Tar kə̂ Maji kə̂ Jan dda makəturu tə̂ 5:22 - Dɔnɔn kə̂ Siki: Tar kə̂ aw arə təbbə

²² Tɔ bbay, Bɔ gangə sariya dɔ dəw tə̂ kâra ang. Ninya sariya tɔyn ji Ngonn tə̂.

Tar kə̂ Maji kə̂ Jan dda makəturu tə̂ 5:22 Iomraidhean Croise

Matiye 11:27

«Bɔy inya nɛ̂nje tɔyn jim tə̂. Dəw kâra gərə Ngonn le ang. Bɔ kâra baa â gəre. Dəw gərə Bɔ le ang. Ngonn le kâra baa â gəre, a dəw kə̂ Ngonn le ndiki ta tɔjɛ̂ Bɔ le bba a gərə Bɔ le tɔ.»

Matiye 16:27

Mba Ngonn lə dəw a ddee mə piti tə̂ lə Bɔɛ̂je kə anjəje laa. Nâ kuka dəw kâra kâra asə kula-ddɛɛ̂.

Matiye 28:18

Jeju ddee ngɔsi kə de, pa arəde nan: «Lubba arəm singa tɔyn darâ ddəm nangə̂ ddəm.

Tar kə̂ Maji kə̂ Jan dda makəturu tə̂ 17:2

Mba arə Ngonni singa dɔ dəwje tə̂ tɔyn, karə dəwje kə̂ ungude mə jia tə̂ le, narəde təbbə kə̂ to kə ndɔ kə ndɔ.

Tar kə̂ Maji kə̂ Jan dda makəturu tə̂ 3:35

«Bɔ ndiki Ngonn arə ninya nɛ̂n tɔyn jia tə̂.

Tar kə̂ Maji kə̂ Jan dda makəturu tə̂ 5:27

Ngaâ narə Ngonnɛ̂ singa kə̂ ta gangə nɛ̂n sariya, mba n̂-to Ngonn lə dəw.

Tar kə̂ Maji kə̂ Jan dda makəturu tə̂ 9:39

Goe tə̂ a, Jeju pa nan: «M-ddee dɔ nangə tə̂ nəənn ta gangə sariya, yeenn bba karə dəwje kə̂ ooje lo ang, ooje lo ngaâ ta karə dəwje kə̂ aw ooje lo, ooje lo ang ngaa.»

Kulaje 10:42

Nunn ndu narəje karə jila mbər Tar kə̂ Maji jarə dəwje, ta n-pa jarəde to Lubba undɛ̂ to nje-gangə sariya dɔ dəwje tə̂ kə̂ isije kəm baa ddəm dɔ dəwje kə̂ oyje ddəm.

Kulaje 17:31

Mba nɔju ndɔ kə̂ nâ karə dəw kə̂ n̂-mbəre gangə nɛ̂n sariya kə̂ to gatə gatə dɔ dəwje tə̂ tɔyn kə̂ dɔ nangə tə̂. Narə dəw le oy, a ndol bba ta tɔju karə dəwje tɔyn to ne njaa n̂-mbəre.»

Rɔmɛnje 2:16

Nɛ̂ɛnn a tee kə ddaka kəm dəwje tə̂ dɔ ndɔ tə̂ kə̂ Lubba a karə Jeju-Kristə gangə sariya dɔ nɛ̂nje tə̂ kə̂ dəwje aw ddaje lo-kiyɛ̂ tə̂ tokə Tar kə̂ Maji kə̂ maw mila mbəre pa.

2 Kɔrɛntinyɛje 5:10

Mba, a to tar ləje tɔyn ta kar nɔn sariya tə̂ lə Kristə, karə dəw kâra kâra inga kuka laa mba kula-dda kə̂ maji wase kə̂ maji ang kə̂ n̂-dda kə da-rɔɛ̂ le, kar tə̂ kə̂ n̂-nayn nɛ̂n dɔ nangə tə̂.

2 Timɔte 4:1

Maw duji kəm Lubba tə̂ kə kəm Jeju-Kristə tə̂ kə̂ a gangə sariya dɔ dəwje tə̂ kə̂ isije kəm baa ddəm dəwje tə̂ kə̂ oyje ddəm, maw duji kə ri Kristə kə̂ a təl ddee kɔn-mbay,

1 Piyɛr 4:5

A dâ kɔru gəl nɛ̂n-ddaje ləde le nɔn Lubba tə̂ kə̂ to ngɔsi mba gangə sariya dɔ dəwje tə̂ kə̂ naynje kəm baa ddəm dəwje kə̂ oyje ddəm.