Tar kə̂ Maji kə̂ Jan dda makəturu tə̂ 6:51 - Dɔnɔn kə̂ Siki: Tar kə̂ aw arə təbbə

⁵¹ M-to mapa kə̂ nayn kəm baa kə̂ in darâ ddee. Dəw kə̂ usa mapa nəənn le a kisi kə təbbə kə̂ to kə ndɔ kə ndɔ. Mapa kə̂ mâ karɛ̂ to da-rɔm kə̂ a karə təbbə dəwje kə̂ dɔ nangə tə̂.»

Tar kə̂ Maji kə̂ Jan dda makəturu tə̂ 6:51 Iomraidhean Croise

Matiye 20:28

Ddəw kâra baa, Ngonn lə dəw ddee karə dəwje ddaje kula arɛ̂ ang. N̂-ddee ta dda kula karə dəwje, ta kunn rɔɛ̂ to nɛ̂n-kuka dɔ dəwje tokə banya.»

Luku 22:19

Goe tə̂ a, nunn mapa, narə wooyo Lubba, n̂-tətə narəde ngaâ n̂-pa nan: «Mapa nəənn to da-rɔm kə̂ munn marə mba tar dɔse. Ə-ddaje nɛ̂n nəənn mba kole nɛ̂n məse dɔm tə̂.»

Tar kə̂ Maji kə̂ Jan dda makəturu tə̂ 1:14

Tar le təl to dəw ngaâ dda bbe horoje tə̂. Mə-maji laa kə tar kə̂ tɔkɔrɔ laa uta dɔɛ̂. Joo piti laa kə̂ in rɔ Lubba tə̂.

Tar kə̂ Maji kə̂ Jan dda makəturu tə̂ 1:29

Lo-karɛ̂ kə̂ goe tə̂ a, Jan oo Jeju kə̂ aw ddee kə rɔɛ̂ tə̂ ngaâ pa nan: «Ngonn batə lə Lubba kə̂ to nje-kɔru majang lə dəwje kə̂ duninya tə̂ â nəənn.

Tar kə̂ Maji kə̂ Jan dda makəturu tə̂ 11:26

Dəw kə̂ isi kəm baa ngaâ unn məɛ̂ arəm, a koy ndɔ kâra ang. Oo məi tə̂ kə tar nəənn wa?»

Tar kə̂ Maji kə̂ Jan dda makəturu tə̂ 3:13

Mba dəw kâra aw darâ ang. Bbayɛ̂ â to Ngonn lə dəw kə̂ in darâ ddee nangə̂.

Tar kə̂ Maji kə̂ Jan dda makəturu tə̂ 3:14

Ddəw kâra baa tokə Mɔyijə bbərə li kə̂ n̂-dda kə andə taar mə kɔr tə̂ kəm dəwje tə̂ tɔyn le, maji karə n̂-bbərə Ngonn lə dəw taar kəm dəwje tə̂ tɔyn tɔ.

Tar kə̂ Maji kə̂ Jan dda makəturu tə̂ 3:16

«Mba Lubba ndiki duninya nya. Yeenn bba nunn Ngonnɛ̂ kə̂ kâra baa narə, karə dəwje tɔyn kə̂ ooje məde tə̂ saa naynje kə kɔrɔ̂ ang, a dingaje təbbə kə̂ to kə ndɔ kə ndɔ.

Tar kə̂ Maji kə̂ Jan dda makəturu tə̂ 3:36

Dəw kə̂ oo məɛ̂ tə̂ kə Ngonn ee kə təbbə kə̂ to kə ndɔ kə ndɔ. A dəw kə̂ mbətə ta koo məɛ̂ tə̂ kə Ngonn a kinga təbbə le ang. Wungu lə Lubba nayn dɔɛ̂ tə̂.»

Tar kə̂ Maji kə̂ Jan dda makəturu tə̂ 5:24

«Tɔkɔrɔ njaa m-pa marəse: Dəw kə̂ oo tar ləm ngaâ unn məɛ̂ arə dəw kə̂ ulam a, nâ kisi kə təbbə kə̂ to kə ndɔ kə ndɔ. Dâ gangə sariya dɔɛ̂ tə̂ ang, n̂-tee ta yo tə̂ ninga təbbə mban.

Tar kə̂ Maji kə̂ Jan dda makəturu tə̂ 6:33

Mba, mapa lə Lubba to ye kə̂ in darâ ngaâ aw arə təbbə dəwje kə̂ duninya tə̂.»

Tar kə̂ Maji kə̂ Jan dda makəturu tə̂ 6:35

Jeju pa arəde nan: «Əman, m-to mapa kə̂ aw arə təbbə dəw. Dəw kə̂ ddee rɔm tə̂ a, bbo a ddɛɛ̂ ndɔ kâra ang. Dəw kə̂ unn məɛ̂ arəm a, kunda maann a kɔɛ̂n ndɔ kâra ang.

Tar kə̂ Maji kə̂ Jan dda makəturu tə̂ 6:41

Jiipije nanɛnje kə Jeju mba n̂-pa nan: «Əman, m-to mapa kə̂ in darâ ddee.»

Tar kə̂ Maji kə̂ Jan dda makəturu tə̂ 6:47

«Tɔkɔrɔ njaa, m-pa marəse, dəw kə̂ unn məɛ̂, ee kə təbbə kə̂ to kə ndɔ kə ndɔ.

Tar kə̂ Maji kə̂ Jan dda makəturu tə̂ 6:48

Əman m-to mapa kə̂ aw arə təbbə dəwje.

Tar kə̂ Maji kə̂ Jan dda makəturu tə̂ 6:50

A mapa kə̂ in darâ ddee â nəənn, dəw kə̂ usa a, a koy ang.

Tar kə̂ Maji kə̂ Jan dda makəturu tə̂ 7:38

Makəturu lə Lubba pa nan: Dəw kə̂ unn məɛ̂ arəm a, baje kə̂ aw arəje təbbə a kinje rɔɛ̂ tə̂ kula.»

2 Kɔrɛntinyɛje 5:19

Mba Lubba â təl ungu dəwje kə̂ duninya tə̂ naan tə̂ saa ddəw tə̂ lə Kristə. Naa lo kə majang tə̂ ləde ang. Nula tar kungu dəwje naan tə̂ saa məje tə̂.

2 Kɔrɛntinyɛje 5:21

Kristə dda majang kâra ang. A Lubba arə noto majang ləje. Yeenn bba karə n-ddeeje to dəwje kə̂ gatə gatə kəm Lubba tə̂ ddəw tə̂ lə Kristə.

Epɛjinyɛje 5:2

Ə-ndikije njê-marəse tokə Kristə ndikije ngaâ unn təbbə laa arə Lubba to nɛ̂n-karə-baa ddəm to nɛ̂n-polo kə̂ tokə dukann kə̂ ətə maji ddəm.

Epɛjinyɛje 5:25

Dingawje, maji karə ə-ndikije dɛnɛ̂nje ləse tokə Kristə ndiki Egilisi, ndərəng arə təbbə laa mbɛɛ̂.

Titə 2:14

Nunn rɔɛ̂ njaa narə yo mbaje, mba kɔruje mə majang tə̂ ngaâ ta toko nɛ̂n-yərəw ləje karə n-toje to dəwje laa njaa ddəm karə n-toje to dəwje kə̂ bbo dda kulaje kə̂ maji to məde tə̂ nya ddəm.

Ebərəje 10:20

Nɔru ddəw kə̂ siki kə̂ jasəje ta kunn ta kinga nɛ̂n təbbə narəje. Ddəw le nday mə tɔkə bəl-kubbu tə̂ kə̂ n̂-gangə nɛ̂n mə kəy-tande kinga-naan le. Yeenn pa nan ddəw da-rɔɛ̂ tə̂ njaa.

1 Piyɛr 2:4

Maji karə ə-ddeeje ngɔsi kə Əbbə-dəwje Jeju. N̂-to ər kə̂ to kəm baa kə̂ dəwje mbətəje, a Lubba mbərə ngaâ oo to nɛ̂n kə̂ ngəng nya kəmɛ̂ tə̂.

1 Jan 2:2

Nunn rɔɛ̂ to nɛ̂n-polo mba toko nɛ̂n majang ləje. N̂-to nɛ̂n-polo mbaje kə karəje baa ang. N̂-to nɛ̂n-polo mba dəwje tɔyn kə̂ dɔ nangə tə̂ nəənn.

1 Jan 4:10

Tar ndiki le tokə be: Jeje â n-ndikije Lubba ang, ne â n̂-ndikije ngaâ nula Ngonnɛ̂ narə n̂-ddee to nɛ̂n-polo ta kɔru nɛ̂n tar majangje ləje dɔje tə̂.

1 Jan 4:14

Jooe kə kəmje ngaâ n-pa tar-naji laa jarə dəwje nan Lubba kə̂ Bɔ ula Ngonnɛ̂ to Nje-kaji-dəwje kə̂ duninya tə̂.