Tar kə̂ Maji kə̂ Jan dda makəturu tə̂ 5:39 - Dɔnɔn kə̂ Siki: Tar kə̂ aw arə təbbə

³⁹ «Aw kinyaje mə Makəturu lə Lubba, mba əjəje to Makəturu le a karəse təbbə kə̂ to kə ndɔ kə ndɔ. Makəturuje le paje tar-naji ləm.

Tar kə̂ Maji kə̂ Jan dda makəturu tə̂ 5:39 Iomraidhean Croise

Matiye 22:29

Jeju ilade tə̂ nan: «Ə-ndəəmje ddəw, mba ə-gərəje Makəturu lə Lubba ang ddəm tar singa-mɔngu lə Lubba ang ddəm.

Marke 10:3

Jeju ilade tə̂ nan: «Mɔyijə unn ndu arəse nan ddi wa?»

Marke 12:10

Ə-turaje tar kə̂ Makəturu lə Lubba pa nəənn ang wa? Makəturu le nan: ‹Ər kə̂ njê-kɔsu kəyje mbətəje le, ddee to singa gɔl kəy kə̂ dungu nangə̂.

Luku 16:29

Abaraham ila tə̂ nan: ‹Ndu lə Mɔyijə kə tar lə njê-kilaje mbər tar lə Lubba naynje horode tə̂ bbay. Maji karə dooje tar ləde!›

Luku 16:31

Abaraham le pa arɛ̂ nan: ‹Bbo dooje ndu lə Mɔyijə kə tarje lə njê-kilaje mbər tar lə Lubba ang a, le marə dəw kə̂ oy ndol aw pa tar arəde njaa kara dâ kooje tar laa ang tɔ.› »

Luku 24:25

Jeju pa arəde: «See njê-dɔ-gotoje! Tarje tɔyn kə̂ njê-kilaje mbər tar lə Lubba paje arəse le, ə-ndikije tə̂ kə de kə ngɔru ang mba ddi wa?

Luku 24:27

Jeju unn kutu kɔru gəl nɛ̂nje kə̂ Mɔyijə kə njê-kilaje mbər tar lə Lubba tɔyn paje dɔɛ̂ tə̂ makəturuje tə̂ le.

Luku 24:44

Goe tə̂ a, n̂-pa narəde nan: «Nɛ̂n kə̂ m-pa marəse kar tə̂ kə̂ m-nayn kə se le â nəənn. Maji karə tar kə̂ dɔm tə̂ kə̂ mə makəturu-ndu tə̂ lə Mɔyijə kə makəturu tə̂ lə njê-kilaje mbər tar lə Lubba kə makəturu Sɔmje tə̂ ddee to nɛ̂n kə̂ tɔkɔrɔ.»

Tar kə̂ Maji kə̂ Jan dda makəturu tə̂ 1:45

Goe tə̂ a, Pilipi inga Natanayɛl ngaâ pa arɛ̂ nan: «Jinga marə dəw kə̂ Makəturu-Ndu lə Mɔyijə kə lə njê-kilaje mbər tar lə Lubba paje tar laa le. Dəw le to Jeju kə̂ Najarɛtə, n̂-to ngonn lə Jojɛpə.»

Tar kə̂ Maji kə̂ Jan dda makəturu tə̂ 5:32

A dəw kə̂ dang â aw pa tar-naji ləm. Ngaâ m-gərə to tar-naji ləm kə̂ naw pa le to tar kə̂ tɔkɔrɔ.

Tar kə̂ Maji kə̂ Jan dda makəturu tə̂ 5:36

«A tar-naji kə̂ dɔm tə̂, kə̂ ngəng uta ye kə̂ Jan pa to. Mba kula kə̂ Bɔ ulam arə maw dda le njaa aw pa tar-naji ləm ngaâ tɔju to Bɔ â ulam.

Tar kə̂ Maji kə̂ Jan dda makəturu tə̂ 5:40

A ə-ndikije ta ddee rɔm tə̂ ta kinga təbbə kə̂ tɔkɔrɔ ang.

Tar kə̂ Maji kə̂ Jan dda makəturu tə̂ 5:46

Bbo ə-ndikije tarje tə̂ lə Mɔyijə a, â ndikije tarje tə̂ ləm tɔ, mba Mɔyijə pa tar ləm makəturuje tə̂ laa.

Tar kə̂ Maji kə̂ Jan dda makəturu tə̂ 7:52

A kəseje ilɛ̂je tə̂ nan: «Ə-to dəw kə̂ Galile tɔ wa? Ə-sangə mə Makəturu tə̂ lə Lubba kə majɛ̂ oo a, â gərə. Marə nje-kila mbər tar lə Lubba in Galile tə̂ ddee ndɔ kâra ang.»

Kulaje 13:27

Njê kə̂ Jerujalɛm kə mbayje ləde gərəje Jeju ang. N̂-gərəje mə tar kə̂ njê-kilaje mbər tar lə Lubba paje kə̂ daw turaje kə ndɔ-kuwa-rɔ kâra kâra tɔyn le ang. N̂-ddaje nɛ̂n kə̂ njê-kilaje mbər tar paje le. Yeenn bba, n̂-gangəje sariya-yo dɔ Jeju tə̂.

Kulaje 17:11

Kəjə lə Jiipije kə̂ Bərə maji uta kəjə lə njê kə̂ Tesalonikə arə n̂-taaje tar le kə ngɔru baa. Ndɔ kâra kâra daw disaje makəturu lə Lubba ta gərə se tar kə̂ Pɔl aw pa le to kə dɔgɔlɛ̂ njaa wa?

Kulaje 26:27

Tɔkə mbay Agiripa, tar kə̂ njê-kilaje mbər tar lə Lubba paje le ə-ndiki tə̂ wa? M-gərə to ə-ndiki tə̂ njaa.»

Rɔmɛnje 1:2

Lubba unn ndue ləw baa, ddəw tə̂ lə njê-kilaje mbər tar laa makəturu tə̂ laa ta karə Tar kə̂ Maji nəənn dəwje.

Rɔmɛnje 3:2

Nɛ̂n kə̂ maji to mə nɛ̂nje tə̂ nya njaa. Dɔngɔr njaa kara, Jiipije â Lubba inya tarje laa mə jide tə̂.

Kolosinyɛje 3:16

Maji karə tar lə Kristə kə̂ nɛ̂nje kə̂ maji to məɛ tə̂ nayn horose tə̂ nya nya. Maji karə ə-tɔjuje naan nɛ̂n ddəm ə-ndəjəje naan ddəm kə kəm-karɛ tɔyn. Ɔsuje paje dang dang kə məse tɔyn ə-walje nɛ̂n Lubba ddəw tə̂ lə Ndil-mə-nda mba majije kə̂ n̂-dda kə se.

Ebərəje 11:16

A kə̂ tɔkɔrɔ njaa, daw ndikije ta kinga marə bbe kə̂ maji uta ye kə̂ kete le. To bbe kə̂ darâ. Mba yeenn bba, bbo dəw bbar Lubba to Lubba ləde a, rɔ Lubba wul ang. Tɔkɔrɔ njaa n̂-gɔl marə bbe mba tar ləde.

Ebərəje 11:35

Ddəw mə-kunn tə̂ â marə dɛnɛ̂nje təl ingaje dəwje ləde kə̂ oyje, mba dəwje ləde le ndolje. A marə dəwje, dula kəmde ndoo tə̂ ndərəng ngɔsi kə yo, a n̂-ndikije karə dəwje le inyajede ang, bba karə ndɔ kə̂ doyje ngaâ n̂-ndolje a, disije maji uta ye kə̂ kete.

Apokalisi 19:10

M-tee moso kɔ gɔlɛ̂ tə̂ ta pole, a n̂-pa narəm nan: «Ə-dda nɛ̂ɛnn ang! M-to nje-kula mari ddəm nje-kula mar ngakɔinje kə̂ aw ngəmje tar-najije lə Jeju ddəm. Lubba â maji karə ə-pole!» Tar-najije lə Jeju toje to tarje kə̂ ddeeje dɔ njê-kilaje mbər tarje tə̂ lə Lubba bba aw paje.