Tar kə̂ Maji kə̂ Jan dda makəturu tə̂ 5:18 - Dɔnɔn kə̂ Siki: Tar kə̂ aw arə təbbə

¹⁸ Mba tar nəənn le, njê-kɔnje dɔ Jiipije aw sangəje ddəw kə kete kete ta tɔl Jeju. Mba n̂-bbəəl ndɔ-kuwa-rɔ lə Jiipije ang ngaâ dɔɛ tə̂ bbay, n̂-pa nan Lubba to Bɔɛ̂je njaa. Yeenn tɔju to n̂-dda rɔɛ̂ to dəw kə̂ asə naan kə Lubba.

Tar kə̂ Maji kə̂ Jan dda makəturu tə̂ 5:18 Iomraidhean Croise

Matiye 12:5

Ə-gərə tar kə̂ n̂-dda Makəturu-Ndu tə̂ kə majɛ̂. Tar le nan: Njê-poloje Lubba kə̂ aw ddaje kula mə kəy-polo Lubba tə̂ ndɔ-kuwa-rɔ tə̂ aalje Ndu kə̂ dunn mba ndɔ-kuwa-rɔ, a n̂-gangə sariya dɔde tə̂ ang.

Tar kə̂ Maji kə̂ Jan dda makəturu tə̂ 1:19

Njê-kɔnje dɔ Jiipije kə̂ Jerujalɛm ulaje njê-poloje Lubba kə njê kə̂ gəl Lebi tə̂ rɔ Jan tə̂ ta duje se, ne n̂-to nân wa? Tar-naji kə̂ n̂-pa â nəənn.

Tar kə̂ Maji kə̂ Jan dda makəturu tə̂ 10:30

Əman kə Bɔmje, n-to dəwje kə̂ kâra baa.»

Tar kə̂ Maji kə̂ Jan dda makəturu tə̂ 10:33

Jiipije le ilɛ̂je tə̂ nan: «Nɛ̂n kə̂ maji â n-ndiki ta tilai kə ər tɔli mbɛɛ̂ ang. Taji kə̂ ə-taji Lubba â n-ndiki ta tilai mbɛɛ̂. Ə-to dəw, a ə-dda rɔi to Lubba.»

Tar kə̂ Maji kə̂ Jan dda makəturu tə̂ 14:23

Jeju ilɛ̂ tə̂ nan: «Bbo dəw ndikim a, nâ dda nɛ̂n kə turu ndum. Bɔmje a ndike ngaâ əman je kə Bɔy ja kaw rɔɛ̂ tə̂, ja dda bbe rɔɛ̂ tə̂.

Tar kə̂ Maji kə̂ Jan dda makəturu tə̂ 14:9

Jeju ilɛ̂ tə̂ nan: «Pilipi, ləw baa kə̂ mee kə se nəənn njaa, ə-nayn ə-gərəm ang bbay wa? Dəw kə̂ oom a, oo Bɔ. A ə-pa nan m-tɔjuse Bɔ tokə baânn wa?

Tar kə̂ Maji kə̂ Jan dda makəturu tə̂ 19:7

Jiipije ilɛ̂je tə̂ nan: «Marə ndu ləje to. Ddəw ndu tə̂ənn le nasə yo, mba n̂-pa nan n̂-to Ngonn lə Lubba.»

Tar kə̂ Maji kə̂ Jan dda makəturu tə̂ 5:15

Dingaw le aw pa arə njê-kɔnje dɔ Jiipije le nan Jeju â dda arə rɔɛ̂ le ddee maji.

Tar kə̂ Maji kə̂ Jan dda makəturu tə̂ 5:16

Mba yeenn bba, njê-kɔnje dɔ Jiipije le unnje kutu sangə ddəw ta dda Jeju maji ang, mba nɛ̂n kə̂ n̂-dda ndɔ-kuwa-rɔ tə̂ lə Jiipije le.

Tar kə̂ Maji kə̂ Jan dda makəturu tə̂ 5:17

A Jeju pa arəde nan: «Bɔmje aw dda kula ndərəng bbasinɛn. Əman kara maw dda kula tɔ.»

Tar kə̂ Maji kə̂ Jan dda makəturu tə̂ 5:23

Yeenn bba karə dəwje tɔyn walje Ngonn le, ddəw kâra baa tokə dəwje tɔyn walje Bɔ. Dəw kə̂ wal Ngonn ang, wal Bɔ kə̂ ulɛ̂ le ang tɔ.

Tar kə̂ Maji kə̂ Jan dda makəturu tə̂ 7:1

Goe tə̂ a, Jeju aw nja dɔ nangə Galile tə̂ bbay. N̂-ndiki ta kaw Jude ang, mba njê-kɔnje dɔ Jiipije aw sangəje ddəw ta tɔlɛ̂.

Tar kə̂ Maji kə̂ Jan dda makəturu tə̂ 7:19

Mɔyijə â arəse Ndu ang wa? A dəw kâra horose tə̂ aw bbəəl Ndu ang. Yeenn a, mba ddi bba aw sangəje ddəw ta tɔləm wa?»

Tar kə̂ Maji kə̂ Jan dda makəturu tə̂ 8:54

Jeju ilade tə̂ nan: «Bbo əman njaa maw piti rɔm a, piti rɔ ləm a to nɛ̂n kâra ang. Bɔmje â aw pitim, ne kə̂ ə-paje nan n̂-to Lubba ləse le.

Tar kə̂ Maji kə̂ Jan dda makəturu tə̂ 8:58

Jeju ilade tə̂ nan: «Tɔkɔrɔ m-pa marəse, kete bba karə Abaraham to, Əman, M-to mban.»

Pilipinyɛje 2:6

N̂-to to Lubba njaa, a n̂-nar ddəw ta nayn kisi to Lubba le dɔrɔ ang.

Apokalisi 22:1

Goe tə̂ a, anjə le tɔjum ba kə̂ maannɛ̂ aw arə təbbə dəw, kəmɛ̂ arɛ yərərə. Maann le ubba ngende-mbay tə̂ lə Lubba de kə Ngonn batə le aw tee

Apokalisi 22:3

Marə nɛ̂n kə̂ ndu-ndɔɔl lə Lubba a to dɔɛ̂ tə̂ a to ang ngaa. Ngende-mbay lə Lubba kə lə Ngonn batə a toje mə bbe tə̂ le. Njê-kulaje lə Lubba a poleje.