə̂ maji ddəm dəw kə̂ Ndil-mə-nda dduse ddəm mə-kunn laa bo nya ddəm arə dəwje nya ddeeje to dəwje lə Əbbə-dəwje.

Rɔmɛnje 5:7

Ta karə dəw oy mba dəw kə̂ gatə gatə to nɛ̂n ndam ang. A du ang, marə dəw a ndiki ta koy mba dəw kə̂ to nje-nɛ̂n-dda kə̂ maji.

Pilipinyɛje 2:14

Nɛ̂n tɔyn njaa kə̂ aw ddaje a, maji karə ə-ddaje ddəw kəm-rɔ tə̂ ang ddəm ddəw mayn-tar tə̂ ang ddəm.