Tar kə̂ Maji kə̂ Jan dda makəturu tə̂ 6:52 - Dɔnɔn kə̂ Siki: Tar kə̂ aw arə təbbə

⁵² Yeenn ngaâ Jiipije aw maynje naan tar kə singa singa nan: «Dingaw nəənn a karəje taal-rɔɛ̂ karə jusa tokə baânn wa?»

Tar kə̂ Maji kə̂ Jan dda makəturu tə̂ 6:52 Iomraidhean Croise

Tar kə̂ Maji kə̂ Jan dda makəturu tə̂ 1:19

Njê-kɔnje dɔ Jiipije kə̂ Jerujalɛm ulaje njê-poloje Lubba kə njê kə̂ gəl Lebi tə̂ rɔ Jan tə̂ ta duje se, ne n̂-to nân wa? Tar-naji kə̂ n̂-pa â nəənn.

Tar kə̂ Maji kə̂ Jan dda makəturu tə̂ 10:19

Jiipije təl tinje naan ɔju dɔ tarje kə̂ Jeju pa nəənn le.

Tar kə̂ Maji kə̂ Jan dda makəturu tə̂ 3:4

Nikodɛm pa arə Jeju nan: «Bbo dəw tɔkə mban a, dâ təl kuje tokə baânn wa? Nâ kasə ta təl mə kɔɛ̂nje tə̂ karə duje kə̂ gɔl joo wa?»

Tar kə̂ Maji kə̂ Jan dda makəturu tə̂ 3:9

Yeenn ngaâ Nikodɛm duju Jeju nan: «Nɛ̂ɛnn a to tokə baânn wa?»

Tar kə̂ Maji kə̂ Jan dda makəturu tə̂ 4:11

Dɛnɛ̂n le pa arɛ̂ nan: «Əbbəmje, ee kə marə nɛ̂n kâra ta to nɛ̂n maann ang ddəm ngaâ buwa-maann le uru nya, a â kinga maann kə̂ aw arə təbbə le dda wa?

Tar kə̂ Maji kə̂ Jan dda makəturu tə̂ 6:41

Jiipije nanɛnje kə Jeju mba n̂-pa nan: «Əman, m-to mapa kə̂ in darâ ddee.»

Tar kə̂ Maji kə̂ Jan dda makəturu tə̂ 6:60

Dooje tarje lə Jeju le a, nya lə njê-njaje goe tə̂ paje nan: «Tar nəənn ngəng nya. Nân a kasə ta ndiki tə̂ saa wa?»

Tar kə̂ Maji kə̂ Jan dda makəturu tə̂ 9:16

Marə Parijinyɛje paje nan: «Dəw kə̂ dda nɛ̂n nəənn in rɔ Lubba tə̂ ang, mba n̂-bbəəl ndɔ-kuwa-rɔ ang.» A marɛ̂je paje nan: «Dəw kə̂ to nje-nɛ̂n-dda kə̂ maji ang a kasə dda nɛ̂n-mɔrije kə̂ be tokə baânn wa?» Tin-naan to horo Parijinyɛje tə̂ le.

Kulaje 17:32

Dooje tar ndol lə dəwje kə̂ oyje kə̂ Pɔl pa le a, marɛ̂je kokoje nɛ̂n. A marɛ̂je paje nan: «Marə ndɔ bba ja təl koo tar ləi dɔ tar tə̂ nəənn bbay.»

1 Kɔrɛntinyɛje 2:14

Dəw kə̂ Ndil lə Lubba goto rɔɛ̂ tə̂ a ndiki tə̂ kə nɛ̂nje lə Ndil lə Lubba ang, mba noo kəmɛ̂ tə̂ to nɛ̂n-mbə baa. Nâ kasə ta gərə gəle ang, mba ddəw Ndil tə̂ bba dəw a kasə ta gərə gəle.